Jeremías 7:15 - Q'eqchi Bible

¹⁵ Texwisi chi xnaq' wu jo' kinb'aanu junxil reheb' li ralal xk'ajoleb' laj Efraín, leerech'alal».

Li Santil hu

¹⁵ Texintzꞌekta̱na joꞌ nak quintzꞌekta̱naheb chixjunileb le̱ rechꞌalal, li ralal xcꞌajol laj Efraín. La̱in li Ka̱cuaꞌ ninyehoc re aꞌin.—

Jeremías 7:15 ပူးပေါင်းရင်းမြစ်များ

Jeremías 15:1

Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.

Oseas 13:16

Eb' laj Samaria te'xtoj rix li xmaakeb' xb'aan naq ke'xq'etq'eti rib' chiru li Qaawa' li xYoseb'. Te'kamsije'q chi q'esnal ch'iich', eb' li ralal xk'ajol te'pik'aje'q chiru ch'och' ut eb' li ixq wankeb' sa' yu'am te'jachmanq chi ch'iich'”.

Jeremías 52:3

Jo'kan naq li Qaawa' kijosq'o'k rik'ineb' laj Jerusalén ut eb' laj Judá, ut ink'a' chik kiraj rilb'aleb' ru. Laj Sedesías kixq'etq'eti rib' chiru li awab'ej re Babilonia.

2 Reyes 17:23

Toja' naq li Qaawa' kixtz'eqtaanaheb' laj Israel, jo' yeeb'il chaq chi xtz'uumal reheb' li propeet aj k'anjeleb' chiru: eb' laj Israel ke'isiik sa' li xna'ajeb' ut ke'k'ame'k sa' li tenamit Asiria chalen toj anaqwan.

Oseas 12:1

Eb' laj Efraín maak'a' xyaalal li neke'xb'aanu; rajlal kutan neke'xsik' xtenq'ankileb' sa' jalanil tenamit. Nanumtaak li xtik'ti'eb' ut li elq'ak neke'xb'aanu, neke'xk'e rib' sa' aatin rik'ineb' laj Asiria ut neke'k'amok aseeyt aran Ejiipt”, chan li Yos.

Oseas 9:9

Q'axal xnumtaak leemaa'usilal, jo' keb'aanu chaq aran Kibehá. A'ut li Qaawa' junelik wank sa' xch'ool leemaa'usilal, ut texk'e chi xtojb'al rix leemaak.

Oseas 9:3

Eb' laj Efraín te'sutq'iiq wi' chik Ejiipt ut aran Asiria te'xtzeka li k'aru ink'a' us xtzekankil. Ink'a' chik te'wanq sa' li xch'och' li Qaawa'.

Oseas 1:4

Ut li Qaawa' kixye re laj Oseas: “K'e cho'q xk'ab'a' «Jisrehel», xb'aan naq chi seeb' tink'eheb' laj Jehú chi xtojb'al li xmaakeb' chirix li kamsink ki'uxmank aran Jisrehel. Twaj naq taa'oso'q li x'awab'ejihom laj Israel.

Jeremías 23:39

laa'in texintz'eq chirix linch'ool ut texwisi sa' xnaq' wu, laa'ex jo'wi' li tenamit ink'ehom eere ut cho'q reheb' leena' leeyuwa'.

Jeremías 3:8

kixk'e reetal naq kintz'eqtaana laj Israel, laj q'etol aatin, ut kinjach wib' rik'in, xb'aan chixjunil li maa'usilal kixb'aanu. Ab'an laj Judá, laj b'alaq', ink'a' kixutaanak ut ki'ok ajwi' a'an chi xb'aanunkil li maa'usilal.

2 Crónicas 15:9

Kich'utub'eb' chixjunileb' laj Judá, eb' laj Benjamín, laj Efraín, laj Manasés ut eb' laj Simehón li wankeb' sa' xyanqeb' (xb'aan naq naab'aleb' aj Israel ke'q'axonk rik'in laj Asá, naq ke'xk'e reetal naq li Qaawa' li xYos yo chi xtenq'ankil laj Asá).

2 Reyes 24:20

A'in kik'ulmank xb'aan naq li Qaawa' kijosq'o'k rik'ineb' laj Jerusalén ut eb' laj Judá, toj reetal kirisiheb' sa' xnaq' ru chi junajwa. Chirix chik a'an laj Sedesías kixq'etq'eti rib' chiru li awab'ej re Babilonia.

Números 1:32

Sa' xyanqeb' li ralal laj José, naq ke'ajlaak eb' li ralal xk'ajol laj Efraín, chi teep ut chi junkab'alil, ut ke'tz'iib'aak xk'ab'a'eb' chi junqaleb' chixjunileb' li winq chalen aj junqmay chihab' li yo'ooneb' chi yalok,

Salmos 51:11

Maak'e sa' aach'ool li xinmaakob'k wi', ut chawisi chixjunileb' linmaak chi junajwa.

Isaías 7:16

Ab'anan naq toj maji' tixnaw xtz'eqtaanankil li ink'a' us ut xsik'b'al li k'aru us, li xch'och'eb' li wiib' chi awab'ej li nakaxiwa ruheb' taakanaaq chi maajun chik xpoyanamil.

Jeremías 9:19

Chalen chaq Sión na'ab'iik li rahil ch'oolejil: “Toq'ob' qu, k'ajo' naq yo qarahob'tesinkil! Relik chi yaal naq xookanab'aak sa' xutaan: xoo'isiik sa' li qatenamit ut li qochoch xkanaak chi po'lem”.

Ezequiel 23:31

Xatzol aawib' rik'in laachaq'na'; jo'kan naq taatoj rix laamaak jo' naq kixtoj rix li xmaak a'an.

Oseas 7:13

“Ra chaalel sa' xb'eeneb' li xe'kanab'ank we. Tz'eqtaananb'ilaqeb' xb'aan naq xe'xjipi rib' chiwu. Laa'in teb'inkol raj, a'ut eb' a'an tik'ti' chik neke'xye chiwix.

Oseas 9:13

Nink'e reetal naq eb' li ralal xk'ajol laj Efraín chanchaneb' wi' li xtzak eb' li neke'yohok: teneb'anb'il kamk sa' xb'eeneb'”.

Jonás 2:4

Ut xinye sa' inch'ool: «Xinaawisi chi xnaq' aawu». Xink'oxla naq ink'a' ta chik twil laasantil ochoch.

Jeremías 23:33

“At Jeremías, wi junaq propeet, junaq aj tij malaj ani chik reheb' li tenamit te'xpatz' aawe: «K'aru li qachaq'rab'inkil xb'aan li Qaawa', k'aru li iiq xk'ehom sa' qab'een?», cha'aq, taaye reheb': «Li Qaawa' xye naq laa'ex li iiq! Tz'eqtaananb'ilex chik anaqwan», cha'qat.

Ezequiel 33:25

Jo'kan naq ye reheb' chi jo'ka'in: «Jo'ka'in xye li Qaawa': Laa'ex nekextiwok tib' rech xikik xkik'el, nekeloq'oni ruheb' li jalanil yos, nekekamsi leeras eeriitz'in. Ma naru tab'i' teereechani li na'ajej a'in?