Jeremías 50:25 - Q'eqchi Bible

²⁵ Li Qaawa' xte li xk'uuleb'aal ut xrisi chaq li taak'anjelaq re risinkil li xjosq'il, xb'aan naq li Nimajwal Yos wank xk'anjel sa' xyanqeb' laj Kaldeha.

Li Santil hu

²⁵ Chanchan nak li Ka̱cuaꞌ quixte li ochoch li xocxo cuiꞌ lix chꞌi̱chꞌ re pletic. Quirisi chak lix cꞌanjeleba̱l xban nak yo̱ xjoskꞌil. Quixba̱nu chi joꞌcan xban nak cuan li cꞌaꞌru tixba̱nu aran Babilonia li Ka̱cuaꞌ li nimajcual Dios.

Jeremías 50:25 ပူးပေါင်းရင်းမြစ်များ

Jeremías 51:55

A' li Qaawa' yo chi xsachb'al Babilonia re naq ink'a' chik taachoqinq. Japjookeb' re eb' li xik' neke'ilok re ut chanchan li xkaw oq li palaw li xyaab' xkuxeb'.

Jeremías 51:25

Relik chi yaal naq yo injosq'il sa' aab'een, at xnimal ru tzuul aj juk'unel, li nakasach chixjunil li ruuchich'och' -chan li Qaawa'-. Twisi linjosq'il sa' aab'een, tatinjukuki sa' xb'eeneb' li saqoonak ut chanchanaqat chik li choqlenb'il k'iche' tatinkanab'.

Jeremías 50:15

Japomaq eere chi xsutam li tenamit. Babilonia ok re chi xq'axtesinkil rib' sa' eeruq': xe't'anje'k li najt xteramil ochoch ut x'uq'e'k li xsuttz'akil. A'an li eeqajunk xinb'aanu laa'in; eeqajunqex ajwi' laa'ex sa' xb'een! B'aanuhomaq re jo' li xb'aanu a'an eere.

Apocalipsis 18:8

Jo'kan naq chiru jun kutan talaje'chalq sa' xb'een chixjunileb' li xrahilal: a' li rax kamk, rahil ch'oolej, we'ej, ut taak'ate'q rik'in xam. Xb'aan naq nim xwankil li Qaawa' Yos li xteneb'ank tojb'amaak sa' xb'een”.

Amós 3:6

Ut naq na'eek'ank li pur sa' li tenamit, ma ink'a' tab'i' neke'xiwak eb' li poyanam? Ma taachalq junaq rahilal sa' xb'een li tenamit wi ink'a' taqlanb'il chaq xb'aan li Yos?

Jeremías 51:20

“At Babilonia, chanchanat li tenleb' sa' wuq', laa'at link'anjelob'aal re yalok. Wochb'eenat naq xinsacheb' ru li xninqal ru tenamit ut xinjuk'eb' li xwankilaleb'.

Salmos 45:5

Ayu chi yalok chirix li yaal, li uxtaanal ut li tiikil ch'oolej. Sa' xk'ab'a' laanim uq' toxaawil xninqal ru b'aanuhom.

Salmos 45:3

Q'axal xchaq'al aawu sa' xyanqeb' chixjunileb' li winq; chaab'il ut tz'aqal re ru nakat-aatinak: osob'tesinb'ilat xb'aan li Yos chi junelik.

Isaías 13:15

Chixjunil li taatawe'q, taapaynumiiq chi simaj, ut jo'k'ihaleb' li te'chape'q, te'kamsiiq chi ch'iich'.