Jeremías 6:14 - Q'eqchi Bible

¹⁴ Yal neke'xkotz b'ayaq li xrahilaleb' lintenamit rik'in xyeeb'al: «Tuqtuukilal, tuqtuukilal»; ab'anan maak'a' li tuqtuukilal.

Li Santil hu

¹⁴ Chiruheb aꞌan moco nim ta li raylal li yo̱ chixcꞌulbal lin tenamit. Eb aꞌan nequeꞌxye nak ma̱cꞌaꞌ raylal. Nequeꞌxye nak cuan li tuktu̱quil usilal. Abanan ma̱cꞌaꞌ tuktu̱quil usilal.

Jeremías 6:14 ပူးပေါင်းရင်းမြစ်များ

Ezequiel 13:10

“Eb' li propeet a'an xe'xb'alaq'i lintenamit rik'in xyeeb'al: «Wankex sa' tuqtuukilal», chankeb', ab'anan moko yaal ta. Lintenamit neke'waklesink tz'ak ut eb' a'an yal rik'in chun neke'xletz.

Jeremías 23:17

Neke'xye reheb' li neke'majewank we: «Li Qaawa' xye naq wanqex sa' tuqtuukil usilal». Ut reheb' li neke'xb'aanu li naraj li xjipileb': «Maajun rahilal taachalq sa' eeb'een», chankeb'”.

Jeremías 4:10

Ut laa'in kinye: “At Qaawa', k'ajo' naq xab'alaq'iheb' laj Jerusalén rik'in xyeeb'al naq te'wanq sa' tuqtuukilal, ut anaqwan a' chik li kamk xteneb'aak sa' xb'eeneb'!”.

Lamentaciones 2:14

Eb' laapropeet junes b'alaq'il moy u xe'xseeraq'i aawe; ink'a' xe'xch'olob' laamaak re raj xjalb'al laak'a'uxl. Junes b'alaq'il moy u ut tik'ti' xe'xye aawe.

Jeremías 14:13

Ut laa'in kinye: “At Qaawa' Yos, k'e reetal naq eb' li propeet yookeb' chi xyeeb'al reheb' li tenamit: «Ink'a' teeril yalok chi moko we'ej, tink'e b'an tuqtuukil usilal chi junajwa sa' li tenamit a'in», chankeb'”.

2 Pedro 2:1

Ke'wank ajwi' chaq propeet aj b'alaq' sa' xyanq li xtenamit li Yos. Jo'kan ajwi' sa' eeyanq laa'ex te'wanq aj tzolonel aj b'alaq' li te'roksi chaq chi muqmu li b'alaq'il na'leb' re xsachb'al li qapaab'aal; te'xtz'eqtaana ajwi' li Qaawa' li kikolok reheb', ab'anan chi junpaat te'xb'oq li sachk sa' xb'eeneb'.

Isaías 30:26

Toja' naq li xsaqenkil li po taalemtz'uno'q jo' li saq'e tuqtu wa'leb', ut li xsaqenkil li saq'e taalemtz'uno'q wuqub' sut chik jo' xsaqenkil li wuqub' kutan, naq li Qaawa' tixk'irtasi ut tixlan li xtiq'ilal li xtenamit.

Miqueas 2:11

Wi wan junaq propeet li taayehoq tik'ti' eere: “Teeruk' naab'al li b'iin ut li ha' nakaltesink”, cha'aq, a'an tz'aqal li propeet nekeraj rab'inkil; a'an tz'aqal xk'ulub' li tenamit a'in.

Ezequiel 13:22

Xb'aan naq xerahob'tesi xch'ooleb' li tiikeb' ru xyu'am rik'in li tik'ti', li maajun wa inb'aanuhom laa'in, ut xek'e xkawil xch'ooleb' li maa'us aj winqeb' chi xb'aanunkil li maa'usilal, re raj naq te'kole'q chiru li tojb'amaak.

Jeremías 14:17

Ye reheb' li tenamit li aatin a'in: «Chi q'eq ut chi kutan ink'a' ninkanab' li yaab'ak xb'aan li nimla rahilal yo xk'ulb'al lintenamit, k'ajo' xnimal li xtiq'ilal!

Jeremías 5:12

Ke'xyehatq naq maak'a' li Yos: “Maak'a' xwankil li Yos; maajun rahilal tqak'ul. Ink'a' taawanq raaxiik' chi moko we'ej.

Jeremías 28:3

ut sa' wiib' chihab' tink'e chaq chi q'ajsiik li k'a'aq re ru re li wochoch, li kik'ame'k Babilonia xb'aan laj Nabukodonosor, li awab'ej.

Isaías 1:6

Chalen cheroq toj chejolom maak'a' chik eerusil: sak'b'ilkex, raxteninkex ut tiq'b'ilex, ut maajun nab'anok eere chi moko naxb'at leetiq'ilal; tik maajun nayalok xkotzb'al b'ayaq leerahilal.

1 Ts 5:3

Naq yooqeb' chi xyeeb'al: “Wanko sa' tuqtuukilal ut maak'a' chik qak'a'uxl”, toja' naq taachalq li roso'jikeb' sa' junpaat chi maak'a'aq sa' xch'ooleb', jo' naq nachalk xrahil li alank sa' xb'een li ixq; ut ink'a' naru te'eleliq chiru.

2 Samuel 17:3

ut chirix chik a'an tinsutq'isiheb' aawik'in chixjunileb' li tenamit, jo' naq li ixaqilb'ej nasutq'iik rik'in li xb'eelom. Laa'at jun ajwi' chi winq taawaj xkamsinkil; ut chi jo'kan chixjunil li tenamit taawanq sa' tuqtuukilal”.

Isaías 30:10

Neke'xye reheb' li neke'ilok moy u: “Mat-ilok chik moy u”; ut neke'xye reheb' li propeet: “Maaye li yaal qe, ye b'an li q'axal sa rab'inkil, us ta moko yaal.

Ezequiel 13:16

B'ar wankeb' li xpropeeteb' laj Israel, li xe'yehok tik'ti' naq xe'ril sa' moy u li tuqtuukilal cho'q re Jerusalén, ab'anan moko yaal ta?», chan li Qaawa'.

Ezequiel 14:9

“Ut naq junaq propeet taab'alaq'iiq ut tixye junaq aatin sa' ink'ab'a', naraj naxye naq laa'in xink'ehok re chi b'alaq'iik li propeet a'an; tinrahob'tesi ut twisi sa' xyanqeb' lintenamit Israel.

Miqueas 3:5

A'an a'in xyehom li Qaawa' reheb' li propeet li neke'b'alaq'ink re lintenamit: tuqtuukilal neke'xtz'aama sa' xb'eeneb' li neke'k'ehok reheb' chi wa'ak, ab'an eb' li ink'a' neke'xk'eheb' chi tzekank neke'xtz'aama rahilal sa' xb'eeneb':