Jeremías 7:29 - Q'eqchi Bible

²⁹ At Jerusalén, set li rismal laajolom ut kut chi najt. Ayu chi yaab'ak sa' xb'eeneb' li t'ojoch aj b'ool. Xb'aan naq li Qaawa' yo xjosq'il rik'ineb' laakomonil; xtz'eqtaanaheb' ut xkanab'eb' xjunes chi junajwa.

Li Santil hu

²⁹ La̱ex aj Jerusalén, besomak li rismal le̱ jolom ut cutumak chi najt. Ut ocankex chi ya̱bac saꞌ xbe̱neb li tzu̱l. Li Ka̱cuaꞌ xextzꞌekta̱na xban nak yo̱ xjoskꞌil saꞌ e̱be̱n la̱ex lix tenamit.

Jeremías 7:29 ပူးပေါင်းရင်းမြစ်များ

Li xHu LAJ JOB 1:20

Toja' naq kixaqliik laj Job, kixq'ich li raq' ut kixjo li xjolom. Chirix chik a'an kiwiq'laak, kixchunub' rib' chiru ch'och'

Miqueas 1:16

At tenamit Jerusalén, b'es laawismal xb'aan li rahilal sa' xk'ab'a'eb' laawalal aak'ajol li nakaraheb'. Jo laajolom, kama' li xjolom li t'iw taakanaaq, xb'aan naq eb' laawalal aak'ajol te'k'ame'q sa' ab'l tenamit chi najt aawik'in”.

Jeremías 6:30

“Tz'eqtaananb'il plaat” te'xk'ab'a'in xb'aan naq li Qaawa' xtz'eqtaanank reheb'.

Jeremías 16:6

Sa' li tenamit a'in te'kamq eb' li kok' ut ninqi poyanam, ut maajun reheb' taamuqe'q. Ink'a' taawanq rahil ch'oolejil; maajun taayaab'aq chirixeb' chi moko te'xjo li xjolomeb'.

Hechos 2:40

Ut rik'in k'iila aatin kixch'olob' xyaalal ut kixk'eheb' xna'leb': —Kolomaq eerib' chiruheb' li tenamit a'in ink'a' useb' xch'ool, chan.

San Mateo 23:36

Relik chi yaal ninye eere: chixjunil a'in tixk'am chaq tojb'amaak sa' xb'een li tenamit a'in.

San Mateo 16:4

Jun tenamit ink'a' us xch'ool ut aj muxunel naxsik' junaq eetalil; ab'an maajun eetalil taak'ehe'q re, ka'ajwi' li reetalil laj Jonás”. Toja' naq kixkanab'eb' ut koho.

San Mateo 12:39

Ab'an li Jesus kixchaq'b'eheb' ut kixye: —Jun tenamit ink'a' us xch'ool ut aj muxunel naxsik' junaq eetalil; ab'an maajun eetalil taak'ehe'q reheb', ka'ajwi' li reetalil li propeet Jonás.

San Mateo 3:7

Ab'an naq kiril naq naab'aleb' laj Pariseey ut laj Saduseey yookeb' chi chalk rik'in re raj naq te'kub'siiq xha', kixye reheb': “Ex ral q'anb'olay, ani xk'utuk cheru elelik chiru li josq'il chaalel sa' eeb'een?

Ezequiel 28:12

“At kaamel winq, b'icha li rahil b'ich a'in chirix li x'awab'ej Tiro, ut ye re chi jo'ka'in: «Li Qaawa' xye chi jo'ka'in: Laa'at li tz'aqal aawe aawu junxil chaq, k'ajo' laachaab'il na'leb' ut jwal chaq'al aawu.

Ezequiel 19:1

“Ut laa'at, at ralal li winq, b'icha li b'ich a'in re rahil ch'oolejil chirixeb' li xjolomileb' laj Israel.

Jeremías 48:37

Chixjunileb' xe'xjo li xjolomeb' ut li xmacheb'; xe'xsetatq xsa' li ruq'eb' ut xe'xk'e q'es ruhil t'ikr chirixeb'.

Jeremías 47:5

Eb' laj Gasa te'xjo xjolomeb' xb'aan li rahilal ut mem te'kanaaq eb' laj Askalón. Ut laa'ex li rela' eb' li winq ninqeb' xteram, toj jo'q'e teekanab' xlet'exinkil ru leetib'el?

2 Reyes 17:20

Toja' naq li Qaawa' kixtz'eq chirix xch'ool eb' li ralal xk'ajoleb' laj Israel, kixk'ut xxutaaneb' ut kixq'axtesiheb' sa' ruq'eb' laj elq', toj reetal kirisiheb' sa' li xna'ajeb'.

Deuteronomio 32:5

“Ab'anan laa'ex keq'et li raatin ut kerahob'tesi xch'ool, moko laa'ex ta chik ralal xk'ajol, laa'ex b'an chik ab'l alalb'ej; laa'ex jun tenamit li kipo'k eena'leb' ut ink'a' chik us eech'ool.

Isaías 22:12

Sa' li kutan a'an li Nimajwal Yos xexb'oq chi yaab'ak ut chi q'oqonk, re teejo li rismal leejolom ut xk'eeb'al cherix li q'es ruhil t'ikr.

Jeremías 3:2

Taqsi laawilob'aal sa' xjayal eb' li tzuul ut k'e reetal: ma wank junaq na'ajej ink'a' xatyumb'eetak wi'? Chire b'e xachunub' aawib' royb'eninkileb' li neke'rahink aawu, chanchanat junaq ixq aj Arabia sa' li junesal na'ajej, ut xatz'ajni ru chixjunil li tenamit rik'in laamaa'usilal ut yumb'eetak.

Jeremías 3:21

“Na'ab'imank xyaab' kuxej sa' xb'eeneb' li t'ojoch aj tzuul: a'aneb' laj Israel li yookeb' chi yaab'ak re xtz'aamankil xkuyb'al xmaakeb'. Xe'xjal xb'eheb' ut xinsachk sa' xch'ooleb'; xine'xtz'eqtaana laa'in li Qaawa', li xYoseb'.

Jeremías 9:10

“Chexyaab'aq ut chexq'oqonq chirixeb' li tzuul, b'ichahomaq junaq b'ich re rahil ch'oolej chirixeb' li taq'a, xb'aan naq xe'choqleek ut maajun chik nanume'k aran. Ink'a' chik neke'me'lok li wakax; eb' li xik'anel xul chiru choxa ut eb' li josq' aj xul xe'elelikje'k.

Jeremías 12:7

“Xinkanab' li rochochil laj Israel ut xintz'eqtaana li weechanihom. Xinq'axtesi li jwal raaro inb'aan sa' ruq'eb' li xik' neke'ilok re.

Jeremías 14:19

At Qaawa', ma xatz'eqtaana laj Judá chi junajwa? Ma xattitz'k chi rilb'al li tenamit Sión? K'a'ut naq xoohaatiq' chi ink'a' chik took'iraaq? Xqoyb'eni wank sa' tuqtuukilal, ut maak'a' junaq usilal xqataw. Xqayo'oni li kawilal, ut a' li xiwak xchalk sa' qab'een.

Lamentaciones 5:22

Malaj ut xoohaatz'eqtaana chi junajwa? Ma junelik yooq xnimal laajosq'il sa' qab'een?

Amós 5:1

Ex aj Israel, ab'ihomaq li waatin a'in; ok we chi xb'ichankil jun rahil b'ich cho'q eere:

Jeremías 9:16

Tincha'cha'iheb' sa'atqeb' li tenamit, li ink'a' xnawom ruheb' a'an chi moko xnawom ruheb' li xna' xyuwa'eb'; ut tink'eheb' chi kamsiik chi q'esnal ch'iich' toj reetal te'sache'q ru chixjunileb'”.