Jeremías 51:29 - Q'eqchi Bible

²⁹ Nahich'lok li ruuchich'och' chi k'ajo' xxiw, xb'aan naq yo chi tz'aqlok ru li xk'uub'ahom li Qaawa' chirix Babilonia: naq li tenamit a'an tkanaaq chi nakirirnak ut maajun chik poyanam taawanq chisa'.

Li Santil hu

²⁹ Lix tenamit laj Babilonia ta̱ecꞌa̱nk saꞌ xnaꞌaj ut ta̱rahokꞌ saꞌ xchꞌo̱l xban nak li Ka̱cuaꞌ oc re chixba̱nunquil li cꞌaꞌru quixye nak tixba̱nu reheb laj Babilonia. Tixsukꞌisi chaki chꞌochꞌ ut ma̱cꞌaꞌak chic cua̱nk aran.

Jeremías 51:29 ပူးပေါင်းရင်းမြစ်များ

Jeremías 51:43

Nakirirnak xe'kanaak eb' li xtenamit, chanchaneb' aj chik li joxk' ch'och'; maajun chik poyanam wank chisa' chi moko nanume'k aran.

Jeremías 8:16

Chalen chaq Dan neke'xeeyank chi chalk li xkawaayeb'; neke'tz'ejnak chi chalk, nachiq'lok li ch'och'. Chalkeb' re chi xsachb'al li tenamit jo'wi' chixjunil li xsahil eechej; te'xjuk'iheb' li na'ajej ut jo'k'ihaleb' li wankeb' chisa'”.

Amós 8:8

Ma ink'a' tab'i' taa'eek'anq li ruuchich'och' xb'aan a'an? Ma ink'a' tab'i' te'yaab'aq chixjunileb' li poyanam? Li ch'och' taataqe'q ut taasob'e'q jo' naq nab'ut'irk ut nakub'eek li nima' Nilo!

Jeremías 50:45

Ab'ihomaq li k'aru tinb'aanu reheb' laj Babilonia, chek'e reetal li k'aru xink'uub' xb'aanunkil reheb' laj Kaldeha: jukunb'il naq te'isiiq li kok'al sa' li tenamit a'an jo'qeb' li ral li karneer, ut te'oso'q rochb'een li raxpim neke'tzekank wi'.

Jeremías 50:13

Xb'aan linjosq'il xinkanab' chi nakirirnak ut maajun chik xpoyanamil. Chixjunil li taanume'q aran Babilonia taasachq xch'ool ut taase'eq chi rilb'al li rahilal xk'ulum.

Jeremías 10:10

A'ut li Qaawa' a'an li tz'aqal Yos: A'an li yo'yookil Yos ut li Rey wank chi junelik. Naq najosq'o'k li Qaawa', nahich'hotk li ruuchich'och'; ut eb' li tenamit ink'a' neke'xkuy li xjosq'il li Yos.

Apocalipsis 18:2

Kixjap re chi kaw xyaab' xkux: “Xt'ane'k, ak xt'ane'k li nimla tenamit Babilonia. Xkanaak cho'q xna'ajeb' li maa'us, cho'q xtz'alam chixjunileb' li tz'ajn aj musiq'ej, xtz'alameb' chixjunil li xik'anel xul tz'ajeb' ru ut tz'eqb'eetaleb'.

Joel 2:10

Hich'lotq li ch'och' sa' xna'aj naq yooqeb' chi chalk eb' laj saak'; li choxa taachiq'chiq'iiq, li saq'e ut li po taaq'oqyino'q ru, ut taa'aak'ab'o'q ruheb' li chahim.

Jeremías 50:43

Naq li awab'ej re Babilonia xrab'i resileb', k'ajo' naq xchalk xxiw ut nasiksotk; xmayok li xch'ool jo' junaq ixq ok re chi alank.

Isaías 14:16

Eb' li neke'ilok aawe nakate'xka'ya, neke'sachk xch'ool chawilb'al ut neke'xye: «A'in li winq x'eek'asink re li ruuchich'och' sa' xna'aj ut chixjunileb' li tenamit neke'xiwak chiru.

Jeremías 50:36

Kamsihomaqeb' laj q'e, chikaano'q ruheb'. Kamqeb' laj puub' ut che'rahob'tesiiq.

Jeremías 50:46

Tz'aapixik rab'inkil li xt'anik Babilonia, ut li xyaab'eb' taa'ab'imanq sa' chixjunileb' li na'ajej”.

Jeremías 51:26

Maajun xpekul laapo'lemil taaxokmanq re xk'ojob'ankil rub'elankil junaq ochoch chi moko re kab'lak, xb'aan naq nakirirnak tatkanaaq chi junwaakaj -chan li Qaawa'-.

Jeremías 51:28

B'oqomaqeb' li tenamit chi yalok rik'ineb' laj Babilonia; kawresihomaq li awab'ej re Media, eb' laj jolominel ut li xninqaleb' ru winq, jo' ajwi' chixjunileb' li na'ajej wankeb' rub'el xwankileb'”.

Isaías 24:20

Taktotq aj chik li ruuchich'och' jo' junaq kalajenaq, ut taat'uyleeq jo' na'uxk re li ab'. K'ajo' raalal li maak sa' xb'een: taat'ane'q ut ink'a' chik taawakliiq.

Jeremías 51:37

ut li tenamit a'an taakanaaq jo' jun tuub' chi pek, cho'q xna'ajeb' laj xojb', tz'eqtaananb'ilaq ut xiwajelaq rilb'al; ut maajunaq poyanam taawanq chisa'.