Jeremías 51:1 - Q'eqchi Bible

¹ Jo'ka'in kixye li Qaawa': “Tintaqla jun kawil kaqsut-iq' chi xsachb'al ru Babilonia jo'wi' eb' laj Kaldeha.

Li Santil hu

¹ Joꞌcaꞌin naxye li Ka̱cuaꞌ: —La̱in tintakla junak li tenamit chi pletic riqꞌuineb laj Babilonia ut riqꞌuineb ajcuiꞌ li cuanqueb aran li nequeꞌxkꞌetkꞌeti ribeb chicuu. Eb li tintakla chanchanakeb li ikꞌ li nasachoc nak teꞌxic chi pletic.

Jeremías 51:1 ပူးပေါင်းရင်းမြစ်များ

Amós 3:6

Ut naq na'eek'ank li pur sa' li tenamit, ma ink'a' tab'i' neke'xiwak eb' li poyanam? Ma taachalq junaq rahilal sa' xb'een li tenamit wi ink'a' taqlanb'il chaq xb'aan li Yos?

Oseas 13:15

Us ta laj Efraín taa'atz'umaq jo' li pim, taachalq li tiqwal iq' sa' xjayal releb'l saq'e; taawakliiq chaq sa' li chaqich'och' ut tixchaqihob'resi chixjunileb' li yu'amha' jo'wi' eb' li releb'aal li ha'. Ut taamaq'e'q chixjunil li xb'ihomal jo' ajwi' jo'nimal jwal chaab'il li wank re.

Hechos 9:4

T'anaamil sa' ch'och', kirab'i jun xyaab' kuxej yo chi xyeeb'al: “At Saúl, at Saúl, k'a'ut naq xik' yookat chi wilb'al?”.

Zacarías 2:8

Xb'aan naq jo'ka'in naxye li Nimajwal Yos li xtaqlank chaq we chi xyeeb'al reheb' li xe'rahob'tesink eere: “Ani taarahob'tesinq eere, tinxrahob'tesi ajwi' laa'in”.

Ezequiel 19:12

Ab'anan kimich'e'k sa' josq'il, ut t'ant'o kikanaak chiru ch'och'. Kichaqik xb'aan xtiqwal li iq', ut ke't'ane'k eb' li ru; ke'chaqik li xkawil uq' ut ke'kutmank sa' xam.

Jeremías 50:33

“Eb' laj Israel ut eb' laj Judá yo xrahob'tesinkileb'; chixjunileb' li xik' neke'ilok reheb' ink'a' neke'xkanab'eb' chi elk.

Jeremías 50:29

“Ch'utub'omaq chixjunileb' li neke'kutuk rik'in simaj re xik chi yalok rik'in Babilonia. Sutumaq rix li tenamit re naq maajun taa'eleliq. Eeqajuuq re jo' chanru xk'ulub' ut b'aanuhomaq re jo' chanru xb'aanu a'an, xb'aan naq xq'etq'eti rib' chiwu laa'in li Qaawa', li xsant laj Israel.

Jeremías 50:24

Xink'e aach'inb'ul chi ink'a' xak'e reetal, a Babilonia, ut xatt'ane'k chisa' chi maak'a' sa' laach'ool; xattawe'k ut xatchape'k chaq xb'aan naq xaq'etq'eti aawib' chiru li Qaawa'.

Jeremías 50:21

“Ayuqex chi yalok sa' xteepal Meratáhin ut rik'ineb' li wankeb' Pekod. Kamsihomaqeb' rik'in q'esnal ch'iich' ut sachomaq ruheb' toj reetal maajun chik tkanaaq. B'aanuhomaq chi tz'aqal re ru li xexintaqla wi'”, chan li Qaawa'.

Jeremías 50:9

K'ehomaq reetal, laa'in tintaqlaheb' chaq jun ch'uut chi ninqi tenamit, li wankeb' chaq sa' xjayal releb'l iq', re naq te'xsach ruheb' laj Babilonia. Te'xtzolob' chaq rib' ut tole'reechani. Eb' laj puub' a'an, jwal kaweb' rib', moko neke'kutuk ta simaj chi maak'a' rajb'al.

Jeremías 49:36

Sa' xkaaxukuutil li ruuchich'och' te'chalq li kaahib' chi iq', re naq te'xcha'cha'iheb' laj Elam sa' chixjunil li ruuchich'och' ut yalaq b'ar te'wulaq chi xkolb'al rib'eb'.

2 Reyes 19:7

Ok we chi roksinkil rik'in jun musiq'ej re xpo'b'al li xch'ool: taarab'i jun esil ut taasutq'iiq wi' chik sa' li xtenamit chi junpaat, ut aran toxkamsiiq chi ch'iich'»”.

Salmos 137:8

At Babilonia aj juk'unelat, us xaq re li taa'eeqajunq aawe li rahilal qak'ulum aab'aan;

Jeremías 23:19

K'ehomaq reetal naq xchalk xjosq'il li Qaawa', jo' jun kaqsut-iq' li xchalk sa' xb'eeneb' li neke'b'aanunk maa'usilal.

Isaías 13:13

Toja' naq li choxa taa'eek'anq sa' xna'aj ut li ruuchich'och' taahich'hich'iiq li rub'elankil xb'aan xxamlel linjosq'il sa' li kutan a'an.

Isaías 14:14

Tintaqe'q toj sa' xb'eeneb' li choql ut kama'aqin li Nimajwal Yos», chankat sa' laach'ool.

Isaías 21:1

Resilal li rahilal tixk'ul li chaqich'och' wank chire li palaw: Jo' li kaqsut-iq' nanume'k Nejeb, jo'kan ajwi' yo chaq chi chalk li nimla rahilal sa' li chaqich'och', sa' li tenamit xiwajel ru.

Isaías 47:1

“Kub'si aawib', chunlan sa' pojtz', at tuq'ixq re Babel li maak'a' chik aawankil! Chunlan sa' ch'och', at xrab'in eb' laj Kaldeha; ink'a' chik te'xye aawe: «Q'un aach'ool ut tuulanat».

Jeremías 51:53

Us ta Babilonia tixnima chi us li xwankil ut taawulaq taraj toj sa' choxa li xsuttz'akil, laa'in tintaqlaheb' li te'juk'uq re”, chan li Qaawa'.

Jeremías 51:60

Laj Jeremías ak xtz'iib'ahom sa' jun li hu resilal chixjunil li rahilal taachalq sa' xb'een Babilonia, naraj naxye chixjunil li tz'iib'anb'il reetalil sa' li hu a'in.