Jeremías 7:6 - Q'eqchi Bible

⁶ wi ink'a' chik teerahob'tesi li jalaneb' xtenamit, eb' li neb'a'yox ut eb' li xmalka'an, chi moko teekamsiheb' chik leeras eeriitz'in li maak'a'eb' xmaak, sa' li na'ajej a'in; wi ink'a' chik teeloq'oni ruheb' li jalanil yos li yookex wi' xsik'b'al li rahilal sa' eeb'een,

Li Santil hu

⁶ Incꞌaꞌ te̱rahobtesi li jalan xtenamiteb, chi moco li ma̱cꞌaꞌ xnaꞌ xyucuaꞌeb ut li xma̱lcaꞌan, chi moco te̱qꞌue chi camsi̱c li ma̱cꞌaꞌ xma̱queb ut incꞌaꞌ te̱bok raylal saꞌ e̱be̱n riqꞌuin nak nequelokꞌoni li yi̱banbil dios.

Jeremías 7:6 ပူးပေါင်းရင်းမြစ်များ

Jeremías 13:10

Li reemaaru aj tenamit a'in li ink'a' neke'raj xpaab'ankil li waatin, neke'b'eek jo' naraj li xjip aj ch'ooleb' ut xkoho xch'ooleb' chirixeb' li jalanil yos re xk'anjelankil ut xloq'oninkil ruheb', toxe'kanaaq jo' li k'aamalsa' a'in li maak'a' chik na'ok wi'.

Deuteronomio 8:19

Ab'anan wi taasachq sa' laach'ool li Qaawa' laaYos, wi tatxik chirixeb' li jalanil yos, wi taaloq'oni ruheb' ut taawiq'ib' aawib' chiruheb', laa'in ninch'olob' chawu anaqwan naq tex'oso'q chi junajwa.

Deuteronomio 11:28

Majewaak wi ink'a' teepaab' li xchaq'rab' li Qaawa' leeYos ut teekanab' li b'e li xink'ut cheru anaqwan, re xtaaqenkil jalaneb' yos li maajun wa eenawomeb' ru.

Jeremías 2:34

Oso'jenaq laab'aatal sa' xkik'eleb' li neb'a' jo' ajwi' sa' xkik'eleb' li maak'a'eb' xmaak, a'eb' li maajun wa xataweb' chi elq'ak.

Santiago 1:27

Li tz'aqal paab'ank li maak'a' reek' ut loq' chiru li Yos Yuwa'b'ej, a'an a'in: xtenq'ankileb' li maak'a'eb' chik xna' xyuwa' ut eb' li xmalka'an li wankeb' sa' rahilal, jo' ajwi' xkolb'al qib' chiru li xmaa'usilal li ruuchich'och' chi maak'a'aq qamuxul.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Jeremías 19:4

Xb'aan naq xine'xtz'eqtaana eb' laj Israel ut xe'xsach xwankil li na'ajej a'in, naq xe'mayejak k'ajpom chiruheb' li jalanil yos, li ink'a' xnawom ruheb' a'an chi moko eb' li xmama' rixa'aneb', chi moko eb' li awab'ej re Judá. Ut naab'aleb' li maak'a'eb' xmaak xe'xkamsi arin.

Isaías 59:7

Neke'xseeb'a rib' chi xb'aanunkil li maa'usilal, jo'wi' chi xkamsinkileb' li ras riitz'in li maak'a'eb' xmaak. Ka'ajwi' li kamsink poyanam wank sa' xch'ooleb', sachok ut rahilal neke'xkanab' b'arwi' neke'nume'k.

Deuteronomio 27:19

«Tz'eqtaananb'ilaq li ani tixq'et li xk'ulub' laj ab'l tenamit, li neb'a'yox ut li xmalka'an». Ut chixjunil li tenamit te'xye: «Jo'kan».

Deuteronomio 24:17

“Ink'a' taajal ru li xk'ulub' laj ab'l tenamit chi moko li neb'a'yox; ink'a' taaxok li xt'ikr li xmalka'an cho'q reeqaj li to'.

San Mateo 27:25

Ut chixjunileb' li tenamit ke'xsume ut ke'xye: —Li xkik'el chinaq sa' qab'een ut sa' xb'eeneb' li qalal qak'ajol.

San Mateo 27:4

—Xinmaakob'k, xinq'axtesi xyu'am jun li winq maak'a' xmaak, chan. A'ut eb' a'an ke'xye: —K'a' tqaj wi' laa'o? Il laa'at k'aru taab'aanu.

Ezequiel 18:6

ink'a' naxik chi tzekank sa'eb' li tijob'aal chiru tzuul chi moko naxk'ojob' xch'ool rik'ineb' li xjalanil yoseb' laj Israel; ink'a' naxmux li rixaqil li ras riitz'in, chi moko nawank rik'in li rixaqil naq yo sa' xpuch'unik;

Lamentaciones 4:13

Xmaakeb' li propeet ut li xmaa'usilaleb' laj tij, sa' li tenamit Jerusalén xhoye'k xkik'el li maak'a'eb' xmaak.

Jeremías 26:23

Eb' a'an ke'risi chaq laj Urías aran Ejiipt ut ke'xk'am chaq chiru laj Johakín, li awab'ej, ut a'in kixk'e chi kamsiik ut chi kute'k sa' xyanqeb' li k'iila kamenaq.

Jeremías 26:15

Ab'anan chenawaq chi us naq maak'a' inmaak: wi tineekamsi laa'in, q'axal wanq wi' chik leemaak jo' ajwi' wanq xmaakeb' laj Jerusalén. Relik chi yaal naq a' li Qaawa' xtaqlank chaq we chi xyeeb'al chi ch'olch'o ru eb' li aatin xerab'i”.

Jeremías 7:5

«Wi nekechaab'ilob'resi leeyu'am ut leeb'aanuhom; wi tiikaq leech'ool cherib'il eerib';

Jeremías 2:30

Maak'a' rajb'al naq xeb'inq'us chi kaw leeralal eek'ajol, xb'aan naq ink'a' xe'xtaw ru. Laa'ex xekamsi chi ch'iich' eb' li propeet jo' naq li kaqkoj naxt'upi li xtzak.

Salmos 106:38

Ke'xhoy li kik' li maak'a' xmuxul, a' li xkik'el li ralal xk'ajoleb' mayejanb'il chiruheb' li xyoseb' laj Kanahán. Jo'kan naq kimuxmank li na'ajej rik'in kik',

2 Reyes 24:4

ut xb'aan ajwi' naq kixkamsi naab'aleb' li maak'a'eb' xmaak, toj reetal kixnujob'resi Jerusalén chi kamenaq. Ut li Qaawa' ink'a' chik kixkuy a'an.

2 Reyes 21:6

Kixk'at li ralal cho'q xmayej; kixtzol li q'ehink ut li nawalink, kipatz'okatq rik'ineb' laj q'e ut rik'ineb' li musiq'ej. Xikenaq wi' chik xb'een li maa'usilal kixb'aanu toj reetal kixpoq' xjosq'il li Qaawa'.

Levítico 25:17

“Meerahob'tesi leeras eeriitz'in. Chexiwaaq ru leeYos, xb'aan naq laa'in li Qaawa', leeYos.

Jeremías 5:28

ninqeb' li xtib'eleb' ut kaweb' rib'. K'ajo' naq xe'numtaak chi b'aanunk maa'usilal: ink'a' neke'xkol rix li neb'a'yox sa' li raqb'a aatin chi moko neke'xk'e li xk'ulub' li neb'a'.

Jeremías 7:9

Nekex'elq'ak, nekekamsi leeras eeriitz'in, nekexmuxuk sumlaak, nekexyehok jurament sa' tik'ti', nekexmayejak chiruheb' laj Bahal ut nekeloq'oni ruheb' li yos ink'a' eenawomeb' ru.

Jeremías 35:15

Xink'e inch'ool chi xtaqlankil chaq eerik'in eb' linpropeet, laj k'anjeleb' chiwu, re xyeeb'al eere: Kanab'omaq li jo'maajo'il wank, chaab'ilob'resiiq leeyu'am ut meeloq'oni chik ru eb' li jalanil yos chi moko texk'anjelaq chiruheb'. Chi jo'kan wanqex sa' li na'ajej a'in ink'ehom eere laa'ex ut reheb' ajwi' leexe'toonil yuwa'. Ab'anan ink'a' xineepaab' chi moko xeraj wab'inkil.

Ezequiel 22:7

Eb' li poyanam li wankeb' aawik'in ink'a' neke'roxloq'i eb' li xna' xyuwa'eb', neke'xrahob'tesi eb' laj ab'l tenamit ut neke'xtawasi li neb'a'yox jo'wi' li xmalka'an.

Levítico 19:33

“Meerahob'tesi laj ab'l tenamit li wank sa' eeyanq, sa' leetenamit.

Proverbios 23:10

Maajal xna'aj eb' li mayer nub'ajl, chi moko taamaq' xch'och'eb' li neb'a'yox,