Jeremías 51:12 - Q'eqchi Bible

¹² Taqsihomaq li eetalil naq tex'ok chi xjuk'b'al li xsuttz'akil Babilonia. K'ehomaq naab'aleb' laj puub' aran, xaqab'omaqeb' li te'k'aak'alenq ut kawresihomaq eb' li te'ramoq sa'atqeb' li b'e. Xb'aan naq li Qaawa' xk'uub'ank re a'in ut tixb'aanu li kixye chaq junxil chirixeb' laj Babilonia.

Li Santil hu

¹² Taksihomak li bandera retalil nak te̱tiquib pletic riqꞌuineb li cuanqueb saꞌ xbe̱neb li tzꞌac li sutsu cuiꞌ li tenamit. Qꞌuehomak xtzꞌakobeb li soldado ut qꞌuehomakeb saꞌ xnaꞌaj li nequeꞌqꞌuehoc etal. Taklahomakeb chi pletic. Li Ka̱cuaꞌ tixba̱nu li cꞌaꞌru naraj xba̱nunquil joꞌ quixye nak tixba̱nu reheb laj Babilonia.

Jeremías 51:12 ပူးပေါင်းရင်းမြစ်များ

Jeremías 51:11

Q'esnaaq ru'uj leesimaj ut kawresihomaq leech'iich' li nekekol wi' re leech'ool. Li Qaawa' xtoch' chaq li xch'ooleb' li awab'ej re Media re naq te'chalq chi xsachb'al ru Babilonia. A'an a'in li reeqaj tixb'aanu li Qaawa' naq ke'xjuk' li xsantil ochoch.

Isaías 13:2

“Taqsihomaq li reetalil li yalok sa' xb'een li t'ojoch aj tzuul, japomaq eere ut k'utomaq leeruq' chiruheb' laj puub' re naq te'ok sa' li rokeb'aaleb' li ninqeb' xwankil.

Nahum 2:1

At Nínive, we' chaq laj sachonel: yo chi chalk sa' aab'een. K'aak'alen chi us toj sa' li najt xteramil kab'l. Il chi us laab'e, b'ak' chasa' laaq'esnal ch'iich' ut kawresi aawib'.

Jeremías 51:29

Nahich'lok li ruuchich'och' chi k'ajo' xxiw, xb'aan naq yo chi tz'aqlok ru li xk'uub'ahom li Qaawa' chirix Babilonia: naq li tenamit a'an tkanaaq chi nakirirnak ut maajun chik poyanam taawanq chisa'.

Joel 3:2

Tinch'utub'eb' chixjunil li tenamit ut tink'ameb' sa' xtaq'ahil Josafat. Aran tinraqoq aatin sa' xb'eeneb' chirix laj Israel, xb'aan naq ke'xcha'cha'i lintenamit ut li weechanihom, sa' chixjunil li ruuchich'och', ut ke'xjek'i linna'aj chirib'ileb' rib'.

Lamentaciones 2:17

Li Qaawa' xb'aanu li k'uub'k'u xb'aan; xtz'aqlok ru li raatin yeeb'il chaq junxil. Li Yos xjuk'uk chi ink'a' xril xtoq'ob'aal aawu; ut xk'e li xik' na'ilok aawe chi xq'axb'al aawu ut chi saho'k sa' xch'ool.

Jeremías 51:27

“Taqsihomaq li eetalil re li yalok sa' chixjunil li ruuchich'och' ut yaab'asihomaq li pur sa'atqeb' li tenamit. Kawresihomaqeb' li poyanam re yalok rik'ineb' laj Babilonia. Ch'utub'omaqeb' li awab'ej re Ararat, Miní ut Askenas; xaqab'omaq junaq li taak'amoq b'e chi yalok. Taqlahomaqeb' li kawaay chi uub'ej jo'kaqeb' li josq' aj saak'.

Jeremías 50:2

“Yehomaq ut puktesihomaq li esil a'in sa'eb' li tenamit; k'ehomaq chi nawe'k ut mik'a' eemuq: «Xchapmank li tenamit Babilonia! Xkanaak sa' xutaan li yos Bel ut nasiksotk li yos Marduk xb'aan xxiw. Maak'a' chik na'ok wi' eb' li xjalanil yos, xlaje'sache'k chixjunileb'».

Proverbios 21:30

Chiru li Qaawa' maak'a' na'ok wi' li chaab'il na'leb', li seeb'al k'a'uxej ut li na'leb'ak.

Josué 8:14

Naq li awab'ej re Ay kiril a'an, kixseeb'a rib'. Kiwakliik eq'la rochb'een chixjunileb' laj puub' re xik chi yalok rik'ineb' laj Israel sa' li kub'sink, sa' xjayal Arabá, chi ink'a' naxnaw naq ramro chaq rix li tenamit.

Jeremías 4:28

Taaraho'q xch'ool li ruuchich'och' ut li choxa taa'aak'ab'o'q ru. Xin'aatinak, ut ink'a' tinjal ru li aatin xinye; jo'kan xink'uub' xb'aanunkil, ut ink'a' traho'q linch'ool.

Jeremías 23:20

Maajoq'e taaraqe'q li xjosq'il li Qaawa' toj tixb'aanu li k'aru wank sa' xch'ool xb'aanunkil. Taawulaq xkutankil naq laa'ex toxeetaw xyaalal eb' a k'a'aq re ru a'in.

Jeremías 50:25

Li Qaawa' xte li xk'uuleb'aal ut xrisi chaq li taak'anjelaq re risinkil li xjosq'il, xb'aan naq li Nimajwal Yos wank xk'anjel sa' xyanqeb' laj Kaldeha.

Isaías 11:12

Tixtaqsi jun eetalil cho'q reheb' li poyanam, tixch'utub'eb' wi' chik eb' laj Israel li ke'isiik sa' li xtenamiteb', ut tixk'ameb' chaq eb' laj Judá li cha'cha'inb'ileb' sa' chixjunil li ruuchich'och'.