Jeremías 50:19 - Q'eqchi Bible

¹⁹ Israel taasutq'iiq chaq wi' chik sa' li xch'och', ut chanchan junaq karneer sa taatzekanq aran Karmeel ut Basán, jo'wi' sa'atqeb' li k'iche' re Efraín ut Galahad, toj reetal taak'ojlaaq xch'ool.

Li Santil hu

¹⁹ La̱in tinqꞌueheb cuiꞌchic laj Israel saꞌ lix naꞌajeb. Chanchanakeb li carner li nequeꞌichajib aran Carmelo ut Basán. Ut teꞌxtzaca ajcuiꞌ li ru li acui̱mk li na-el saꞌ lix naꞌajeb li ralal xcꞌajol laj Efraín ut Galaad toj retal ta̱cꞌojla̱k xchꞌo̱leb.

Jeremías 50:19 ပူးပေါင်းရင်းမြစ်များ

Miqueas 7:14

At Qaawa', chawil taxaq laatenamit rik'in laawankil, chab'eresiheb' laakarneer sik'b'ileb' ru aab'aan, li wankeb' xjunes sa' li k'iche' ut sutsuukeb' sa' xq'emal li ch'och'. K'ameb' chi ichajib'k sa' xteepal Basán ut Galahad, jo' naq ke'wank chaq junxil.

Jeremías 31:6

Xb'aan naq taawulaq xkutankil naq eb' laj ilol tenamit te'xjap reheb' chi xyeeb'al sa' xb'een xtzuulul Efraín: «Xaqlinqex ut yo'qeb' aran Sión, rik'in li Qaawa' li qaYos»”, cha'qeb'.

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Ezequiel 38:8

«Akaq xnume'k k'iila kutan, taak'ehe'q aataqlankil. Moqon chirix naab'al chihab', tattaqlaaq chi yalok rik'in jun tenamit li kiwank sa' raaxiik', ab'an sa chik wankeb' anaqwan; junxil ke'cha'cha'iik sa' xyanqeb' li k'iila tenamit ut ke'juk'iik chi junwaakaj, ab'an ch'utch'uukeb' wi' chik anaqwan sa'atqeb' li xtzuulul Israel.

Ezequiel 36:33

«Laa'in, li Qaawa', ninye chi jo'ka'in: Naq twisi chixjunil li maa'usilal eerik'in, tink'eheb' chi tenamito'k eb' li na'ajej, ut te'yiib'aaq wi' chik eb' li po'lem.

Ezequiel 36:24

Laa'in texinch'utub', texwisi chaq sa'eb' li junjunq chi na'ajej ut tenamit, ut texink'am chaq wi' chik sa' leech'och'.

Ezequiel 11:17

Ye ajwi' reheb': «Jo'ka'in naxye li Qaawa': Laa'in tinxokoq chaq eere sa'atqeb' li tenamit; texinch'utub' chaq sa'atqeb' li na'ajej xexincha'cha'i wi' ut tink'e chereechani li tenamit Israel.

Jeremías 32:37

Teb'inch'utub' chaq sa' chixjunileb' li na'ajej b'arwi' kincha'cha'iheb' xb'aan linjosq'il ut li xmay linch'ool; tink'ameb' chaq wi' chik sa' li na'ajej a'in ut te'wanq sa' tuqtuukilal.

Jeremías 31:25

Xb'aan naq tink'eheb' chi uk'ak ut chi tzekank chi yo'oon li lub'luukeb' ut tawajenaqeb'”.

Jeremías 31:14

Tinch'oolaniheb' laj tij rik'in chaab'il tzekemq, ut lintenamit te'nujaq rik'in linsihom”, chan li Qaawa'.

Jeremías 30:18

Li Qaawa' kixye ajwi' chi jo'ka'in: “Eb' li ralal xk'ajol laj Jakob te'sutq'iiq chaq wi' chik sa' li xmuheb'aaleb', xb'aan naq twuxtaana ru li xna'ajeb' a'an. Jerusalén taawaklesimanq wi' chik sa' xb'een li po'lem, ut li kawub'resinb'il ochoch taayiib'aaq wi' chik sa' li xna'aj tz'aqal.

Jeremías 30:10

“Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol, tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.

Jeremías 23:3

Laa'in tink'ameb' chaq linkarneer b'arwi' xwaanilasiheb', tinch'utub'eb' ut teb'ink'am chaq wi' chik sa' li xna'ajeb', re naq te'k'iiq ut te'k'ihanq.

Jeremías 3:18

“Chiruheb' li kutan a'an eb' laj Israel ut eb' laj Judá te'wanq chik sa' junajil, ut sa' wiib'al chik te'chalq sa'eb' li na'ajej wankeb' chaq sa' xjayal releb'l iq' ut tole'okaq sa' li ch'och' ink'ehom chi reechani eb' leexe'toonil yuwa'.

Isaías 35:2

chi'atz'umaq jo' li saqihix ut chixjapaq re xb'aan xsahil xch'ool. Jwal taach'ina'uso'q jo' li tzuul Líbano, jo' li xchaq'alil ru li Karmeel ut li xtaq'ahil Sarón. Chixjunileb' te'ril li xnimal xloq'al li Qaawa' ut te'xk'e reetal li xwankil li qaYos.

Isaías 33:9

Ra rilb'al li ruuchich'och' naq yo chi oso'k ut chi tz'uyink. Xtz'umaak li tzuul Líbano ut xchaqik chi junajwa. Jo' chaqich'och' xkanaak li xtaq'ahil Sarón; Basán ut li tzuul Karmeel xe'chaqik ru.

Cantares 6:5

Isi laawilob'aal sa' inb'een, xb'aan naq li xsa'eb' laawu xe'xq'ax wu. Laawismal chanchaneb' jun ch'uutal chi chib'aat li yookeb' chi kub'eek sa' li tzuul Galahad.

Josué 17:15

Kichaq'ok laj Josué ut kixye: “Wi laa'ex naab'alex, ayuqex sa' li k'iche' ut t'anomaq eb' li loq'laj che' sa' xch'och'eb' laj Perés ut eb' laj Refait, xb'aan naq q'axal laatz' cho'q eere li na'ajej re Efraín”, chan.

Números 32:1

Eb' li ralal xk'ajoleb' laj Rubén ut li ralal xk'ajoleb' laj Gad, jwal naab'aleb' li xketomq ut q'axal ninqeb' ajwi'. Naq ke'ril naq li na'ajej Jaser ut Galahad a'an chaab'il ch'och' re k'iiresink ketomq,

Jeremías 30:7

Q'axal rahaq rilb'al li kutan a'an, jwal xiwajelaq jo' maajun wa ilb'il. A'an xkutankil li nimla rahil ch'oolej cho'q reheb' laj Jakob, ab'an te'xkoolan xnumsinkil li kutan a'an.

Jeremías 46:27

“Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol; tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.

Jeremías 50:6

“Chanchaneb' li karneer sachenaqeb' naq xe'wank lintenamit. Eb' laj ilol reheb' xe'sachb'esink reheb' sa'eb' li pim; jo'kan naq xe'xb'eeni rib' chiruheb' li tzuultaq'a; neke'chalk neke'xik toj reetal xsachk sa' xch'ooleb' li xna'ajeb'.

Ezequiel 47:18

“Li xnub'ajlil li tenamit sa' xjayal releb'l saq'e wanq sa' xyanq Jawrán rik'in Damaask ut sa' xyanq Galahad rik'in Israel, chalen junq re li nima' Jordán ut nawulak toj Tamar, chire li Atz'aminb'il Palaw.

Zacarías 10:10

Twisiheb' chaq Ejiipt, ut tink'ameb' chaq li wankeb' Asiria; tinch'utub'eb' sa' xteepal Galahad ut Líbano, ut k'ajo'aq xk'ihaleb' toj reetal ink'a' taatz'aqloq li xna'ajeb'.

Números 32:4

a' li ch'och' kireechani li Qaawa' sa' xwulajikeb' li xkomonil aj Israel, a'an jun li na'ajej re k'iiresink ketomq. Ut laa'o wank qaketomq, chankeb'.

Esdras 2:1

A'an a'in xk'ab'a'eb' laj Israel li ke'k'ame'k chi preexil xb'aan laj Nabukodonosor, li awab'ej re Babilonia, ut ke'sutq'iik wi' chik Jerusalén ut Judá, ak sa' xna'aj xna'aj li junjunq.