Jeremías 6:17 - Q'eqchi Bible

¹⁷ Toja' naq li Qaawa' kixxaqab'eb' aj k'aak'alehom reheb' ut kixye re li tenamit: “K'ehomaq reetal naq taayaab'asiiq li pur”. A'ut li tenamit ke'xye: “Ink'a' naqaj rab'inkil”, chankeb'.

Li Santil hu

¹⁷ Joꞌcan nak la̱in quinxakabeb laj ilol e̱re ut quinye e̱re: —¡Qꞌuehomak retal nak ta̱ya̱basi̱k li trompeta!— Abanan la̱ex queye: —Incꞌaꞌ nakaj rabinquil, chanquex.

Jeremías 6:17 ပူးပေါင်းရင်းမြစ်များ

Jeremías 25:4

Li Qaawa' ajwi' k'iila wa kixtaqla chaq eb' li xpropeet eerik'in, ab'an laa'ex ink'a' kex'abink chiruheb' chi moko kepaab'eb':

Isaías 58:1

“Jap aawe chi aatinak chi maak'a' aaxiw -chan we li Qaawa'-, aatinan chi kaw xyaab' aakux jo' junaq pur; ch'iilaheb' lintenamit xb'aan li xq'etq'etileb', a'eb' li ralal xk'ajol laj Israel xb'aan li xmaakeb'.

Zacarías 7:11

Ab'an eb' li tenamit ink'a' ke'raj xpaab'ankil, ke'xjipi chik rib'eb' ut ke'xtz'ap xxikeb' re naq ink'a' ke'ab'ink;

Isaías 21:11

Resilal li rahilal tixk'ul li tenamit Edom: Jun li winq kixpatz' chaq we toj Seír: “At aj k'aak'alenel, jo'q'e honal wanko re li q'oqyink? At aj k'aak'alenel, jo'q'e honal wanko re li q'oqyink?”, chan.

Habacuc 2:1

Tinwanq sa' linna'aj chi k'aak'alenk, ut sa' xb'een li suttz'ak tinxaqab' wib' chi ilok. Jo' junaq aj k'ehol eetal, yo'oon wanqin re rilb'al k'aru tixye we li Qaawa' ut k'aru tixsume wi' linjitom.

Isaías 56:10

Xb'aan naq mutz'eb' li neke'k'aak'alenk re lintenamit, ut maak'a' neke'xk'e reetal. Chixjunileb' chanchaneb' li tz'i' ink'a' nawoob'ak; neke'xnumsi li kutan chi hilank ut chi matk'ek, q'axal nawulak chiruheb' li wark.

Hebreos 13:17

Chex'ab'inq chiruheb' laj k'amol eeb'e xb'aan naq eb' a'an neke'yo'lek chirix leeyu'am jo'eb' li toxe'xq'axtesi ru li xk'anjeleb' cherix laa'ex. Chepaab'aqeb' re naq te'xb'aanu a'in rik'in sahil ch'oolej, ut ink'a' chi rahaqeb' sa' xch'ool, xb'aan naq a'an moko tixk'am ta chaq usilal cho'q eere.

Oseas 8:1

“Yaab'asi li pur! Chanchan junaq t'iw naq li rahilal tixkut rib' sa' xb'een li xtenamit li Qaawa'. Xb'aan naq xe'xtz'eqtaana linsumwank ut xe'xq'etq'eti rib' chiru linchaq'rab'.

Isaías 62:6

At Jerusalén, sa' xb'eeneb' laasuttz'akil xink'eheb' aj k'aak'alenel li ink'a' te'kanaaq chi ch'anch'o chi q'eq ut chi kutan. Laa'ex li nekepatz' xk'ab'a' li Qaawa', meekanab' aatinak,

Jeremías 6:18

Jo'kan naq kixye li Qaawa': “Ab'ihomaq laa'ex li xninqal ru tenamit, ut k'ehomaq reetal k'aru tixk'ul lintenamit.

Jeremías 7:28

Ye reheb' chi jo'ka'in: «A'an a'in li tenamit li ink'a' xraj xpaab'ankil raatin li Qaawa' li xYos, chi moko xraj q'use'k. Maak'a' chik li tiikilal ut li yaal rik'ineb'; x'oso'k chi junwaakaj»”.

Zacarías 1:4

Meeb'aanu jo' ke'xb'aanu eb' leemama' leerixa'an, li ke'aatinaak xb'aaneb' li propeet li ke'wank junxil, re raj naq te'xkanab' xb'aanunkil li maa'usilal ut li yib' aj na'leb'; ab'an ink'a' ke'raj wab'inkil chi moko inpaab'ankil -chan li Nimajwal Yos-.

Jeremías 8:5

Ut k'a'ut naq li tenamit Jerusalén toj naxjipi rib' ut naxq'etq'eti rib' chi junajwa? Jwal kaw xch'ooleb' chirix li b'alaq'il na'leb' ut ink'a' neke'raj sutq'iik chaq wik'in.

Jeremías 18:12

A'ut eb' a'an te'xye aawe: «Maab'ay aawib' chi aatinak, xb'aan naq nawulak chiqu xb'aanunkil li naraj li qach'ool ut li junjunq tixb'aanu jo' chanru naraj li xjipil»”.

Ezequiel 3:7

Ab'an eb' laj Israel moko te'raj ta aawab'inkil, xb'aan naq ink'a' neke'raj inpaab'ankil laa'in. Chixjunileb' laj Israel jwal jipeb' ut q'axal kaw li xjolomeb'.