Jeremías 7:34 - Q'eqchi Bible

³⁴ Tinsach li sahil ch'oolejil sa'eb' li tenamit re Judá ut sa'eb' li b'e re Jerusalén; ink'a' chik taa'ab'iiq li b'ichank na'uxk sa' xkutankil li sumlaak. Xb'aan naq nakirirnak taakanaaq chixjunil li na'ajej”.

Li Santil hu

³⁴ La̱in tincuisi li sahil chꞌo̱lej saꞌ eb li tenamit li cuanqueb Judá joꞌ ajcuiꞌ saꞌ li tenamit Jerusalén. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱leb. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk chic sumla̱c. Eb li tenamit teꞌcana̱k chi ma̱cꞌaꞌ chic cuan chi saꞌ joꞌ li chaki chꞌochꞌ.—

Jeremías 7:34 ပူးပေါင်းရင်းမြစ်များ

Apocalipsis 18:23

Li xxamlel li saqenk ink'a' chik taasaqeno'q wankat wi', ut li xyaab' xkuxeb' li b'eelomej ut li ixaqilb'ej ink'a' chik taa'ab'iiq aawik'in. Xb'aan naq eb' laj yakonel ke'wank aawik'in a'aneb' li xninqaleb' ru winq sa' ruuchich'och', ut rik'in li tuulak xab'aanu xab'alaq'i chixjunileb' li tenamit”.

Oseas 2:11

Tinsach chixjunil li nasaho'k wi' xch'ool, a' li utz'uk, li xninq'ehinkil li xtiklajik li po, li hilob'aal kutan jo'wi' chixjunileb' li ninq'e.

Ezequiel 26:13

Chi jo'kan tinraq li xsahil laach'ool ut ink'a' chik taa'ab'imanq xyaab' laa'aarp.

Jeremías 25:10

Ink'a' chik taa'ab'imanq li ninq'ehik sa' xyanqeb', chi moko li sahil ch'oolejil ut li b'ichank re li sumlaak; ink'a' chik taa'ab'iiq xyaab' li ke'leb' ut maak'a'aq chik li xsaqenkil li xam.

Jeremías 16:9

Xb'aan naq jo'ka'in ninye laa'in, li Nimajwal Yos, li xYos laj Israel: tinsach chixjunil li sahil ch'oolejil sa' li tenamit a'in chiru leeyu'am; maak'a'aq chik ninq'ehik ut b'ichank sa' li sumlaak. Laa'ex teeril rik'in leeru.

Isaías 1:7

Leena'aj xkanaak chi po'lemil ut eb' leetenamit yookeb' chi k'atk. Eb' li xik' neke'ilok eere a'aneb' chik neke'tzekank ru leerawimq. Nakirnak aj chik chixjunil jo' naq kisache'k ru li tenamit Sodoom.

Levítico 26:33

Texincha'cha'i laa'ex sa' xyanqeb' li tenamit ut texwaanilasi rik'in q'esnal ch'iich'. Leena'aj taasutq'iiq cho'q chaqich'och', ut eb' leetenamit tinkanab'eb' cho'q po'lem.

Miqueas 7:13

Ab'an nakirnak taakanaaq li xna'ajeb' li tenamit a'an xb'aan li maa'usilal xe'xb'aanu jo'k'ihaleb' li wankeb' aran.

Jeremías 4:27

Jo'ka'in kixye li Qaawa': “Chixjunil li ruuchich'och' taasachmanq, ab'an moko taa'oso'q ta chixjunil.

Isaías 3:26

Junes yaab'ak ut tz'uyink taawanq chireheb' li okeb'aal, ut aajunes aj chik laa'at tatk'ojlaaq sa' li pojtz'.

Jeremías 33:10

Jo'ka'in kixye li Qaawa': “Laa'ex nekeye naq li na'ajej a'in nayamnak aj chik ru, maajun poyanam chi moko junaq xul wank chisa'. Nekeye ajwi' naq sa' xteepal Judá ut sa'eb' li b'e re Jerusalén maak'a' chik wank aran, chi moko winq chi moko xul. Ab'an sa'eb' li na'ajej a'an toj taa'ab'imanq

Isaías 6:11

Ut laa'in kinpatz' re: “Jo'q'e taak'ulmanq a'an, at inQaawa'?”, chankin. Ut a'an kixye we: “Toj reetal te'juk'manq eb' li tenamit ut maajun chik poyanam wanqeb' chisa'; toj te'oso'q chixjunileb' li winq sa'eb' li ochoch ut nakirirnak te'kanaaq eb' li k'aleb'aal,

Salmos 78:63

Li xam kichoyok reheb' li saaj al ut ink'a' chik kiwank sahil ch'oolejil chirixeb' li tuq'ixq.

Jeremías 22:6

Jo'ka'in kixye li Qaawa' chirix li rochoch li awab'ej re Judá: “Chanchanat li tzuul Galahad cho'q we laa'in, ut kama'at li tzuul Líbano; ab'anan ninye tz'aqal aawe naq joxk' ch'och' tatinkanab' wi', jo'qat jun na'ajej li maajun nawank chisa'.

Jeremías 27:17

Meerab'i naq neke'xye chi jo'kan. K'ehomaq eerib' rub'el xwankil li awab'ej re Babilonia ut teekol leeyu'am. K'aru aj e naq tkanaaq chi po'lem Jerusalén?

Jeremías 44:6

Jo'kan naq kilochk xxamlel linjosq'il ut q'axal kinjosq'o'k sa' xb'eeneb' li tenamit re Judá ut sa'atqeb' li b'e re Jerusalén. Ke'juk'mank ut nakirirnak ke'kanaak chalen toj anaqwan.

Lamentaciones 5:14

Eb' li ak cheekeb' ink'a' chik neke'k'ojlaak sa' rokeb'aal li tenamit, ut eb' li saaj al ink'a' chik neke'b'ichank.

Li xHu LAJ JOB 3:7

Maajun taxaq chik chiyo'laaq chiru li q'oqyink a'an chi moko chi'ab'iiq aran xyaab' li sahil ch'oolej!

Jeremías 4:26

Kin'ilok wi' chik ut kiwil naq joxk' aj chik ru li chaab'il ch'och', juk'b'ileb' chik chixjunileb' li tenamit xb'aan li Qaawa', xb'aan xxamlel li xjosq'il.

Jeremías 33:11

li b'ichank ut li sahil ch'oolejil, li ninq'ehik, li xb'ich li b'eelomej ut li ixaqilb'ej; taa'ab'imanq xyaab' xkuxeb' chixjunileb' li te'chalq chi mayejak re b'anyoxink sa' rochoch li Qaawa', yooqeb' chi xyeeb'al: «Chexyoxinq chiru li Nimajwal Yos xb'aan naq chaab'il li Qaawa', ut li xnimal xrahom wank chi junelik!». Relik chi yaal naq tink'ameb' chaq wi' chik sa' li xna'ajeb' li wankeb' chaq chi preexil, re naq te'wanq wi' chik jo' naq ke'wank chaq xb'enwa”, chan li Qaawa'.

Ezequiel 7:11

Yo chi pukank li raaxiik' yalaq b'ar ut k'ajo' li maa'usilal naxk'am chaq!

Oseas 2:13

Tolinrahob'tesi li ixq a'an xb'aan naq xk'atok k'ajpom chiruheb' laj Bahal, xtiqib' rib' chi chaab'il rik'in matq'ab' ut q'ol ut xkoho chirixeb' li neke'rahink re, chi ink'a' chik nikinxk'oxla laa'in li Qaawa' -chan li Yos-.