Jeremías 51:16 - Q'eqchi Bible

¹⁶ Rik'in li xyaab' xkux neke'ch'utlaak li ha' sa' choxa, ut naxwaklesi eb' li choql toj sa' xmaril li ruuchich'och'. A'an nak'ehok chi repok li kaaq naq yo li hab', ut narisiheb' chaq li iq' b'arwi' k'uulanb'ileb' xb'aan.

Li Santil hu

¹⁶ Yal riqꞌuin ra̱tin li Ka̱cuaꞌ naxtakla chak li hab. Ut naxqꞌue li chok saꞌ chixjunil li ruchichꞌochꞌ. Yal riqꞌuin ra̱tin naxqꞌue li ca̱k chi ecꞌa̱nc nak yo̱ li hab. Ut narisi chak li ikꞌ saꞌ li naꞌajej li xocxo cuiꞌ xban.

Jeremías 51:16 ပူးပေါင်းရင်းမြစ်များ

Salmos 135:7

Naxtaqsiheb' li choql chalen chaq sa' xmaril li ruuchich'och'; naxtaqla chaq li hab' rik'in raq'kaaq, ut narisi chaq li iq' sa' li k'uulanb'il wi' xb'aan.

Jonás 1:4

Ab'an li Qaawa' kixwaklesi jun kawil iq' chiru li palaw, ut kiwakliik jun kaqsut-iq' li kach'in chik maa kixjuk' li jukub'.

Salmos 18:13

Xb'aan xlemtz'unkil li xsaqenk xkanaak li choql chi saqb'ach; jo' nareprotk li raq'kaaq naq xlochk xxamlel.

Jonás 4:8

ut naq ki'elk chaq li saq'e, li Yos kixtaqla chaq jun tiqwal iq'. K'ajo' naq kitawasiik laj Jonás xb'aan xtiqwal li saq'e: kichalk xlub'ik ut kixpatz' li xkamik: “Q'axal us li kamk cho'q we chiru naq yo'yooqin”, chan.

Amós 9:7

Jo'ka'in kixye li Qaawa': “Ex aj Israel, chiwu laa'in juntaq'eetex rik'ineb' laj Etiopía ut rik'ineb' chixjunileb' li tenamit. Jo' naq kexwisi chaq Ejiipt, jo'kan ajwi' naq kiwisiheb' laj Filistea aran Kreta ut eb' laj Aram kiwisiheb' chaq Kir.

Ezequiel 10:5

Toj chirix li kab'l na'ab'imank li xyaab' li xxik'eb' li kerubín naq neke'xik'ank, chanchan wi' naq li Nimajwal Yos yo chi aatinak chi kaw xyaab' xkux.

Salmos 147:18

Naxtaqla chaq li raatin ut naxha'ob'resi chixjunil; naxwaklesi li iq', ut nab'eek wi' chik roq li ha'.

Salmos 104:7

Ab'an kaq'useb' li ha', ut ke'ok chi elelik; jun xikikeb' naq ke'rab'i xyaab' laakaaq.

Salmos 78:26

Chirix chik a'an kixtaqla chaq li iq' na'elk sa' releb'l saq'e, rik'in xnimal xwankil kixb'eela chaq li iq' nachalk sa' rokeb'l iq'.

Salmos 68:33

Chexb'ichanq cho'q re li Yos chejunilex li x'awab'ejihom li ruuchich'och'; chexwajb'aq cho'q re li Qaawa':

Salmos 46:6

Li Qaawa' wank sa' xyi li xtenamit, maak'a' taa'eek'asinq re; li Yos natenq'ank re chalen naq nasaqewk.

Li xHu LAJ JOB 40:9

Ma q'axal kaw tab'i' aawib' chiwu laa'in? Ma naru xjuntaq'eetankil li xkawilal xyaab' laakux rik'in li we?

Li xHu LAJ JOB 38:22

Ma xatwulak b'arwi' k'uulanb'il li xchu'ke ut li saqb'ach,

Li xHu LAJ JOB 37:13

a' yaal ma re xrahob'tesinkil li ruuchich'och' malaj re rosob'tesinkil.

Éxodo 14:21

Laj Moisés kixye' li ruq' sa' xb'een li palaw ut li Qaawa' kixtaqla chaq chiru chixjunil li q'oqyink jun kawil iq' li xchalk sa' releb'l saq'e, ut kixchaqihob'resi li palaw: toja' naq kixjek' rib' li ha'.

Éxodo 10:19

ut li Qaawa' kixtaqla chaq jun kawil iq' li ki'elk sa' li palaw, ut kixk'ameb' laj saak', koxkuteb' sa' li Kaqi Palaw. Tik maajun chik aj saak' kikanaak sa' xsutam chixjunil Ejiipt.

Éxodo 10:13

Laj Moisés kixye' li xxuq' sa' xb'een Ejiipt, ut li Qaawa' kixtaqla chaq li tiqwal iq' sa' xb'een li tenamit chiru li kutan a'an ut chiru li q'oqyink. Naq kisaqewk, ak wankeb' chik laj saak' aran xb'aan li iq'.

Génesis 8:1

Li Yos kixtoq'ob'a ru laj Noé jo'wi' chixjunileb' li xul re li k'iche' ut eb' li ketomq li wankeb' rochb'een sa' li jukub' kab'l. Ut kixtaqla jun li iq' sa' xb'een li ruuchich'och' ut kisaak li ha'.