Jeremías 50:9 - Q'eqchi Bible

⁹ K'ehomaq reetal, laa'in tintaqlaheb' chaq jun ch'uut chi ninqi tenamit, li wankeb' chaq sa' xjayal releb'l iq', re naq te'xsach ruheb' laj Babilonia. Te'xtzolob' chaq rib' ut tole'reechani. Eb' laj puub' a'an, jwal kaweb' rib', moko neke'kutuk ta simaj chi maak'a' rajb'al.

Li Santil hu

⁹ La̱in tinqꞌue saꞌ xchꞌo̱leb li xni̱nkal ru tenamit li cuanqueb saꞌ li norte nak teꞌxjunaji ribeb ut teꞌcha̱lk chi pletic riqꞌuineb laj Babilonia. Saꞌ li norte teꞌcha̱lk li teꞌnumta̱k saꞌ xbe̱neb. Teꞌxnau chi us cutuc riqꞌuin tzimaj ut ti̱cak rukꞌeb.

Jeremías 50:9 ပူးပေါင်းရင်းမြစ်များ

Jeremías 51:11

Q'esnaaq ru'uj leesimaj ut kawresihomaq leech'iich' li nekekol wi' re leech'ool. Li Qaawa' xtoch' chaq li xch'ooleb' li awab'ej re Media re naq te'chalq chi xsachb'al ru Babilonia. A'an a'in li reeqaj tixb'aanu li Qaawa' naq ke'xjuk' li xsantil ochoch.

Jeremías 50:29

“Ch'utub'omaq chixjunileb' li neke'kutuk rik'in simaj re xik chi yalok rik'in Babilonia. Sutumaq rix li tenamit re naq maajun taa'eleliq. Eeqajuuq re jo' chanru xk'ulub' ut b'aanuhomaq re jo' chanru xb'aanu a'an, xb'aan naq xq'etq'eti rib' chiwu laa'in li Qaawa', li xsant laj Israel.

Jeremías 50:26

Chalqex chaq toj sa' najtil tenamit, tehomaqeb' li xk'uuleb'aal ut kanab'omaqeb' chi po'lem, re naq maak'a' chik tkanaaq re xpatz'b'aleb'.

Jeremías 50:21

“Ayuqex chi yalok sa' xteepal Meratáhin ut rik'ineb' li wankeb' Pekod. Kamsihomaqeb' rik'in q'esnal ch'iich' ut sachomaq ruheb' toj reetal maajun chik tkanaaq. B'aanuhomaq chi tz'aqal re ru li xexintaqla wi'”, chan li Qaawa'.

Jeremías 50:14

“Tzolob'omaq eerib' chi xik chi yalok, sutomaq Babilonia laa'ex li nakexkutuk chi simaj. Meera junaq li simaj re xkutb'aleb', xb'aan naq xmaakob'k chiwu laa'in li Qaawa'.

Jeremías 50:3

Xb'aan naq xchalk chaq sa' xjayal releb'l iq' jun tenamit li toljuk'uq re Babilonia. Maajun chik taawanq sa' li na'ajej a'an, chi moko poyanameb' chi moko xuleb'.

Jeremías 15:14

Tatinkanab' cho'q xmuneb' li xik' neke'ilok aawe sa' jun tenamit li ink'a' aanawom ru, xb'aan naq k'ajo' injosq'il xchalk sa' aab'een, chanchan junaq xam li tixsach aawu chi junwaakaj”, chan li Qaawa'.

Isaías 41:25

Xinsik' chaq ru sa' xjayal releb'l iq', ut yo chaq chi chalk; sa' xjayal releb'l li saq'e xinb'oq chaq rik'in li xk'ab'a'. A'an tixyeq'iheb' sa' roq eb' li awab'ej jo' li sulul, jo' naxb'aanu laj pak'onel naq naxyoq'le li seb' sa' roq.

Isaías 21:2

Q'axal xiwajel rilb'al li moy u xk'utb'esiik chiwu: laj b'alaq' naxyal xq'e chi b'alaq'ik ut laj sachonel yo chi sachok. Ayuqex chi yalok, ex aj Elam! Sutomaq li tenamit, ex aj Media! Maak'a' chik ilok toq'ob'aal u anaqwan.

2 Samuel 1:22

Maajun sut ke'sutq'iik laj Saúl ut laj Jonatán chi ink'a' ta neke'xtza li xch'iich'eb' ut li simajeb' sa' xkik'eleb' li kamenaq, sa' xxeeb'uleb' li yo'ooneb' chi yalok.

Cantares 3:8

Chixjunileb' a'an wankeb' xch'iich' ut neke'xnaw yalok chi us; li junjunq b'ak'b'o li xq'esnal ch'iich' chi xsa' xb'aan naq xiw xiw b'eek chiru li q'oqyink.

Jeremías 25:14

Xb'aan naq eb' laj Babilonia te'wanq rub'el xwankileb' li xninqal ru tenamit ut eb' li awab'ej jwal kaweb' rib'. Ut laa'in tink'eheb' chi xtojb'al rix li xmaakeb' jo' chanru li xyehom ut xb'aanuhomeb'»”.

Jeremías 25:26

chixjunileb' li awab'ej wankeb' chaq sa' xjayal releb'l iq', eb' li wankeb' chi nach' jo'wi' li wankeb' chaq chi najt chirib'ileb' rib', ut chixjunileb' li awab'ej li wankeb' junsut junrub'el choxa. Ut li awab'ej re Babilonia taa'uk'aq sa' xraqik.