Jeremías 6:6 - Q'eqchi Bible

⁶ A'an a'in li kixye li Qaawa', li Nimajwal Yos, reheb' li awab'ej a'an: “Yok'omaq eb' li che' ut yiib'omaq eetaqleb'aal re naq tex'ok chi yalok rik'ineb' laj Jerusalén. Li tenamit xteneb'aak li rahilal sa' xb'een, xb'aan naq numtajenaq li rahob'tesink aran.

Li Santil hu

⁶ Aꞌan aꞌin li naxye li Ka̱cuaꞌ li nimajcual Dios reheb li teꞌcha̱lk chi pletic: —Yocꞌomak li cheꞌ ut yi̱bomak jun li takleba̱l re tex-oc chi pletic saꞌ li tenamit Jerusalén. Tento nak li cuanqueb Jerusalén teꞌqꞌuehekꞌ chixtojbal lix ma̱queb xban nak li tenamit aꞌan junes raylal nequeꞌxba̱nu.

Jeremías 6:6 ပူးပေါင်းရင်းမြစ်များ

Jeremías 32:24

«K'e reetal naq eb' li taqleb'aal yiib'anb'ileb' xb'aaneb' laj Kaldeha yo chi wulak sa' li tenamit; ut xb'aan li raaxiik', li we'ej ut li raxkamk taa'eechaniiq Jerusalén xb'aaneb' li xik' neke'ilok qe. At Qaawa', yo chi k'ulmank anaqwan li kaye chaq junxil, ut yookat chi rilb'al rik'in laawu.

San Lucas 19:43

Xb'aan naq chalkeb' re li kutan sa' aab'een naq tate'xtz'ap eb' li xik' neke'ilok aawe, tate'xsut ut tate'xpitz'i yalaq b'ar aacha'al;

Isaías 37:33

Xyehom li Qaawa' chirix li awab'ej re Asiria: «Ink'a' taa'ok sa' li tenamit a'in, ink'a' tixkut junaq ral simaj; ink'a' taaxik sa' li tenamit chi wanq xkolb'al rib', chi moko tixyiib' xtaqleb'aal re taa'ok sa' li tenamit.

Jeremías 22:17

“A'ut laa'at a' li tumin naxik wi' laach'ool ut maak'a' nakawaj wi' chanru naq taataw; nakak'eheb' chi kamk li maak'a'eb' xmaak, ut nakarahob'tesi ut nakasacheb' laatenamit”.

Jeremías 32:31

Chalen chaq sa' xtiklajik, li tenamit a'in junes injosq'il neke'xyoob'. Jo'kan naq twisiheb' sa' xnaq' wu,

Jeremías 33:4

Laa'in li Qaawa', xYos laj Israel, ninye a'in chirixeb' li ochoch wankeb' Jerusalén ut chirixeb' li rochocheb' li awab'ej re Judá li te'juk'e'q. Ok re li yalok chi ch'iich' rik'ineb' laj Kaldeha li yookeb' chi xyiib'ankileb' li taqleb'aal re ok sa' li tenamit. Taanujaq chi kamenaq Jerusalén ut naab'aleb' te'tiq'e'q xb'aan xnimal linjosq'il: laa'in xinmuq wib' chiruheb' xb'aan li xk'iila maa'usilaleb' xe'xb'aanu.

Ezequiel 4:2

Chirix a'an taasut rix rik'in reetalileb' laj puub', tz'iib'a reetalil eb' li taqleb'aal, eb' li tz'ak ut eb' li k'anjelob'aal re ok sa' li tenamit; k'e reetalil xmuheb'aaleb' li xik' neke'ilok re, chi xsutam, re naq taak'utunq naq sutsu rix Jerusalén.

Ezequiel 5:5

“Jo'ka'in ninye laa'in li Qaawa': A'an a'in Jerusalén li kink'ojob' sa' xyiheb' li tenamit sa' ruuchich'och'.

Daniel 11:15

Moqon li awab'ej re Siria taachalq, tolxtuub' li ch'och' cho'q xtaqleb'aal, toja' naq te'reechani li kawub'resinb'il tenamit. Eb' laj puub' re Ejiipt ink'a' te'xkuy sa' ruq'eb', ut eb' li kaweb' rib' te'eleliq ajwi'.

Sofonías 3:1

Ra chaalel sa' xb'een Jerusalén, li tenamit q'etq'et, muxb'il ru ut aj rahob'tesinel.

Jeremías 5:9

Ma ink'a' tab'i' tink'eheb' chi xtojb'al rix li maak a'an? Ma ink'a' tink'ajtesi ru li tenamit li jo'kan naxb'aanu? -chan li Qaawa'-.

Jeremías 5:29

Ma ink'a' tab'i' tinraqoq aatin chirix chixjunil a'an? Ma ink'a' tink'e reeqaj a'an re li tenamit a'in li jo'kan neke'xb'aanu?

Jeremías 20:8

Rajlal naq ninjap we chi aatinak, junes rahilal ut sachok li ninye. Junelikeb' chinhob'b'al ut chinse'enkil xb'aan naq ninpuktesi laawaatin.

Jeremías 39:1

Ak b'eleeb' po re li xlaje chihab' rokik laj Sedesías cho'q awab'ej re Judá, laj Nabukodonosor, li awab'ej re Babilonia, kichalk rochb'een chixjunileb' laj puub' re xsachb'al ru Jerusalén, ut ke'xsut rix li tenamit.