Jeremías 51:46 - Q'eqchi Bible

⁴⁶ Mich'inank leech'ool chi moko chexxiwaq xb'aan li esil yo xyeeb'al sa' li tenamit. Rajlal chihab' taa'ab'iiq jalan jalanq li esil: taanumtaaq li rahilal sa' xb'een li tenamit ut eb' li awab'ej te'yaloq chirib'ileb' rib'.

Li Santil hu

⁴⁶ Michꞌinan le̱ chꞌo̱l chi moco texxucuak nak te̱rabi li cꞌaꞌru yo̱keb chixyebal. Rajlal chihab jalan esilal ta̱abima̱nk. Ta̱abi̱k resil li raylal ut li rahobtesi̱nc. Ut ta̱abi̱k resil nak eb li rey yo̱keb chixpletinquil ribeb.

Jeremías 51:46 ပူးပေါင်းရင်းမြစ်များ

Isaías 19:2

“Tinchiq' xjosq'ileb' laj Ejiipt chirib'ileb' rib' -chan li Yos- ut li junjunq taayaloq rik'in li ras riitz'in: li wank ramiiw taayaloq rik'in li ramiiw, tenamit rik'in tenamit, ut awab'ejilal rik'in awab'ejilal.

2 Reyes 19:7

Ok we chi roksinkil rik'in jun musiq'ej re xpo'b'al li xch'ool: taarab'i jun esil ut taasutq'iiq wi' chik sa' li xtenamit chi junpaat, ut aran toxkamsiiq chi ch'iich'»”.

San Lucas 21:28

Naq taatiklaaq chixjunil a'in, kawub'resihomaq eech'ool ut chetaqsihaq leejolom, xb'aan naq ak xnach'ok chaq leekolb'al”.

2 Crónicas 20:23

Eb' laj Amón ut eb' laj Mohab ke'ok chi yalok rik'ineb' li ke'chalk sa' li tzuul Seír, ut ke'xsach ruheb'. Ut naq ke'xchoy xkamsinkileb', ke'ok ajwi' chi xkamsinkileb' rib' chirib'ileb' rib'.

Jueces 7:22

Naq eb' li o'lajuk'aal chi winq yookeb' chi xyaab'asinkil li xxukub'eb', li Qaawa' kixb'aanu naq chixjunileb' laj Madián ke'ok chi xkamsinkil rib' chirib'ileb' rib' yalaq b'ar. Ut eb' laj puub' ke'elelik toj Bet-Hasitá, sa' li b'e naxik Sartán, toj sa' xnub'ajl Abel-Mejolá, sa' xjayal Tabat.

Jeremías 46:27

“Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol; tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.

Li xHu LAJ JOB 23:16

Ninsiksotk ut nach'inank li waanm chiru li Nimajwal Yos.

Proverbios 24:10

Li nach'inank xch'ool naq wank sa' ch'a'ajkilal, naraj naxye naq moko kaw ta xch'ool.

Isaías 43:5

Matxiwak b'i', xb'aan naq wankin aawik'in. Sa' xjayal chaq releb'l saq'e toj sa' rokeb'l tink'ameb' chaq ut tinch'utub'eb' laawalal aak'ajol.

Jeremías 46:28

At Jakob, aj k'anjelat chiwu, matxiwak -chan li Qaawa'-, xb'aan naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.