Jeremías 6:8 - Q'eqchi Bible

⁸ Chik'ajq aawu, a Jerusalén; mare anchal tatinkanab' aajunes, jo'kaqat li chaqich'och'; chi maajun chik aapoyanamil tatkanaaq”.

Li Santil hu

⁸ Qꞌuehomak e̱chꞌo̱l chi cua̱nc saꞌ ti̱quilal la̱ex aj Jerusalén re nak la̱in incꞌaꞌ texincanab e̱junes, ut re ajcuiꞌ nak incꞌaꞌ tinsukꞌisi le̱ naꞌaj chokꞌ chaki chꞌochꞌ ut incꞌaꞌ chic teꞌcua̱nk cristian aran.

Jeremías 6:8 ပူးပေါင်းရင်းမြစ်များ

Oseas 9:12

Us ta toxe'xk'iiresi junaq ralal xk'ajol, laa'in tinmaq'oq re chiruheb'. Ra chaalel sa' xb'eeneb' li poyanam a'an naq teb'inkanab' laa'in!

Ezequiel 23:18

Toja' naq kixk'ut rib' chi tz'aqal aj yumb'eet, maak'a' chik xxutaan chi xt'usub'ankil rib' chi kutankil, toj reetal naq laa'in ajwi' kinyib'ok xb'aan, jo' kink'ul xb'aan li xchaq'na'.

Jeremías 17:23

A'ut eb' a'an ink'a' kine'xpaab' chi moko ke'raj wab'inkil, ke'xjipi b'an chik rib' re naq ink'a' kine'xpaab' chi moko ke'raj q'use'k.

Sofonías 3:7

Sa' inch'ool laa'in naq tinxxiwa Jerusalén ut tixk'ulub'an naq tintij; xink'oxla naq ink'a' tixtz'eq chirix li xch'ool chixjunil li xrahob'tesinkil inb'aan. Ab'an xe'xseeb'a chik rib' chi xb'aanunkil li k'iila maa'usilal.

Jeremías 32:33

Us ta maajun sut xinkanab' xtijb'aleb' ut xq'usb'aleb', ink'a' xe'xk'ul ru li xtzolb'aleb'; ut a' chik lintz'eqtaanankil xe'xb'aanu ruuchil lintaaqenkil,

Salmos 50:17

laa'at li xik' nakawil laatijb'al inb'aan, laa'at li nakatz'eqtaana chixjunil li waatin?

Jeremías 31:19

Xatintz'eqtaana, at Qaawa', ab'an xinyot' linch'ool xinjal link'a'uxl; ut naq nink'e reetal linmaak, ninten li re linch'ool, ninxutaanak ut nasachk linna'leb' xb'aaneb' li maak xinb'aanu sa' linsaajilal».

Jeremías 9:11

“Jun tuub' chi pek tinsutq'isi wi' Jerusalén, cho'q xna'ajeb' laj xojb'; nakirirnak tinkanab' chixjunileb' li tenamit sa' xteepal Judá ut maajun chik taakanaaq chisa'”.

Jeremías 7:34

Tinsach li sahil ch'oolejil sa'eb' li tenamit re Judá ut sa'eb' li b'e re Jerusalén; ink'a' chik taa'ab'iiq li b'ichank na'uxk sa' xkutankil li sumlaak. Xb'aan naq nakirirnak taakanaaq chixjunil li na'ajej”.

Jeremías 7:20

Jo'kan naq li Qaawa' xye chi jo'ka'in: Twisi linjosq'il sa' xb'een li na'ajej a'in, sa' xb'eeneb' li xpoyanamil ut eb' li xul, sa' xb'eeneb' li che' ut eb' li awimq. Ut linjosq'il chanchanaq li choqlenk li ink'a' naru xchupb'al”, chan li Qaawa'.

Jeremías 4:14

At Jerusalén, ch'ajob'resi ru laach'ool re naq tatkole'q. Jo' najtil chik twanq li maa'usilal sa' laawaanm?

Jeremías 2:15

K'a'ut naq xe'chalk eb' laj rahob'tesinel sa' xb'eeneb' chi japjookeb' re kama'eb' li kaqkoj? Xe'xk'ati chixjunil li na'ajej ut xe'xkanab' chi po'lemil, chi maajun chik wank aran.

Proverbios 4:13

Chap aawib' chi kaw rik'in li nink'ut chawu, ut maawach'ab' chik; k'uula sa' laach'ool xb'aan naq a'an laayu'am.

Salmos 94:12

Us xaq re li nakak'e xna'leb', at Qaawa', ut nakatzol rik'in laachaq'rab':

Salmos 2:10

Jo'kan utan, ex awab'ej, chetawaq ru, jalomaq leek'a'uxl laa'ex li wank eewankil sa' ruuchich'och'.

Deuteronomio 32:29

Wi ta wank xna'leb'eb', te'xtaw raj ru, te'xk'e raj reetal k'aru te'oso'q wi'.

Levítico 26:34

Toja' naq li ch'och' taasaho'q xch'ool chi hilank chiru chixjunileb' li kutan naq taakanaaq chi yamyooq ut laa'ex wanqex sa' xtenamiteb' li xik' neke'ilok eere; jo'kan naq taahilanq ut taasaho'q xch'ool jo' reeqaj naq ink'a' xhilank junxil.

Jeremías 7:28

Ye reheb' chi jo'ka'in: «A'an a'in li tenamit li ink'a' xraj xpaab'ankil raatin li Qaawa' li xYos, chi moko xraj q'use'k. Maak'a' chik li tiikilal ut li yaal rik'ineb'; x'oso'k chi junwaakaj»”.

Proverbios 19:20

Chak'e sa' aach'ool laatijb'al ut chapaab' laaq'usb'al; chi jo'kan toxaataw li chaab'il na'leb'.

Oseas 2:5

Li xna'eb' kixmux li xyu'am; li ixq li ki'alank reheb' kixsach xloq'al naq kixye: «Tinxik rik'ineb' li neke'rahink we, a'eb' li neke'k'ehok inwa ut wuk'a', jo'wi' linliin ut lintuuxnoq', lin'aseeyt ut linb'iin», chan.