Jeremías 7:21 - Q'eqchi Bible

²¹ Jo'ka'in ki'aatinak li Qaawa', li Nimajwal Yos, li xYos laj Israel, reheb' li xtenamit: “Yeechi'ihomaq ut k'atomaq chixjunil leemayej li teeraj, ut tzekahomaq li tib' a'an.

Li Santil hu

²¹ Ut quixye ajcuiꞌ li nimajcual Dios, lix Dioseb laj Israel: —La̱ex lin tenamit, la̱ex yo̱quex chixqꞌuebal nabal le̱ cꞌatbil mayej joꞌ ajcuiꞌ le̱ mayej jun chꞌol chic. Abanan ma̱cꞌaꞌ na-oc cuiꞌ le̱ mayej. Kꞌaxal us raj nak te̱tzaca la̱ex.

Jeremías 7:21 ပူးပေါင်းရင်းမြစ်များ

Oseas 8:13

Nawulak chiruheb' li mayejak: mayejaqeb' ut xtzekaaqeb' li tib' mayejanb'il! Ab'an laa'in li Qaawa' ink'a' sa inch'ool rik'ineb': jultik we li maa'usilal xe'xb'aanu, ut tinrahob'tesiheb' xb'aaneb' li maak xe'xb'aanu rik'in xtaqlankileb' wi' chik Ejiipt.

Jeremías 6:20

K'aru na'ok wi' we li k'ajpom re Sabá ut li sununkil b'an chalenaq sa' najtil tenamit? Laa'in ink'a' nawulak chiwu leek'atb'il mayej chi moko naxk'ul wu li k'a'aq chik ru nekeyeechi'i we”.

Isaías 43:23

Ink'a' xayeechi'i we laakarneer cho'q k'atb'il mayej chi moko xaloq'oni wu rik'in mayejak. Laa'in ink'a' xatintawasi rik'in xtitz'b'al laamayej, chi moko xatinch'i'ch'i'i rik'in xpatz'b'al laak'ajpom.

Jeremías 14:12

Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.

Ezequiel 33:25

Jo'kan naq ye reheb' chi jo'ka'in: «Jo'ka'in xye li Qaawa': Laa'ex nekextiwok tib' rech xikik xkik'el, nekeloq'oni ruheb' li jalanil yos, nekekamsi leeras eeriitz'in. Ma naru tab'i' teereechani li na'ajej a'in?

Deuteronomio 12:27

Aran, sa' xb'een li x'artal li Qaawa' laaYos, taak'at laamayej. Ut li xkik'el laakames taahoy sa' xb'een li x'artal li Qaawa' laaYos; ab'an naru taatzeka li tib'.

Salmos 50:8

Moko laamayej ta nakatinq'us wi', chi moko laak'atb'il yeechi'om li junelik nakaq'axtesi we.