Jeremías 51:51 - Q'eqchi Bible

⁵¹ Laa'ex nekeye: “Xutaanal xookanaak, xb'aan naq naqab'i li qahob'b'al; xookaqo'k xb'aan qaxutaan rik'in rilb'al naq eb' laj ab'l tenamit xe'ok chaq sa' qayanq ut xe'xmux li xsantil ochoch li Yos”, chankex.

Li Santil hu

⁵¹ La̱ex nequeye, “Xuta̱nal xo-el ut xohobeꞌ ut nocoxuta̱na̱c xban nak eb li jalaneb xtenamit queꞌoc saꞌ eb li santil naꞌajej saꞌ lix templo li Ka̱cuaꞌ.”

Jeremías 51:51 ပူးပေါင်းရင်းမြစ်များ

Lamentaciones 1:10

Eb' li xik' neke'ilok re xe'xxok chixjunil li xb'ihomal. Eb' laj Jerusalén xe'ril li maak'a'eb' xpaab'aal chi ok sa' li xloq'laj ochoch li Yos, a'eb' ajwi' li xaye laa'at, at Qaawa', naq ink'a' naru te'ok sa' laaloq'laj ch'utam.

Salmos 79:4

Xutaanalo wi' chiruheb' li tenamit nach' wankeb', eb' li wankeb' chi qasutam nokoohe'xse'e ut nokoohe'reetz'u.

Miqueas 7:10

Li xik' na'ilok we taaril a'an; taaril ut taakanaaq sa' xutaan. Ut li xyehok we junxil: “B'ar wank li Qaawa' laaYos?”, anaqwan taasaho'q linch'ool chi rilb'al naq taayeq'iiq sa' oqej jo' xsululel li b'e.

Daniel 11:31

«Tixtaqlaheb' aj puub' chi xmuxb'al li loq'laj Muheb'aal ut li kawub'resinb'il ochoch; te'xsach ajwi' xwankil li mayejak na'uxmank rajlal kutan ut te'xk'ojob' li xnimal tz'i'b'eetal sa' rochoch li Yos.

Ezequiel 36:30

Tink'eheb' chi uuchink chi yo'oon chixjunileb' li che' ut eb' li awimq, re naq ink'a' texkanaaq sa' xutaan chiruheb' li tenamit junch'ol xb'aan li we'ej.

Ezequiel 24:21

«Ye reheb' laj Israel: Li Qaawa' xye chi jo'ka'in: Ok we chi xsachb'al xwankil li wochoch, li q'axal nawulak cheru ut jwal nekera, a'an li xsahilal ut li xkawilal leech'ool. Te'kamq ajwi' leeralal eek'ajol li kekanab' chaq Jerusalén: te'kamsiiq chi ch'iich'.

Ezequiel 9:7

Moqon kiyeemank reheb': “Ayuqex sa' li wochoch ut sachomaq li xloq'al; tuub'omaq eb' li kamenaq chiru li xneb'aalil”. Sa' junpaat koheb' ut ke'ok chi kamsink poyanam sa' li tenamit.

Ezequiel 7:18

Te'xk'e q'es ruhil t'ikr chirixeb' chi k'ajo'aqeb' xxiw; numtajenaqaq xxutaan ut joob'ilaq chik li xjolomeb'.

Lamentaciones 5:1

At Qaawa', chijultiko'q taxaq aawe li k'aru xqak'ul; chawil ut chak'e reetal li qahob'b'al xb'aaneb'.

Lamentaciones 2:20

Il, at Qaawa', ut k'e reetal: ani xarahob'tesi jun sutaq chi jo'ka'in? Eb' li na'b'ej okeb' re chi xtiwb'al li xk'uula'aleb'; eb' laj tij jo'wi' eb' li propeet kamkeb' re sa' laaloq'laj ochoch.

Jeremías 52:13

Kixk'at li rochoch li Qaawa', li rochoch li awab'ej ut chixjunileb' li ochoch wankeb' Jerusalén.

Jeremías 31:19

Xatintz'eqtaana, at Qaawa', ab'an xinyot' linch'ool xinjal link'a'uxl; ut naq nink'e reetal linmaak, ninten li re linch'ool, ninxutaanak ut nasachk linna'leb' xb'aaneb' li maak xinb'aanu sa' linsaajilal».

Jeremías 14:3

Eb' li ninqeb' xwankil neke'xtaqla li xmooseb' chi sik'ok ha'; eb' a'in neke'xik wankeb' wi' li kumb', ut maak'a' li ha'. Neke'sutq'iik chaq chi maak'a' xsa' li xkukeb'; sachsookeb' xch'ool ut tz'aptz'ookeb' li xjolomeb' sa' t'ikr xb'aan xxutaaneb'.

Salmos 109:29

Eb' li neke'jitok we che'sachq ta xch'ool ut che'kanaaq sa' xutaan chi junajwa.

Salmos 79:12

Q'axal xate'xhob' li tenamit li nach' wankeb': chak'e reeqaj a'an, at Qaawa', wuqub' sut ta chik che'xkul reeqajunkil!

Salmos 79:1

Xsaalm laj Asaf. At Qaawa', eb' li poyanam xe'okje'k sa' laach'och', xe'xmux ru laaloq'laj ochoch, xe'xkanab' chi po'lemil laatenamit Jerusalén.

Salmos 71:13

Ink'a' us che'elq ut che'sache'q xwankil eb' li neke'ajok inkamsinkil; xutaanal che'kanaaq ut sachsooq xch'ooleb' li neke'yoob'ank raaxiik' chiwix laa'in.

Amós 7:9

Te'juk'manq eb' li xtijob'aal laj Isahak, te'sachmanq li xmuheb'aaleb' laj Israel, ut tinwakliiq chi yalok rik'ineb' li ralal xk'ajol laj Jerobohán”.

Miqueas 6:16

Xb'aan naq xapaab' li xchaq'rab' laj Omrí, ut xab'aanu li neke'xb'aanu eb' li ralal xk'ajol laj Ajab; xatzol aawe jo' chanru xna'leb'eb' a'an. Jo'kan naq tatinrahob'tesi, ut eb' laapoyanamil tink'eheb' cho'q se'leb'aal; ut aamaak laa'at xutaanal wanqeb' lintenamit”.

Salmos 89:46

Xak'os roq li xyu'am sa' xsaajilal ut xakanab' sa' xutaan chi junajwa.

Isaías 13:1

A'an a'in li kik'utb'esiik chiru laj Isaías, ralal laj Amós, chirix li rahilal tixk'ul li tenamit Babilonia:

Isaías 14:1

Naq li Qaawa' tixtoq'ob'a ru laj Jakob ut tixsik' wi' chik ru laj Israel, tixk'ojob'eb' wi' chik laj Israel sa' li xtenamiteb' ut eb' laj jalanil tenamit te'xjunaji rib' rik'ineb' li ralal xk'ajol laj Jakob.

Isaías 21:1

Resilal li rahilal tixk'ul li chaqich'och' wank chire li palaw: Jo' li kaqsut-iq' nanume'k Nejeb, jo'kan ajwi' yo chaq chi chalk li nimla rahilal sa' li chaqich'och', sa' li tenamit xiwajel ru.

Isaías 47:1

“Kub'si aawib', chunlan sa' pojtz', at tuq'ixq re Babel li maak'a' chik aawankil! Chunlan sa' ch'och', at xrab'in eb' laj Kaldeha; ink'a' chik te'xye aawe: «Q'un aach'ool ut tuulanat».

Jeremías 25:26

chixjunileb' li awab'ej wankeb' chaq sa' xjayal releb'l iq', eb' li wankeb' chi nach' jo'wi' li wankeb' chaq chi najt chirib'ileb' rib', ut chixjunileb' li awab'ej li wankeb' junsut junrub'el choxa. Ut li awab'ej re Babilonia taa'uk'aq sa' xraqik.