Jeremías 7:22 - Q'eqchi Bible

²² Ab'anan naq kiwisiheb' chaq leexe'toonil yuwa' aran Ejiipt, ink'a' kiwaatinaheb' chi moko kinchaq'rab'iheb' chirix li mayejak ut k'atok mayej.

Li Santil hu

²² Nak la̱in quincuisiheb le̱ xeꞌto̱nil yucuaꞌ aran Egipto, incꞌaꞌ quinye reheb nak tento teꞌxqꞌue lix cꞌatbil mayej ut li mayej li jun chꞌol chic.

Jeremías 7:22 ပူးပေါင်းရင်းမြစ်များ

Oseas 6:6

Li nawoyb'eni eerik'in, a'an naq tineera, ut maawa' junes mayejak. Maak'a' aj e naq nekek'at leemayej chiwu laa'in wi ink'a' nekek'e inloq'al jo' Yos.

1 Samuel 15:22

Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.

San Mateo 9:13

Ayuqex chi xtzolb'al xyaalal a'in: «Uxtaanank nawaj, ink'a' mayejak». Xb'aan naq ink'a' xinchalk chi xb'oqb'aleb' li tiikeb' xch'ool, a'eb' b'an laj maak.

Salmos 40:6

At Qaawa', at inYos, naab'al li sachb'ach'oolej xab'aanu, k'ajo' xk'ihal li xninqal ru aak'a'uxl chiqix: maajun truuq xjuntaq'eetankil rib' aawik'in! Nawaj raj xyeeb'al resil ut xpuktesinkil, ab'an ink'a' ninruhank chi rajlankileb'.

San Marcos 12:33

ut xraab'al A'an chi anchal qach'ool, chi anchal qak'a'uxl ut chi anchal qametz'ew, jo' ajwi' xraab'aleb' li qas qiitz'in jo' naq naqara qib' a'an q'axal nim xwankil chiru chixjunileb' li k'atb'il xul ut li k'a'aq chik ru chi mayejil.

Deuteronomio 17:3

tixloq'oni ruheb' li jalanil yos ut tixwiq'ib' rib' chiruheb', a' yaal ma chiru li saq'e, li po malaj chiruheb' li chahim, ut chi jo'kan tixq'et rib' chiru linchaq'rab'.

Jeremías 32:30

Chalen chaq sa' xtiklajik, eb' laj Israel jo'wi' eb' laj Judá junes maa'usilal neke'xb'aanu; eb' li ralal xk'ajol laj Israel junes xyoob'ankil injosq'il neke'xb'aanu rik'in xyiib'ankil li xjalanil yoseb' -chan li Qaawa'-.