Jeremías 8:1 - Q'eqchi Bible

¹ “Chiruheb' li kutan a'an -chan li Qaawa'- li xb'aqeleb' li awab'ej re Judá te'isiiq sa' li xmuqleb'aaleb'; li xb'aqeleb' li xninqaleb' ru winq, eb' laj tij, eb' li propeet ut li xb'aqel chixjunileb' li ke'wank Jerusalén te'isiiq

Li Santil hu

¹ Li Ka̱cuaꞌ quixye: —Saꞌ eb li cutan aꞌan lix bakeleb li rey ut eb li queꞌtenkꞌan reheb teꞌisi̱k saꞌ lix mukleba̱leb xbaneb li xicꞌ nequeꞌiloc reheb. Teꞌisi̱k ajcuiꞌ lix bakeleb li profetas ut eb laj tij joꞌ ajcuiꞌ lix bakeleb li tenamit li queꞌcuan Jerusalén.

Jeremías 8:1 ပူးပေါင်းရင်းမြစ်များ

Ezequiel 6:5

Tinkuti eb' li kamenaq chiruheb' li jalanil yos ut tinpaji li xb'aqeleb' laj Israel chi xsutameb' li artal.

Amós 2:1

Jo'ka'in kixye li Qaawa': “Ak k'iila sut xinkuy xmaakeb' laj Mohab ut anaqwan maak'a' chik xkuyb'al, xb'aan naq xe'xk'at li xb'aqel li awab'ej re Edom toj reetal naq cha xchahirk.

Ezequiel 37:1

Li Qaawa' kixk'e li ruq' sa' inb'een, ut rik'in li xmusiq' kinxk'am ut koxinxxaqab' sa' jun li taq'a nujenaq chi b'aq.

2 Reyes 23:20

Moqon chik kixkamsiheb' chixjunileb' laj tij li ke'k'anjelak sa'eb' li tijob'aal chi tzuul, a'eb' li wankeb' aran, kixmayejaheb' sa' xb'eeneb' li artal ut kixk'at xb'aqeleb' kamenaq sa' xb'eeneb'. Chirix chik a'an kisutq'iik wi' chik Jerusalén.

2 Reyes 23:16

Naq laj Josías ki'ilok chi xsutam ut kirileb' li xmuqleb'aaleb' li kamenaq wankeb' sa' li tzuul, kixye naq che'isiiq li xb'aqel eb' li kamenaq ut che'k'ate'q sa' xb'een li artal. Chi jo'kan kixsach xwankil li na'ajej, jo' kixye li Qaawa' chi xtz'uumal re li xtaql li Yos naq kiyehok resil li k'aru taak'ulmanq.

1 Reyes 13:2

Ut ki'aatinak chirix li artal chi kaw xyaab' xkux, jo' kiyehe'k re xb'aan li Qaawa': “At artal, at artal, jo'ka'in xye li Qaawa': «Sa' xyanqeb' li ralal xk'ajol laj David taayo'laaq jun k'uula'al, aj Josías xk'ab'a'. A'an tixmayeja sa' aab'een eb' laj tij li wankeb' sa'eb' li tijob'aal sa' xjolomeb' li tzuul, a'eb' li neke'k'atok pom sa' aab'een. Taak'atoq chik xb'aqeleb' kamenaq poyanam sa' aab'een»”.

2 Reyes 9:37

Li xch'och'el xsululel taakanaaq jo' li k'ot cho'q xq'emal li ch'och', re naq maajun chiyehoq: A'an lix Jesabel»”.

Salmos 53:5

Ma ink'a' te'xtaw xyaalal eb' laj b'aanuhom maa'usilal, chixjunileb' li neke'xlow lintenamit jo' nawa'e'k li wa, eb' li ink'a' neke'xpatz' xk'ab'a' li Qaawa'?

Jeremías 14:16

Ut eb' li tenamit a'an te'kanaaq chi t'ant'o sa'atqeb' li b'e re Jerusalén: te'kamq xb'aan li raaxiik' ut li we'ej, chi maajun taamuquq reheb', rochb'eeneb' li rixaqil ut eb' li ralal xk'ajoleb'. A' ajwi' li xmaa'usilaleb' tinq'aplusi sa' xb'eeneb'.

Ezequiel 6:4

Tinputz'i eb' li artal nekexmayejak wi' ut nekek'at wi' leepom, ut tink'eheb' chi kamk laj k'anjel chiruheb' li jalanil yos.