Jeremías 8:10 - Q'eqchi Bible

¹⁰ Jo'kan naq jalan chik taa'eechaninq re li rochocheb', li xk'aleb'aaleb' ut li rixaqileb'. Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij, ka'ajwi' b'alaq'ik neke'xb'aanu chixjunileb'.

Li Santil hu

¹⁰ Joꞌcan nak la̱in tinqꞌueheb li rixakil reheb jalan cui̱nk. Ut lix naꞌajeb li racui̱mk tinqꞌue reheb li teꞌchapok re lix tenamiteb xban nak junes lix biomal nequeꞌxcꞌoxla li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil. Eb li profeta ut eb laj tij nequeꞌbalakꞌic.

Jeremías 8:10 ပူးပေါင်းရင်းမြစ်များ

Ezequiel 33:31

Ut chi jo'kan lintenamit neke'chalk ut neke'k'ojlaak chawu, jo' k'aynaqeb' chi xb'aanunkil, re rab'inkil laawaatin. Ab'anan ink'a' neke'xyu'ami. «Ch'ina'us li aatin a'in!», chankeb', ab'an yal chi xtz'uumal reheb' neke'xk'ulub'a, xb'aan naq li xch'ooleb' naxik ka'ajwi' chirix li tumin.

Tito 1:11

Eb' a'an tento xch'anab'ankileb', xb'aan naq neke'xpo' xch'ooleb' li junq kab'al rik'in xk'utb'al li maatzole'k naraj, yal tumin neke'raj.

Sofonías 1:13

Jo'kan naq taa'elq'aaq li xb'ihomaleb' ut taajuk'manq li rochocheb'. Xe'yiib'ank ochoch, ab'an ink'a' te'wanq chisa'; xe'awk uub', ab'an ink'a' te'uk'aq b'iin”.

Amós 5:11

Laa'ex nekerahob'tesi li neb'a' ut nekepatz' re li toj chirix li triiw. Jo'kan naq ink'a' texwanq sa'eb' li ochoch xeyiib' rik'in pek tuqub'anb'il ru chi us, chi moko teeruk' xya'al li uub' xeraw chi chaab'il.

Isaías 28:7

Wankeb' ajwi' li neke'taktotk xb'aan li b'iin ut sachenaq xna'leb'eb' xb'aan li ha' nakaltesink: a'aneb' laj tij ut eb' li propeet li ink'a' chik nach'olaak li neke'xb'aanu xb'aan li b'iin, sachso xna'leb'eb' xb'aan li ha' nakaltesink. Ink'a' chik neke'ch'olaak chi aatinak ut yookeb' xkalajik naq neke'raqok aatin.

Tito 1:7

Xb'aan naq laj ilol re li Iklees, jo' aj k'anjel chiru li Yos, tento naq maak'a'aq xq'usb'al; moko q'etq'etaq ta, ink'a' ch'inpo'aq chi moko aj kalajenaq, maawa'aq aj yoob'anel ch'a'ajkilal chi moko aj rahol ru tumin sa' b'alaq',

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Miqueas 3:5

A'an a'in xyehom li Qaawa' reheb' li propeet li neke'b'alaq'ink re lintenamit: tuqtuukilal neke'xtz'aama sa' xb'eeneb' li neke'k'ehok reheb' chi wa'ak, ab'an eb' li ink'a' neke'xk'eheb' chi tzekank neke'xtz'aama rahilal sa' xb'eeneb':

Lamentaciones 4:13

Xmaakeb' li propeet ut li xmaa'usilaleb' laj tij, sa' li tenamit Jerusalén xhoye'k xkik'el li maak'a'eb' xmaak.

Jeremías 32:32

xb'aan chixjunil li maa'usilal xb'aanuhomeb' laj Israel jo'wi' eb' laj Judá, re xyoob'ankil linjosq'il, rochb'eeneb' li awab'ej, eb' laj jolominel, eb' laj tij, eb' li propeet ut chixjunileb' li wankeb' Judá ut Jerusalén.

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Li xHu LAJ JOB 31:10

wi jo'kan yookin, chik'ame'q ta li wixaqil cho'q xmoos jalan chik winq, ut chixmux ta rib' rik'in a'an.

Isaías 57:17

Xinjosq'o'k xb'aan naq k'ajo' li ratawom laj Israel; xinrahob'tesi ut xinmuq wib' chiru. Ab'an a'an xq'etq'eti rib' ut xkawub'resi xch'ool sa' li xjipil.

Jeremías 14:18

Wi ninxik sa' li k'aleb'aal, nintaweb' li xe'kamsiik chi q'esnal ch'iich'; wi nin'ok sa' li tenamit, nawileb' li poyanam li kamkeb' re xb'aan li we'ej. Ut eb' li propeet jo'wi' eb' laj tij neke'chalk neke'xik sa' li tenamit chi sachsookeb' xch'ool»”.

Jeremías 17:11

Li ani nab'ihomo'k rik'in b'alaq'ik, a'an kama' li xik'anel xul li naxmetzo li mol maawa' re. Taasachq li xb'ihomal chiru, chi junpaat, ut taakanaaq jo' li maak'a' xna'leb'.

Jeremías 22:17

“A'ut laa'at a' li tumin naxik wi' laach'ool ut maak'a' nakawaj wi' chanru naq taataw; nakak'eheb' chi kamk li maak'a'eb' xmaak, ut nakarahob'tesi ut nakasacheb' laatenamit”.

Jeremías 38:22

Chixjunileb' li ixq li xe'kanaak sa' rochoch li awab'ej re Judá, te'isiiq ut te'q'axtesimanq sa' ruq'eb' li xjolomileb' li xsoldaad li awab'ej re Babilonia; ut eb' li ixq a'an yooqeb' chi xyeeb'al: «Xate'xb'alaq'i ut xe'numtaak sa' aab'een eb' laachaab'il amiiw. Naq xsob'e'k laawoq sa' sulul, xate'xkanab' aajunes», cha'qeb'.

Jeremías 42:1

Toja' naq chixjunileb' li xjolomileb' laj puub' rochb'eeneb' laj Jwan, ralal laj Kareha, ut laj Asarías, ralal laj Hosaías, ut chixjunileb' li poyanam, jo' kok' ut ninq, ke'wulak chi aatinak

Miqueas 2:4

Sa' li kutan a'an taab'ichamanq eere jun li b'ich re rahil ch'oolejil. Te'xye eere: «Xoosache'k chi junajwa. Li qatenamit, li reechanihom li Qaawa', jalan chik laj eechal re anaqwan, ut maajun xramok re. Xjek'iik li qach'och' chirixeb' li xe'eechanink qe», cha'qeb' eere”.

Habacuc 1:6

Ok we chi xwaklesinkil chaq eb' laj Kaldeha sa' eeb'een: a'an jun tenamit q'axal josq' ut junelik yo'oon wankeb' chi xik yalaq b'ar sa' ruuchich'och' chi reechaninkileb' li na'ajej li moko reheb' ta.

Jeremías 14:14

Toja' naq li Qaawa' kixye we: “B'alaq'ik yookeb' li propeet a'an sa' ink'ab'a'. Laa'in ink'a' xintaqlaheb' a'an, ink'a' xinchaq'rab'iheb' chi moko xin'aatinak rik'ineb'. Tik'ti' li neke'xye, b'alaq'il moy u, yal xk'a'uxeb' winq li maak'a' aj e: a'an a'in li neke'xye resil eere eb' li propeet a'an.