Jeremías 7:10 - Q'eqchi Bible

¹⁰ Chirix chik a'an nekexchalk arin sa' li wochoch li ninloq'oniik wi', ut nekeye: Kolb'ilo, sa wanko arin, chankex. Ut nekeb'aanu wi' chik chixjunil li maa'usilal a'an.

Li Santil hu

¹⁰ Ut chirix aꞌan nequexcꞌulun saꞌ li templo bar ninlokꞌoni̱c cuiꞌ ut nequeye chi joꞌcaꞌin, ‘Cueꞌco, colbilo,’ chanquex, ut toj yo̱quex ajcuiꞌ chixba̱nunquil li ma̱usilal.

Jeremías 7:10 ပူးပေါင်းရင်းမြစ်များ

Jeremías 32:34

toj reetal xe'xmux xsa' li ochoch nanimaak wi' link'ab'a' naq xe'xk'e aran eb' li tz'i'b'eetalil yos.

Ezequiel 23:39

Ut chiru ajwi' li kutan a'an, naq ke'xmayeja eb' li ralal xk'ajol chiruheb' li jalanil yos, ke'chalk ajwi' sa' linloq'laj ochoch ut ke'xsach xwankil. A'an a'in li ke'xb'aanu sa' linloq'laj ochoch.

Ezequiel 23:37

Eb' a'an ke'xmux xsumlajikeb' ut oso'jenaqeb' li ruq' sa' kik'. Kine'xtz'eqtaana naq ke'xloq'oni ruheb' li jalanil yos ut ke'xk'at sa' xam cho'q mayej eb' li walal ink'ajol.

Jeremías 34:15

Anaqwan laa'ex xeyot' leech'ool xejal leek'a'uxl ut xeb'aanu li nawulak chiwu: xekanab' chi ach'ab'anb'il leerech tenamitul ut xek'e eerib' sa' aatin wik'in, sa' li ochoch nanimaak wi' link'ab'a'.

Jeremías 7:30

Jo'ka'in kixye li Qaawa': “Eb' laj Judá xe'xb'aanu li ink'a' nawulak chiwu: xe'xk'am li xtz'i'b'eetal aj yos sa' linsantil ochoch ut xe'xsach xwankil li na'ajej nanimaak wi' link'ab'a'.

Jeremías 7:14

Jo'kan naq li ochoch a'in li nanimaak wi' link'ab'a', li kaw wi' leech'ool ut ink'ehom eere jo' ajwi' reheb' leena' leeyuwa', tinkanab' jo' kinkanab' li wochoch aran Siló.

Jeremías 7:11

Malaj nekek'oxla naq li ochoch nanimaak wi' link'ab'a', a'an rochocheb' laj elq'? Laa'in nink'e reetal jo'ch'inal jo'nimal li nekeb'aanu. Raatin li Qaawa'.

San Juan 18:28

Naq kisaqewk, ke'risi li Jesus sa' rochoch laj Kaifás ut ke'xk'am sa' li raqleb'aal aatin. Eb' laj Judiiy ink'a' ke'ok sa' li raqleb'aal aatin re naq ink'a' te'xtz'ajni rib'eb': a' ke'raj xtzekankil li Paswa.

San Juan 13:18

“Ink'a' nin'aatinak cherix chejunilex. Laa'in ninnaw chi us ani li kinsik'eb' chaq ru; ab'anan tento taatz'aqloq ru li Santil Hu: «Li nawa'ok re linwa xtaqsi li roq ruq' sa' inb'een».

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

Ezequiel 23:29

Eb' a'an q'axal tate'xtz'eqtaana wi' chik, te'xmaq' chawu jo'ch'inal jo'nimal li xaweechani rik'in xmuxb'al aawib', ut tik t'ust'u tate'xkanab'. Xutaanal tatkanaaq ut taak'utunq laatz'i'b'eetal b'aanuhom, xb'aan naq xwulak chawu li yumb'eetak ut xak'e aawib' chi muxe'k.

Ezequiel 20:39

«Ex aj Israel, li Qaawa' xye chi jo'ka'in: Ayuqex chi xloq'oninkileb' ru leejalanil yos chejunjunqalil; chirix chik a'an ninye li waatin naq tineepaab' ut ink'a' chik teemux linsantil k'ab'a' rik'in leemayej ut leejalanil yos.

Isaías 48:2

Nekeye naq laa'ex li santil tenamit Jerusalén ut nekek'ojob' eech'ool rik'in li Qaawa', li xYos laj Israel, li naxk'ab'a'in «Nimajwal Yos».

2 Crónicas 33:7

Kixk'e ajwi' li xjalam u li yiib'anb'il yos sa' li loq'laj ochoch, li kixye wi' li Yos re laj David ut laj Salomón li ralal: “Sa' li wochoch a'in ut arin Jerusalén, li insik'om ru sa' xyanqeb' chixjunil li xteepal laj Israel, tink'ojob' link'ab'a' chi junajwa.

2 Crónicas 33:4

ut kixyiib'atq artal sa' rochoch li Yos, sa' li na'ajej kixye wi' li Qaawa': “Jerusalén tink'ojob' link'ab'a' chi junelik”.

2 Reyes 21:4

ut kixyiib'atq artal sa' rochoch li Yos, sa' li na'ajej kixye wi' li Qaawa': “Jerusalén tink'ojob' link'ab'a'”.

Ezequiel 33:31

Ut chi jo'kan lintenamit neke'chalk ut neke'k'ojlaak chawu, jo' k'aynaqeb' chi xb'aanunkil, re rab'inkil laawaatin. Ab'anan ink'a' neke'xyu'ami. «Ch'ina'us li aatin a'in!», chankeb', ab'an yal chi xtz'uumal reheb' neke'xk'ulub'a, xb'aan naq li xch'ooleb' naxik ka'ajwi' chirix li tumin.

Proverbios 15:8

Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.

Jeremías 44:9

Ma xsachk sa' eech'ool li maak ke'xb'aanu eb' leexe'toonil yuwa', jo'wi' eb' li awab'ej re Judá ut eb' li rixaqileb'? Ma xsachk sa' eech'ool leemaa'usilal laa'ex ut li xmaakeb' leerixaqil li keb'aanu sa' xteepal Judá ut sa'atqeb' li b'e re Jerusalén?

Ezequiel 33:25

Jo'kan naq ye reheb' chi jo'ka'in: «Jo'ka'in xye li Qaawa': Laa'ex nekextiwok tib' rech xikik xkik'el, nekeloq'oni ruheb' li jalanil yos, nekekamsi leeras eeriitz'in. Ma naru tab'i' teereechani li na'ajej a'in?

Daniel 9:18

K'e chaq laaxik chi ab'ink, at inYos. Chak'e reetal li qarahilal ut chawil taxaq chanru wank laatenamit Jerusalén: nakirirnak aj chik li na'ajej nayaab'asimank wi' laak'ab'a'. Moko kaw ta qach'ool xb'aan xtiikilal li qab'aanuhom, rik'in b'an li xnimal aawuxtaan. Jo'kan naq chawab'i taxaq li qatij.

Oseas 6:9

Eb' laj tij a'aneb' jun ch'uut chi aj elq' li yo'oon wankeb' chi xramb'aleb' li poyanam; neke'kamsink ut xutaanal neke'xb'aanu sa' li b'e naxik Sikem.

Amós 4:5

K'atomaq leewa li ink'a' yuub'il, cho'q re b'anyoxink, ut yalaq b'ar yehomaq resil leemayej li x'alaak sa' eech'ool xyeechi'inkil, xb'aan naq a'an li nawulak cheru xb'aanunkil, ex ralal xk'ajol laj Israel”, chan li Qaawa'.

Sofonías 1:5

Tinsach ruheb' li neke'taqe'k sa' xb'een li kab'l chi xloq'oninkileb' ru li chahim, eb' li neke'xwiq'ib' rib' chiwu laa'in ut neke'xpatz' ajwi' xk'ab'a' laj Milkón li xyoseb';

Malaquías 3:15

Laa'o xqak'e reetal naq saheb' sa' xch'ool eb' li q'etq'et, ut jwal us neke'elk li yib'ru xna'leb'eb' rik'in xb'aanunkil li maa'usilal: us ta neke'xyal rix li Yos, maajun rahilal neke'xk'ul»”.

1 Reyes 9:3

ut kixye re: “Xwab'i laatij ut li k'aru xatz'aama chiwu. Xinsantob'resi li kab'l a'in li xayiib', re naq arin taawanq link'ab'a' chi junajwa. Laa'in tinra ut tin'iloq re chi junelik.

Ezequiel 5:11

“Laa'in li Qaawa', li yo'yookil Yos, ninxaqab' xwankil li waatin naq laa'ex xesach xloq'al linsantil ochoch rik'in leetz'i'b'eetalil yos ut rik'in leeyib' aj b'aanuhom; jo'kan naq tinsach eeru chi maajun tintoq'ob'a ru sa' eeyanq chi moko tinkuy xmaak.