Jeremías 51:34 - Q'eqchi Bible

^34-35 Jerusalén, li tenamit Sión, kixye chi jo'ka'in: “Laj Nabukodonosor, li awab'ej re Babilonia, xinxtiw ut xinxchoy; jo' junaq sek' maak'a' chik tzekemq chisa' xinxkanab'. Jo' li ranumal li palaw naq xinxnuq': xchoy chixjunil li k'aru wank we ut xkuti chi najt li ink'a' xwulak chiru. Che'xtoj ta rix eb' laj Babilonia li rahilal xe'xb'aanu we, ut eb' laj Kaldeha che'xtoj ta rix eb' linkomon xe'xkamsi”.

Li Santil hu

³⁴ Eb li cuanqueb Jerusalén queꞌxye: —Laj Nabucodonosor lix reyeb laj Babilonia quixsach ku. Ma̱cꞌaꞌ chic cuan chi saꞌ li katenamit xcanab. Chanchan jun li secꞌ ma̱cꞌaꞌ chic cuan chi saꞌ. Laj Nabucodonosor chanchan jun li dragón naxnukꞌ li joꞌ qꞌuial naraj ut naxtzꞌek li incꞌaꞌ naraj.

Jeremías 51:34 ပူးပေါင်းရင်းမြစ်များ

Jeremías 50:17

“Israel chanchan li karneer sachenaq, aanilasinb'il xb'aaneb' li kaqkoj. Xb'enwa xsache'k xb'aan li awab'ej re Asiria; chirix chik a'an, laj Nabukodonosor, li awab'ej re Babilonia, xchoyok re.

Jeremías 51:44

“Tinrahob'tesi laj Bel, li xyoseb' laj Babilonia, ut tink'e chi xxa'wa li k'aru ak xtzekahom; maajun chik tenamit taachalq rik'in. Ak xt'ane'k li xsuttz'akil li tenamit.

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

Li xHu LAJ JOB 20:15

Tixxa'wa chaq li b'ihomal kixnuq', xb'aan naq li Qaawa' taa'isinq re sa' xsa'.

Nahum 2:2

Xb'aan naq li Qaawa' tixk'ojob' wi' chik li xloq'al laj Jakob ut li xwankilal laj Israel. Eb' laj elq' ke'sachok re ut ke'xkanab' jo' jun toon chi uub' li maak'a'eb' chik li ruq', ab'an li Yos tixk'e wi' chi li xloq'al ut xwankilal.

Amós 8:4

Ab'ihomaq a'in laa'ex li nekexrahob'tesink reheb' li neb'a' ut nekeraj xsachb'aleb' ru li kub'enaqeb' xwankil sa' li tenamit.

Ezequiel 36:3

Jo'kan naq ye reheb' sa' ink'ab'a': «Jo'ka'in xye li Qaawa': Yalaq b'ar eb' li jalanil tenamit xe'xsach eeru, xe'numtaak sa' eeb'een ut xe'reechani li k'aru eere. K'ajo' naq xexmajewaak ut xexse'eek xb'aaneb' li poyanam.

Lamentaciones 2:16

Chixjunileb' li xik' neke'ilok aawe neke'aatinak chawix; neke'xuxb'ak ut neke'xk'uxuxi li ruuch reheb': “Xqasach ru -chankeb'-. A'an a'in li kutan yooko royb'eninkil. Ak xqataw, ak yooko rilb'al!”.

Lamentaciones 1:1

Toq'ob' xaq ru li tenamit Jerusalén! Xnimal ru tenamit naq kiwank sa' xyanqeb' chixjunil li tenamit, ut k'ajo'eb' li poyanam ke'wank chisa'; ab'an anaqwan xkanaak sa' junaatalil, chanchan aj chik jun xmalka'an xkanaak. Junxil Jerusalén nataqlank sa' xb'eeneb' li tenamit, ut anaqwan a'an chik minb'il ru chi k'anjelak.

Jeremías 51:49

Sa' xk'ab'a'eb' laj Israel li xe'kamk taajuk'e'q Babilonia; sa' xk'ab'a'eb' li xe'kamsiik sa' ruuchich'och' tento taasachmanq chi junwaakaj”.

Jeremías 50:7

Yalaq ani xk'uluk reheb', xt'upiheb', ut eb' li xik' neke'ilok reheb' xe'xye: «Moko maak ta naq te'qasach ruheb', xb'aan naq xe'maakob'k chiru li Qaawa', a'an tz'aqal li xmuheb'aaleb'; xe'maakob'k chiru li royb'enihomeb' li xna' xyuwa'eb'».

Isaías 34:11

Aran te'xyiib' xna'ajeb' li warom ut li k'uch, laj tak' ra' ut li tuntz'oq. Li Qaawa' tixsutq'isi Edom cho'q chaqich'och' ut junesal na'ajej.

Proverbios 1:12

Qanuq'aqeb' chi yo'yo li tiikeb' xch'ool, jo' li kamk naxb'aanu reheb' li neke'xik sa' xjulel kamenaq.

Salmos 74:13

Laa'at katjachok re li palaw rik'in laawankil, kajori xjolomeb' li josq' aj xul sa' li palaw.

Oseas 8:8

“Xsache'k xwankil laj Israel, chanchan naq xnuq'e'k lintenamit. Ut anaqwan wank sa' xyanqeb' laj ab'l tenamit, kama' junaq sek' li maak'a' chik xk'anjel.

Isaías 42:22

A'ut li tenamit a'in xe'elq'aak ut xe'maq'je'k li k'aru wankeb' re, ut anaqwan tz'aptz'ookeb' chixjunileb' sa' tz'alam malaj sa'eb' li ochoch pek. Neke'maq'mank li k'a'aq re ru reheb' ut maajun nakolok reheb'; neke'elq'aje'k ut maajun nayehok: «Q'ajsihomaq chaq»”.