Jeremías 7:11 - Q'eqchi Bible

¹¹ Malaj nekek'oxla naq li ochoch nanimaak wi' link'ab'a', a'an rochocheb' laj elq'? Laa'in nink'e reetal jo'ch'inal jo'nimal li nekeb'aanu. Raatin li Qaawa'.

Li Santil hu

¹¹ ¿Ma xsukꞌi ta biꞌ lin templo li ninlokꞌoni̱c cuiꞌ chokꞌ xnaꞌajeb aj e̱lkꞌ nak nequecꞌoxla la̱ex? ¿Ma incꞌaꞌ ta biꞌ ninnau cꞌaꞌru yo̱quex chixba̱nunquil?” chan li Ka̱cuaꞌ.

Jeremías 7:11 ပူးပေါင်းရင်းမြစ်များ

Isaías 56:7

laa'in teb'ink'am chaq wik'in sa' linloq'laj tzuul ut tinsahob'resi xch'ooleb' sa' li wochoch na'uxk wi' tijok. Tink'ulub'an li xyeechi'omeb' ut eb' li xk'atb'il mayej sa' xb'een lin'artal, xb'aan naq li wochoch tixk'ab'a'in rochochil li tijok cho'q reheb' chixjunil li tenamit.

San Mateo 21:13

Ut kixye reheb': —Tz'iib'anb'il sa' li Santil Hu naq li wochoch rochochil li tijok tixk'ab'a'in; ut laa'ex yookex chi xk'eeb'al cho'q xna'ajeb' laj elq'.

San Marcos 11:17

Naxtzoleb' ut naxye reheb': —Ma ink'a' tab'i' tz'iib'anb'il sa' li Santil Hu naq li wochoch tixk'ab'a'in rochochil li tijok cho'q re chixjunileb' li tenamit? Ut laa'ex xek'e cho'q xna'ajeb' laj elq'!

2 Crónicas 6:33

chawab'iiq li xtij toj sa' li choxa, sa' laamuheb'aal. Chak'e re laj ab'l tenamit li k'aru tixpatz' aawe, re naq chixjunileb' li tenamit sa' ruuchich'och' te'xnaw aawu ut te'xk'e aaloq'al, jo' neke'xb'aanu eb' laj Israel laatenamit, ut te'xk'e reetal naq napatz'mank laak'ab'a' sa' li loq'laj ochoch a'in li xinyiib' cho'q aawe.

San Juan 2:16

ut kixye reheb' li neke'k'ayink mukuy: —Isihomaq a'in arin: meek'e cho'q k'ayiil li rochoch linYuwa'!

Jeremías 23:24

Ma naru tixmuq rib' junaq poyanam chiwu b'arwi' ink'a' twil ru laa'in? Laa'in wankin yalaq b'ar jo' sa' choxa jo' sa' ruuchich'och' -chan li Qaawa'-.

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

Jeremías 29:23

Xb'aan naq q'axal xutaanal li ke'xb'aanu sa' xteepal Israel: ke'xmuxatq li xsumlajikeb' rik'ineb' li rixaqil eb' li ras riitz'ineb' ut b'alaq'il aatin ke'xye sa' ink'ab'a' li ink'a' inyehom reheb'. Ut a'an ch'olch'o tz'aqal chiwu», chan li Qaawa'”.

Jeremías 2:34

Oso'jenaq laab'aatal sa' xkik'eleb' li neb'a' jo' ajwi' sa' xkik'eleb' li maak'a'eb' xmaak, a'eb' li maajun wa xataweb' chi elq'ak.

Jeremías 7:10

Chirix chik a'an nekexchalk arin sa' li wochoch li ninloq'oniik wi', ut nekeye: Kolb'ilo, sa wanko arin, chankex. Ut nekeb'aanu wi' chik chixjunil li maa'usilal a'an.

Ezequiel 35:13

Xanima laawankil chiwu ut k'ajo' naq xinaahob' chi aatin. Laa'in xwab'i chixjunil.

Isaías 1:12

Naq nokoleemayeja arin ut nekeyeq'i linneb'aal, ani xpatz'ok eere? Kanab'omaq xmuxb'al ru linneb'aal!

Daniel 9:18

K'e chaq laaxik chi ab'ink, at inYos. Chak'e reetal li qarahilal ut chawil taxaq chanru wank laatenamit Jerusalén: nakirirnak aj chik li na'ajej nayaab'asimank wi' laak'ab'a'. Moko kaw ta qach'ool xb'aan xtiikilal li qab'aanuhom, rik'in b'an li xnimal aawuxtaan. Jo'kan naq chawab'i taxaq li qatij.