Jeremías 50:8 - Q'eqchi Bible

⁸ “Elenqex chaq Babilonia sa' xyanqeb' laj Kaldeha! K'amolb'ehaqex chaq chiruheb' li yookeb' chi elelik!

Li Santil hu

⁸ Elenkex Babilonia. Canabomak lix naꞌajeb. Chanchanakex li chiba̱t li nequeꞌcꞌamoc be chiruheb li jun chꞌol chic chiba̱t.

Jeremías 50:8 ပူးပေါင်းရင်းမြစ်များ

Jeremías 51:6

“Elenqex sa' li tenamit Babilonia ut kolomaq eerib', re naq ink'a' texkamq xb'aan li xmaa'usilal. Ak xkutankil li eeqajunk anaqwan, ut tinq'ajkamu Babilonia jo' chanru li xyehom ut xb'aanuhom.

Isaías 48:20

Elenqex chaq sa' li tenamit Babilonia, elelinqex chiruheb' laj Kaldeha. Yehomaq li esil a'in chi sa sa' eech'ool, puktesihomaq toj sa' xmaril li ruuchich'och'; yehomaq a'in: “A' li Qaawa' xkolok re laj Jakob, laj k'anjel chiru”.

Apocalipsis 18:4

Moqon kiwab'i jun chik xyaab' kuxej yo chi xyeeb'al sa' choxa: “Elenqex chaq Babilonia, ex intenamit: mare anchal tex'okenq sa' li xmaakeb' ut toxexxtaw li xrahilaleb'.

Jeremías 51:45

Ex intenamit, elenqex chaq Babilonia ut chejunjunqal kolomaq leeyu'am chiru li xnimal injosq'il!

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

Isaías 52:1

Ajen, ajsi aawu, at Sión; tiqib' aawib' rik'in wankilal! Tiqib' aawib' jo' sa' xhonalil li ninq'e, at Jerusalén, santil tenamit! Xb'aan naq eb' laj ab'l tenamit ut eb' li tz'ajn ru xch'ooleb' ink'a' chik te'chalq aawik'in.

Proverbios 30:31

li tzo' kaxlan li q'axal q'etq'et, li teelom chib'aat ut li awab'ej li naxk'am xb'eheb' laj puub'.

Números 16:26

Toja' naq ki'aatinak rik'ineb' li komonil ut kixye reheb': “B'aanuuq usilal, elenqex chi xk'atq li xmuheb'aaleb' a reemaaru aj winqeb' a'in. Maak'a' li k'aru reheb' teech'e'. Mare anchal texkamq xb'aan chixjunileb' li xmaakeb'”, chan.

Isaías 52:11

Jo'kan naq elenqex, elenqex ut kanab'omaq Babilonia! Meech'e' li k'a'aq re ru tz'ajn ru. Elenqex chaq sa' li tenamit a'an! Ch'ajob'resiiq eerib' laa'ex li nekexk'amok li xsahil eechej li Qaawa'.

Zacarías 2:11

Sa' li kutan a'an naab'aleb' li tenamit te'chalq wik'in, ut a'anaqeb' ajwi' lintenamit. Ut laa'in tinhilanq sa' eeyanq. Chi jo'kan taanaw naq a' li Nimajwal Yos xtaqlank chaq we aawik'in.