Jeremías 50:2 - Q'eqchi Bible

² “Yehomaq ut puktesihomaq li esil a'in sa'eb' li tenamit; k'ehomaq chi nawe'k ut mik'a' eemuq: «Xchapmank li tenamit Babilonia! Xkanaak sa' xutaan li yos Bel ut nasiksotk li yos Marduk xb'aan xxiw. Maak'a' chik na'ok wi' eb' li xjalanil yos, xlaje'sache'k chixjunileb'».

Li Santil hu

² Quixye re: —Yehomak resil nak eb laj Babilonia teꞌchapekꞌ. Taksihomak li bandera ut yehomak resilal saꞌ chixjunileb li xni̱nkal ru tenamit. Ma̱cꞌaꞌ te̱muk chiruheb. Te̱ye: “Li naꞌajej Babilonia ta̱chapekꞌ. Li yi̱banbil dios Bel ta̱cꞌutekꞌ xxuta̱n ut li yi̱banbil dios Merodac ta̱jorekꞌ. Chixjunileb li jalam u̱ch li cuanqueb Babilonia telajeꞌsachekꞌ.

Jeremías 50:2 ပူးပေါင်းရင်းမြစ်များ

Isaías 46:1

Li yos Bel ut li yos Nebo neke'tuuyank ut xe't'ane'k chiru ch'och'. Eb' li yos a'in neke'iiqaak xb'aaneb' li b'uur; k'amb'ileb' jo'eb' li iiq chirixeb' li tawajenaqeb' xul.

Isaías 21:9

We' chaq jun li b'eleb'aal ch'iich' kelonb'il chaq xb'aan jun sumal chi kawaay”, chan. Toja' naq jun chik li winq kixye: “X'oso'k, x'oso'k li tenamit Babilonia. Ut chixjunileb' li xjalam u li xyoseb' xlaje'puk'iik chiru ch'och'”, chan.

Jeremías 51:47

Jo'kan utan, chalk re xkutankil naq tolinsach ruheb' li xjalanil yoseb' laj Babilonia. Chixjunileb' li poyanam te'kanaaq sa' xutaan ut te'nujaq chi kamenaq li xna'ajeb'.

Jeremías 51:44

“Tinrahob'tesi laj Bel, li xyoseb' laj Babilonia, ut tink'e chi xxa'wa li k'aru ak xtzekahom; maajun chik tenamit taachalq rik'in. Ak xt'ane'k li xsuttz'akil li tenamit.

Apocalipsis 18:2

Kixjap re chi kaw xyaab' xkux: “Xt'ane'k, ak xt'ane'k li nimla tenamit Babilonia. Xkanaak cho'q xna'ajeb' li maa'us, cho'q xtz'alam chixjunileb' li tz'ajn aj musiq'ej, xtz'alameb' chixjunil li xik'anel xul tz'ajeb' ru ut tz'eqb'eetaleb'.

Sofonías 2:11

Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

Jeremías 52:31

Waqlaju xka'k'aal chihab' xxikik chi preexil laj Johakín, awab'ej re Judá, sa' li wuqub' xka'k'aal xb'e li kab'laju po, laj Ebil-Merodak, awab'ej re Babilonia, kixtikib' awab'ejink ut kirusila ru Johakín, awab'ej re Judá, ut kirisi sa' tz'alam.

Jeremías 51:52

Jo'kan naq li Qaawa' xye chi jo'ka'in: “Chalk re xkutankil naq tolinsach ruheb' li xjalanil yoseb' ut sa' chixjunileb' li tenamit tz'uynaqeb' li te'tiq'e'q.

Jeremías 51:31

Riiqajeb' wi' rib' eb' laj taql chi yehok esil, re xyeeb'al re li awab'ej re Babilonia naq ak xchapmank chixjunil li xtenamit.

Jeremías 51:8

Sachaamil Babilonia ut xjuk'e'k! Yaab'anqex chirix li tenamit a'an ut yulumaq sa' sununkil b'an: mare anchal taak'iraaq”.

Jeremías 50:46

Tz'aapixik rab'inkil li xt'anik Babilonia, ut li xyaab'eb' taa'ab'imanq sa' chixjunileb' li na'ajej”.

Jeremías 46:14

“Yehomaq li esil a'in sa' li tenamit Ejiipt ut puktesihomaq resil aran Mikdol, Menfis ut Tafnes: «Kawresihomaq eerib' ut xaqlinqex xb'aan naq yo li kamsink chesutam!».

Jeremías 31:10

“Ex xninqal ru tenamit, ab'ihomaq li raatin li Qaawa' ut yehomaq resil toj chi najt, sa'atqeb' li na'ajej wankeb' chire li palaw: «Li xcha'cha'ink reheb' laj Israel, tixch'utub'eb' wi' chik ut taarileb' jo' naq laj k'aak'alenel ketomq narileb' li xkarneer».

Jeremías 6:18

Jo'kan naq kixye li Qaawa': “Ab'ihomaq laa'ex li xninqal ru tenamit, ut k'ehomaq reetal k'aru tixk'ul lintenamit.

Jeremías 4:16

“Yehomaq reheb' li xninqal ru tenamit ut re Jerusalén naq eb' laj xik'il uuchinel ak wankeb' arin; toj najt xe'chalk chaq, japjookeb' chaq re chi chalk sa' xb'eeneb' li tenamit re Judá.

Isaías 48:6

Laa'at xawab'i ut xawil chixjunil, ut tento taak'ulub'a naq yaal a'an. Anaqwan nink'e chanaw ak' na'leb', jun muqmuukil na'leb' li toj maji' aanawom.

Isaías 39:1

Sa'eb' li kutan a'an laj Merodak-Baladán, ralal laj Baladán, awab'ej re Babilonia, kirab'i resil naq kiyajerk laj Esekías ut ak xk'iraak chik. Toja' naq kixtaqla jun xhu jo'wi' jun xmaatan.

Isaías 37:19

ke'xk'ati li xyoseb' ut ke'xjuk'i, xb'aan naq moko yoseb' ta ajwi', yal yiib'anb'ileb' b'an rik'in ruq'eb' li winq, a'aneb' che' ut pek.

Isaías 13:2

“Taqsihomaq li reetalil li yalok sa' xb'een li t'ojoch aj tzuul, japomaq eere ut k'utomaq leeruq' chiruheb' laj puub' re naq te'ok sa' li rokeb'aaleb' li ninqeb' xwankil.

Isaías 12:4

ut teeye sa' li kutan a'an: “Yoxinqex chiru li Qaawa' ut terq'usihomaq li xk'ab'a'; puktesihomaq resil li xninqal xb'aanuhom, ch'olob'omaq reheb' li tenamit naq nim xwankil sa' xb'een chixjunil.

Salmos 96:3

Jultikahomaq li xloq'al reheb' li poyanam, yehomaq li xninqal ru b'aanuhom reheb' chixjunil li tenamit.

Salmos 64:9

xe't'ane'k xb'aan li raatineb', ut eb' li xe'ilok reheb' xe'xb'anb'ani li xjolomeb'.

Salmos 97:7

Xutaanal neke'kanaak wi' eb' li neke'loq'onink re li jalanil yos, eb' li neke'xnimob'resi rib' rik'in li maak'a' na'ok wi'. Chixjunileb' li yos neke'xwiq'ib' rib' chiru li Qaawa'!

Isaías 48:20

Elenqex chaq sa' li tenamit Babilonia, elelinqex chiruheb' laj Kaldeha. Yehomaq li esil a'in chi sa sa' eech'ool, puktesihomaq toj sa' xmaril li ruuchich'och'; yehomaq a'in: “A' li Qaawa' xkolok re laj Jakob, laj k'anjel chiru”.

Jeremías 4:6

Taqsihomaq li eetalil sa' xjayal Sión ut ayuqex sa' aanil chi elelik chi maak'a'aq hilank». Xb'aan naq taachalq chaq li rahilal sa' xjayal releb'l iq'; nimla sachok ut raaxiik' tink'am chaq aran.

Jeremías 51:12

Taqsihomaq li eetalil naq tex'ok chi xjuk'b'al li xsuttz'akil Babilonia. K'ehomaq naab'aleb' laj puub' aran, xaqab'omaqeb' li te'k'aak'alenq ut kawresihomaq eb' li te'ramoq sa'atqeb' li b'e. Xb'aan naq li Qaawa' xk'uub'ank re a'in ut tixb'aanu li kixye chaq junxil chirixeb' laj Babilonia.

Jeremías 51:27

“Taqsihomaq li eetalil re li yalok sa' chixjunil li ruuchich'och' ut yaab'asihomaq li pur sa'atqeb' li tenamit. Kawresihomaqeb' li poyanam re yalok rik'ineb' laj Babilonia. Ch'utub'omaqeb' li awab'ej re Ararat, Miní ut Askenas; xaqab'omaq junaq li taak'amoq b'e chi yalok. Taqlahomaqeb' li kawaay chi uub'ej jo'kaqeb' li josq' aj saak'.

Daniel 1:2

Li Qaawa' kixq'axtesi laj Johakín, li awab'ej re Judá, sa' ruq' laj Nabukodonosor re naq taak'ame'q Senahar. Jo'kan ajwi' ki'uxmank reheb' li loq'laj sek' li neke'k'anjelak sa' rochoch li Yos: ke'k'ame'k ut ke'k'eemank sa' xyanq li xb'ihomal li rochoch li xyoseb' laj Babilonia.

Daniel 3:14

kixpatz' reheb': “Ma yaal, a Sidrak, Misak ut Abdénago, naq ink'a' yookex chi k'anjelak chiru linyos ut ink'a' nekeloq'oni ru li jalam u xink'e chi yiib'aak?

Jeremías 10:11

Jo'ka'in teeye reheb' li tenamit maak'a' xpaab'aaleb', ex ralal xk'ajol laj Israel: “Eb' li yos, li ink'a' ke'yiib'ank re li choxach'och', te'oso'q junsut junrub'el choxa”, cha'qex.

Jeremías 10:15

Maak'a' xyaalal ut xk'ulub'eb' li tz'eqtaanaak; te'oso'q sa' xkutankil li raqb'a aatin.