Jeremías 6:15 - Q'eqchi Bible

¹⁵ Tento raj xe'xutaanak b'ayaq chi xb'aanunkil li jo'maajo'il na'leb', ab'anan maak'a' xxutaaneb' chi moko xe'kaqo'k kach'inaq xb'aaneb' li xb'aanuhom. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'”, chan li Qaawa' Yos.

Li Santil hu

¹⁵ ¿Ma nequeꞌxuta̱na̱c ta biꞌ xban li ma̱usilal li nequeꞌxba̱nu? Incꞌaꞌ. Incꞌaꞌ nequeꞌxnau xuta̱nac. Joꞌcan nak la̱in tinqꞌueheb chixtojbal lix ma̱queb joꞌ nak quinqꞌueheb chixtojbal xma̱queb li jun chꞌol chic, chan li Ka̱cuaꞌ.

Jeremías 6:15 ပူးပေါင်းရင်းမြစ်များ

Jeremías 8:12

Tento raj xe'xutaanak b'ayaq chi xb'aanunkil li jo'maajo'il na'leb' a'an, ab'an maak'a' xxutaaneb' chi moko xe'kaqo'k kach'inaq xb'aan li xb'aanuhomeb'. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'»”, chan li Qaawa' Yos.

San Mateo 15:14

Kanab'omaqeb' xb'aan naq mutz'eb' ut aj b'eresihom mutz'eb'. Ut wi junaq mutz' naxb'eresi junaq rech mutz'il, chi xkab'ichaleb' te't'ane'q sa' jul.

Jeremías 3:3

Aab'aan laa'at naq ink'a' chik naxk'e li hab' sa' xq'ehil; kama'at tz'aqal junaq aj yumb'eet, tik ink'a' nakatxutaanak b'ayaq.

Filipenses 3:19

Ab'an li xraqikeb' a'in, a'an li sachk; li xyoseb' a'an li xsa'eb'; neke'xnimob'resi rib' sa' li xutaanalil na'leb' neke'xye neke'xb'aanu, ut ka'ajwi' li k'a'aq re ru wank sa' ruuchich'och' neke'reek'a xsahil.

Sofonías 3:5

Ab'anan li Qaawa' wank sa' xyanqeb'. A'an usilal naxb'aanu, ut maawa' li ink'a' us. Wulaj wulaj naraqok aatin ut rajlal eq'la naxk'ut li tiikilal chiruheb'. A'ut li reemaaru aj winq ink'a' naxnaw xutaanak.

Miqueas 7:4

Li jwal chaab'il sa' xyanqeb', a'an chanchan li k'ix; ut li tiik xch'ool, a'an chanchan li pajl. Ab'anan chalk re li raqok aatin, a' li kutan yeeb'il aawe xb'aaneb' li propeet. Toja' naq te'sachq xna'leb' chixjunileb'.

Miqueas 3:6

“Ink'a' chik tex'iloq moy u chiru li q'oqyink, chi moko sa' li aak'ab' teeye li k'aru chaalel”, chan li Qaawa'.

Oseas 9:7

Ak xwulak xkutankil li raaxiik'; xwulak chik xq'ehil li xtojb'al rix leemaak! Eb' laj Israel tento te'xnaw a'an. Laa'ex nekeye: “Maak'a' xna'leb' li propeet. Li xtaql li Yos xkaano'k ru”, chankex. Ab'an nekeye chi jo'kan, xb'aan naq numtajenaq leemaa'usilal ut q'axal xik' nikineril.

Ezequiel 24:7

K'ajo' li kamsink x'uxmank aran! Li kik' xb'eek roq sa' xb'eeneb' li pek ut ink'a' xhoye'k chiru li ch'och'; a' raj li pojtz' xtz'ub'uk re li kik' a'an.

Ezequiel 2:4

Kaw ajwi' li xjolomeb' li ralal xk'ajol ut xjipo'k li xch'ooleb'. Sa' xyanqeb' a'an tatintaqla chi xyeeb'al reheb': «Jo'ka'in xye li Qaawa'», cha'qat.

Jeremías 23:12

Jo'kan naq tink'eheb' chi b'eek sa' li aak'ab' ut sa' li xiik', re naq te'tiikisiiq ut te't'ane'q. Tintaqla chaq junaq nimla rahilal sa' xb'eeneb' sa' xkutankil li raqok aatin -chan li Qaawa'-.

Jeremías 5:29

Ma ink'a' tab'i' tinraqoq aatin chirix chixjunil a'an? Ma ink'a' tink'e reeqaj a'an re li tenamit a'in li jo'kan neke'xb'aanu?

Jeremías 5:9

Ma ink'a' tab'i' tink'eheb' chi xtojb'al rix li maak a'an? Ma ink'a' tink'ajtesi ru li tenamit li jo'kan naxb'aanu? -chan li Qaawa'-.

Isaías 10:4

Wi ink'a' teekub'si eerib' sa' xyanqeb' laj preex, texkamq sa' xyanqeb' li te'kamsiiq. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 3:9

Chi xnaq' ruheb' nak'utunk li xmaa'usilaleb'; moko muqmu ta li xmaakeb', chanchaneb' wi' laj Sodoom. Toq'ob'eb' xaq ru, xb'aan naq yookeb' chi xsik'b'al li xrahilaleb'!

Proverbios 29:1

Li winq li ink'a' nawulak chiru li q'use'k taasache'q ru chi junpaat ut chi junwaakaj.

Éxodo 32:34

Ayu ut k'ameb' li tenamit b'arwi' xinye aawe; k'amolb'ehaq chawu lin'ánjel. Ab'an naq taawulaq xq'ehil, tinrahob'tesiheb' xb'aan naq xe'maakob'k”.

Jeremías 8:9

Eb' li wankeb' xna'leb' te'kanaaq sa' xutaan; taasachq xna'leb'eb' ut te't'ane'q sa' li xtik'ti'eb'. Xe'xtz'eqtaana li raatin li Qaawa': k'a' chik na'ok wi' li xna'leb'eb'?

Jeremías 18:23

At Qaawa', laa'at nakanaw chixjunil li yookeb' xk'uub'ankil re inkamsinkil. Maakuy li xmaakeb' chi moko chisachq sa' laach'ool li ink'a' us xe'xb'aanu. Kamqeb' chawu ut isi laajosq'il sa' xb'eeneb'!”.

Jeremías 44:10

Ab'anan, chalen toj anaqwan, toj maji' nayot'e'k eech'ool chi moko nekexxiwak b'ayaq; tik ink'a' nekeb'aanu jo' naxye li waatin chi moko linchaq'rab' ink'ehom eere laa'ex ut reheb' leena' leeyuwa'.

Ezequiel 13:14

Ut tinjuk' li tz'ak xeletz rik'in chun; tintuub' chiru ch'och', ut li rub'elankil tkanaaq chi kutankil. Yaal naq taat'ane'q li tz'ak ut laa'ex texkamq chi rub'el. Aran teenaw naq laa'in li Qaawa'.

Sofonías 2:1

Ch'utub'omaq eerib', ex poyanam li maak'a' eexutaan,

Zacarías 13:4

“Sa' li kutan a'an eb' li propeet te'xutaanaq chik chirix li te'ril sa' moy u, ut ink'a' chik te'b'alaq'inq rik'in xk'eeb'al li mutzuk ru aq'ej chirixeb'.

Génesis 19:34

Sa' li kutan jun chik, li chaq'na'b'ej kixye re li riitz'in: “Ab'i, ewer chi q'eq laa'in xinwark rik'in linyuwa'. Qakaltesihaq ajwi' chiru li q'oqyink a'in, ut laa'at chik tatwarq rik'in: chi jo'kan taawanq ralal aawik'in”, chan.

Jeremías 14:15

Jo'kan naq laa'in, li Qaawa', ninye chi jo'ka'in chirixeb' li propeet a'an li neke'aatinak sa' ink'ab'a' us ta ink'a' xintaqlaheb', ut neke'xye naq ink'a' taawanq li raaxiik' chi moko li we'ej sa' li tenamit a'in: Eb' li propeet a'an te'kamq xb'aan li raaxiik' ut li we'ej.

Oseas 4:5

Tatt'ane'q sa' li maak chi kutan, ut chiru q'oqyink taamaakob'q chik li propeet aawochb'een; ut laa'in tinsach ru laana'.