Jeremías 8:4 - Q'eqchi Bible

⁴ “At Jeremías, aatinaheb' li tenamit sa' ink'ab'a' chi jo'ka'in: «Wi nat'ane'k junaq poyanam, nawakliik wi' chik; wi nasachk sa' li xb'e, ma ink'a' tab'i' taasutq'iiq sa' li xna'aj?

Li Santil hu

⁴ At Jeremías, la̱at ta̱ye resil aꞌin reheb li tenamit. Nak junak natꞌaneꞌ, ¿ma incꞌaꞌ ta biꞌ nacuacli cuiꞌchic? Cui junak naxjal xbe, ¿ma incꞌaꞌ ta biꞌ ta̱sukꞌi̱k nak tixqꞌue retal nak ma̱cuaꞌ aꞌan li be li yo̱ cuiꞌ chi xic?

Jeremías 8:4 ပူးပေါင်းရင်းမြစ်များ

Proverbios 24:16

Us ta wuqub' sut nat'ane'k li tiik xch'ool, ab'an nawakliik wi' chik; a'ut li ink'a' useb' xna'leb', ra toxe'oso'q wi'.

Miqueas 7:8

Matsaho'k rik'in linrahilal, at tenamit li xik' nakat-ilok we, xb'aan naq us ta xint'ane'k, tinwakliiq wi' chik; us ta wankin sa' aak'ab', li Qaawa' a'an linsaqenk.

Oseas 6:1

“Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.

Jeremías 3:1

“Qayehaq: wi junaq winq naxkanab' li rixaqil ut li ixq na'elk ut nasumlaak rik'in jalan chik, ma naru taasutq'iiq wi' chik rik'in li xwank cho'q xb'eelom? A'an q'axal xutaanal cho'q re chixjunil li tenamit. Jo'kan b'i', a Israel, laa'at xamux aawib' rik'in naab'aleb' li xe'rahink aawu, ut anaqwan taawaj wi' chik sutq'iik chaq wik'in!

Isaías 55:7

Li ink'a' us xch'ool xkanab'aq xb'aanunkil li maa'usilal, ut li yib'ru xna'leb' mixk'oxla chik li ink'a' us. Sutq'iiq chaq rik'in li Qaawa' ut A'an taaruxtaana ru, sutq'iiq chaq rik'in li qaYos li jwal chaab'il chi kuyuk maak.

Amós 5:2

Israel chanchan jun tuq'ixq kamenaq; xt'ane'k ut ink'a' chik naru chi wakliik. Jiljo chiru ch'och' xkanaak ut maajun nawaklesink re.

Oseas 14:1

At aj Israel, sutq'in wi' chik rik'in li Qaawa' laaYos, xb'aan naq laamaak xt'anok aawe.

Oseas 7:10

Li xq'etq'etileb' laj Israel yo chi numtaak sa' xb'eeneb', ab'an ink'a' neke'raj sutq'iik rik'in li Qaawa'. Us ta q'axal ra xe'xk'ul, ab'anan ink'a' neke'xsik' li Qaawa' li xYoseb'.

Ezequiel 18:23

Ma nasaho'k tab'i' linch'ool naq nakamk laj maak? -chan li Qaawa'-. Li nawulak chiwu, a'an a'in: naq li ink'a' us xch'ool tixjal li xk'a'uxl ut wanq xyu'am.

Isaías 44:22

Laa'in xinkuy laaq'etq'etil ut xinsach laamaak jo' naq nasachk li choql ut li mayuus. Sutq'in chaq wik'in xb'aan naq laa'in xinkolok aawe.

1 Reyes 8:38

chawab'iiq chaq toj sa' laak'ojarib'aal yalaq ani chi poyanamil malaj chixjunil li tenamit Israel, li taareek'a xrahilal sa' xch'ool, taatijoq ut tolxtaqsiheb' li ruq' chi elajink chawu sa' li ochoch a'in.

Jeremías 36:3

Mare anchal eb' laj Judá te'rab'i chixjunil li rahilal xink'oxla xb'aanunkil reheb', te'xyot' xch'ool te'xjal xk'a'uxl ut laa'in tinkuy tinsach li xmaakeb'”.

Jeremías 23:14

Xwil ajwi' li k'aru neke'xb'aanu eb' li propeet aj Jerusalén: q'axal yib' wi' chik ru li xb'aanuhomeb'. Neke'muxuk sumlaak ut neke'b'alaq'ik; neke'xk'e xkawil xch'ooleb' li ink'a' useb' xna'leb' re naq maajun tixkanab' xb'aanunkil li maa'usilal. Eb' a'an jo'wi' eb' li wankeb' Jerusalén chanchaneb' laj Sodoom ut eb' laj Gomoor!

Jeremías 4:1

“Wi taawaj sutq'iik chaq, a Israel, -chan li Qaawa'- wik'in laa'in tento tatsutq'iiq chaq. Wi taakanab' xloq'oninkil li jalanil yos li k'ajo' xyib'al ru ut ink'a' chik tat-eleliq chiwu,

Jeremías 3:22

Chalqex wi' chik wik'in, ex walal ink'ajol aj q'etolex aatin, ut laa'in twisi leeq'etq'etil”. “Waaye'o arin, xoosutq'iik chaq aawik'in, xb'aan naq laa'at li Qaawa' li qaYos.