Jeremías 7:30 - Q'eqchi Bible

³⁰ Jo'ka'in kixye li Qaawa': “Eb' laj Judá xe'xb'aanu li ink'a' nawulak chiwu: xe'xk'am li xtz'i'b'eetal aj yos sa' linsantil ochoch ut xe'xsach xwankil li na'ajej nanimaak wi' link'ab'a'.

Li Santil hu

³⁰ Eb li ralal xcꞌajol laj Judá queꞌxba̱nu li ma̱usilal. Queꞌxmux ru lin templo li niquineꞌxlokꞌoni cuiꞌ nak queꞌxqꞌue aran li jalanil dios li xicꞌ nacuileb.

Jeremías 7:30 ပူးပေါင်းရင်းမြစ်များ

Ezequiel 7:20

Xe'q'etq'eto'k xb'aan li xchaq'alil ru eb' li xlemtz'il q'ol, ut rik'in a'an xe'xyiib'atq li xreemaaru aj yoseb'. Jo'kan naq tinkanab' cho'q mul chixjunil a'an.

Jeremías 32:34

toj reetal xe'xmux xsa' li ochoch nanimaak wi' link'ab'a' naq xe'xk'e aran eb' li tz'i'b'eetalil yos.

Daniel 9:27

Li xnimal ru winq a'an tixk'ojob' jun sumwank rik'in naab'aleb' li poyanam yal chiru jun xamaan; ab'anan sa' xyi li xamaan tixsach xwankil li k'atok mayej jo'wi' li mayejak, ut a' chik li xnimal tz'i'b'eetal taak'ehe'q sa' xb'een xtaqeq'il li rochoch li Yos, toj reetal naq li tojb'amaak ak yeeb'il xb'aan li Yos taachalq sa' xb'een laj sachonel»”.

2 Crónicas 33:7

Kixk'e ajwi' li xjalam u li yiib'anb'il yos sa' li loq'laj ochoch, li kixye wi' li Yos re laj David ut laj Salomón li ralal: “Sa' li wochoch a'in ut arin Jerusalén, li insik'om ru sa' xyanqeb' chixjunil li xteepal laj Israel, tink'ojob' link'ab'a' chi junajwa.

2 Reyes 21:7

Kixyiib' ajwi' li xjalam u li yiib'anb'il yos x'Aserá xk'ab'a' ut kixk'e sa' li loq'laj ochoch, li kixye wi' li Qaawa' re laj David ut laj Salomón li ralal: “Sa' li wochoch a'in ut arin Jerusalén, li insik'om ru sa' xyanqeb' chixjunil li xteepal laj Israel, tink'ojob' link'ab'a' chi junajwa.

2 Reyes 21:4

ut kixyiib'atq artal sa' rochoch li Yos, sa' li na'ajej kixye wi' li Qaawa': “Jerusalén tink'ojob' link'ab'a'”.

Jeremías 23:11

“Eb' li propeet jo'wi' eb' laj tij yib'ru xna'leb'eb', ut xintaw ajwi' li xmaa'usilaleb' sa' li wochoch -chan li Qaawa'-.

2 Crónicas 33:15

Kirisiheb' sa' rochoch li Qaawa' eb' li jalanil yos, li jalam u ut chixjunileb' li artal kixyiib'eb' junxil sa' li tzuul wan wi' li rochoch li Yos ut sa' li tenamit Jerusalén, ut koxkuteb' toj chirix li tenamit.

2 Reyes 23:12

ut kixjuk'eb' li artal xyiib'ahomeb' li awab'ej re Judá, a'eb' li wankeb' sa' xb'een li rochoch laj Ajás, ut eb' li artal li ke'yiib'aak xb'aan laj Manasés sa' li wiib' xneb'aalil li rochoch li Yos. Kirisiheb', kixputz'iheb' aran ut koxpaji li xpojtz'ileb' sa' li nima' Sedrón.

2 Reyes 21:3

Kixyiib' wi' chik eb' li tijob'aal sa' xjolomeb' li tzuul, li kixjuk'eb' laj Esekías li xyuwa'. Kixxaqab'eb' li x'artal laj Bahal ut kixyiib' ajwi' jun xjalam u lix Aserá, jo' li kixyiib' laj Ajab, awab'ej re Israel. Kixwiq'ib' rib' chiruheb' li xsaqenkil ru li choxa ut kixloq'oniheb',

2 Crónicas 33:3

Kixyiib' wi' chik eb' li tijob'aal sa' xjolomeb' li tzuul, li kixjuk'eb' laj Esekías li xyuwa'. Kixxaqab'eb' li x'artal laj Bahal ut kixyiib'atq ajwi' xjalam u lix Aserá. Kixwiq'ib' rib' chiruheb' li xsaqenkil ru li choxa ut kixloq'oniheb',

Isaías 66:4

Laa'in ajwi' taasaho'q linch'ool chi xrahob'tesinkileb' ut tintaqla chaq sa' xb'eeneb' li rahilal q'axal neke'xxiwa ru. Xb'aan naq xinb'oqok ut ink'a' xine'xsume, xin'aatinak ut maajun x'ab'ink we; xe'xb'aanu b'an li ink'a' nawulak chiwu, a' chik li nayoob'ank injosq'il xe'xb'aanu”.

Jeremías 16:18

Ka'sut te'xtoj rix li xmaakeb' ut li maa'usilal xe'xb'aanu, xb'aan naq xe'xmux ru linna'aj rik'in xtz'i'b'eetal aj jalanil yos ut xe'xnujob'resi li ch'och' chi jo'maajo'il b'aanuhom”.

Jeremías 32:35

Xe'xyiib'atq ajwi' x'artal laj Bahal sa' xtaq'ahil Ben-Hinón, re xk'atb'al li ralal xk'ajoleb' cho'q xmayejeb' chiru laj Molok. Chi jo'kan xe'xk'e chi maakob'k eb' laj Judá, li maajun wa inyehom reheb' chi moko xnume'k b'ayaq sa' inch'ool naq jo'kan te'xb'aanu.

Daniel 11:31

«Tixtaqlaheb' aj puub' chi xmuxb'al li loq'laj Muheb'aal ut li kawub'resinb'il ochoch; te'xsach ajwi' xwankil li mayejak na'uxmank rajlal kutan ut te'xk'ojob' li xnimal tz'i'b'eetal sa' rochoch li Yos.

Ezequiel 8:3

Li winq a'an kinxchap chi rismal linjolom. Toja' naq li xmusiq' li Yos kinxtaqsi sa' iq' ut, sa' moy u, kinxk'am sa' li tenamit Jerusalén, toj wan wi' rokeb'aal li xneb'aalil li rochoch li Qaawa', sa' xjayal releb'l iq', b'arwi' wank li jalam u li nachiq'ok xjosq'il li Qaawa'.