Jeremías 6:10 - Q'eqchi Bible

¹⁰ Ut laa'in kinye: “Ani taa'ab'inq we, at Qaawa'? Ani twaatinaheb' re xyeeb'al li esilal a'in? Tz'aptz'ookeb' li xxik ut ink'a' neke'ab'ink; neke'xse'e laawaatin ut ink'a' nawulak chiruheb'.

Li Santil hu

¹⁰ La̱in quinye re li Ka̱cuaꞌ: —¿Aniheb li tincua̱tinaheb? ¿Aniheb li tinqꞌueheb xnaꞌleb? ¿Ma teꞌraj ta biꞌ rabinquil li cꞌaꞌru tinye reheb? Eb aꞌan chanchan tzꞌaptzꞌo̱queb xxic. Incꞌaꞌ nequeꞌraj rabinquil la̱ cua̱tin. Xuta̱nal chokꞌ reheb nak nequeꞌrabi.

Jeremías 6:10 ပူးပေါင်းရင်းမြစ်များ

Hechos 7:51

“Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

San Juan 7:7

Li ruuchich'och' ink'a' naru xik' nekexril; a'ut laa'in xik' nikinril xb'aan naq nink'ut naq ink'a' us li xb'aanuhomeb'.

Jeremías 7:26

A'ut laa'ex ink'a' xineepaab' chi moko xeraj wab'inkil, xejipi chik eerib' ut q'axal yib' wi' chik ru leena'leb' chiru leena' leeyuwa'.

Hebreos 11:7

Sa' xk'ab'a' li xpaab'aal laj Noé kirab'i resil li k'aru toj maji' na'ilmank ru; kixxiwa ru li Yos ut kixyiib' li jukub' kab'l re xkolb'al li xjunkab'al. Ut sa' xk'ab'a' li xpaab'aal kixtz'eqtaana li ruuchich'och' ut koxreechani li tiikilal li nachalk xb'aan li paab'aal.

Isaías 53:1

Ani xpaab'ank re li esil xqaye? Ani xk'ute' wi' li xnimal xwankil li Qaawa'?

Éxodo 6:12

Kichaq'ok laj Moisés chiru li Qaawa': “Toq'ob' wu! -chan-. Wi eb' laj Israel ink'a' nikine'rab'i, ma toja' ta chik tinrab'i laj Parahón? Xb'aan naq ch'a'aj li aatinak chiwu”.

2 Timoteo 4:3

Xb'aan naq taawulaq xq'ehil naq eb' li tenamit ink'a' chik te'raj rab'inkil li chaab'il na'leb' ut, xb'aan xrahinkil li k'aru neke'raj xch'ool, q'esaq xxik chi rab'inkil k'iila na'leb', te'sute'q xb'aan jun tuub' chi aj tzolonel;

Colosenses 1:28

A'an tz'aqal li naqapuktesi resil. Naqak'eheb' xna'leb' chixjunileb' ut naqatzoleb' rik'in chixjunil li qak'a'uxl, re naq tqaxaqab'eb' chixjunil chi tz'aqalaq re ruheb' sa' xk'ab'a' li Kriist.

Romanos 7:22

Sa' linch'ool sa' li waanm ninsaho'k rik'in xchaq'rab' li Yos,

Hechos 7:60

Chirix chik a'an kit'ane'k chi wiq'wo ut kixjap re chi kaw, ut kixye: “At Qaawa', maak'e xaq li maak a'in sa' xb'eeneb'”. Ut naq kixye a'in, kikamk.

San Juan 9:40

Wankeb' aj Pariseey te'ochb'eeninq re, ut naq ke'rab'i a'in, ke'xye re: —Ma mutz'o ajwi' laa'o chi jo'kanan?

San Lucas 20:19

Sa' ajwi' li honal a'an eb' laj tz'iib' ut eb' li xb'eenil aj tij ke'xsik' chan raj ru naq te'xchap li Jesus, xb'aan naq ke'xtaw ru naq cho'q reheb' kixye li jaljookil ru aatin a'in; ab'anan ke'xiwak chiruheb' li tenamit.

San Lucas 11:45

Toja' naq ki'ok chi aatinak jun aj nahol Chaq'rab' ut kixye: —At Tzolonel, naq nakaye a'in, nokoohaahob' ajwi' laa'o.

San Mateo 3:7

Ab'an naq kiril naq naab'aleb' laj Pariseey ut laj Saduseey yookeb' chi chalk rik'in re raj naq te'kub'siiq xha', kixye reheb': “Ex ral q'anb'olay, ani xk'utuk cheru elelik chiru li josq'il chaalel sa' eeb'een?

Amós 7:10

Laj Amasías, aj tij aran Betel, kixtaqla xyeeb'al re laj Jerobohán, awab'ej re Israel: “Laj Amós yo xpo'b'al xch'ooleb' li tenamit Israel chawix; ut li tenamit ink'a' chik neke'xkuy rab'inkil li raatin.

Ezequiel 33:9

Ab'anan wi taaq'us li ink'a' us xna'leb' ut a'an ink'a' tixyot' xch'ool tixjal xk'a'uxl, relik chi yaal naq taakamq sa' li xmaak, a'ut laa'at taakol laayu'am.

Ezequiel 33:3

Ut naq a'in taaril naq yookeb' chi chalk eb' li xik' neke'ilok re li tenamit, tixyaab'asi li pur re naq te'xkol rib'eb' li poyanam.

Jeremías 4:4

Ex poyanam aj Judá ut aj Jerusalén, q'axtesihomaq eerib' re li Qaawa' Yos, ut k'ehomaq sa' leech'ool li reetalil linSumwank. Mare anchal taachalq injosq'il jo' li xam ut taa'ok chi sachok, chi maajun chik taaramoq re, xb'aan li k'iila maa'usilal nekeb'aanu.

Salmos 119:174

Q'axal nawaj naq laa'at tatkoloq we, at Qaawa'; junes sa' laachaq'rab' nintaw xsahil li waanm.

Salmos 119:77

Cholinxtaw taxaq laawusilal, ut yo'yooqin, xb'aan naq ka'ajwi' laachaq'rab' naxk'e xsahil li waanm.

Salmos 119:70

Jwal kaw xch'ooleb' a'an, chanchan sutsu chi xeeb'; a'ut laa'in wank xsahil li waanm rik'in laataqlahom.

Salmos 119:35

Chinwanq taxaq jo' naxye laachaq'rab', xb'aan naq rik'in a'an nak'ojlaak li waanm.

Salmos 119:24

Laawaatin nak'ehok xsahil linch'ool; a'an tz'aqal naxk'e inna'leb', at Qaawa'.

Salmos 119:16

Rik'in laachaq'rab' nasaho'k li waanm; ink'a' taasachq sa' inch'ool laaloq'laj aatin.

Salmos 40:8

jo'kan naq xinye: We'kin, chalk we, chankin. Tz'iib'anb'il chiwix sa' li b'otb'ookil hu

Salmos 1:2

neke'xtaw b'an xsahilaleb' xch'ool rik'in xchaq'rab' li Qaawa', neke'xk'oxla rix li raatin ut neke'xtzol chi q'eq ut chi kutan!

Deuteronomio 29:4

Ab'anan toj chiru li kutan a'in, li Qaawa' toj maji' kexk'e chi xtawb'al ru ut chi xnawb'al xyaalalil chixjunil a'in.

Jeremías 5:21

«Ab'ihomaq li esil a'in, ex jip aj tenamit ut maak'a' eena'leb'! Wank xsa' leeru, ab'an maak'a' nekeril; wank leexik, ut ink'a' nekex'ab'ink.

Jeremías 9:26

eb' laj Ejiipt, eb' laj Judá, eb' laj Edom, eb' laj Amón, eb' laj Mohab ut chixjunileb' laj Arabia li neke'xjo li xjolomeb' ut wankeb' sa' li chaqich'och'. Xb'aan naq chixjunileb' li tenamit a'in jo'wi' eb' laj Israel toj maak'a' li reetalil li Sumwank sa' li xch'ooleb'”.

Isaías 42:20

Naab'al li k'a'aq re ru aawilom, ab'an maajun xataw xyaalal; q'es raj laaxik chi ab'ink, ab'an maak'a' nakawab'i.

Jeremías 7:13

Naab'al sut xexinq'us chirix naq ink'a' us nekeb'aanu, a'ut laa'ex ink'a' xeraj wab'inkil; k'iila wa xexwaatina, ut ink'a' xineesume.

Jeremías 35:13

“Jo'ka'in xye li Nimajwal Yos, li xYos laj Israel: Ayu ut aatinaheb' laj Judá ut eb' laj Jerusalén chi jo'ka'in: «Ma ink'a' teetzol eerib' chi xpaab'ankil eb' li waatin? -chan li Qaawa'-.

Ezequiel 3:7

Ab'an eb' laj Israel moko te'raj ta aawab'inkil, xb'aan naq ink'a' neke'raj inpaab'ankil laa'in. Chixjunileb' laj Israel jwal jipeb' ut q'axal kaw li xjolomeb'.