Jeremías 50:11 - Q'eqchi Bible

¹¹ “Ex aj Kaldeha li xechoyatq xsa' lintenamit, jwal xsaho'k leech'ool ut xexninq'ehik. Xexpisk'ok jo'eb' li saaj wakax sa' li pach'aya', ut chanchanex li kawaay naq xejap eere.

Li Santil hu

¹¹ Li Ka̱cuaꞌ quixye: —La̱ex aj Babilonia, la̱ex xerecꞌa xsahil nak xexnumta saꞌ xbe̱neb lin tenamit ut xemakꞌ chiruheb li cꞌaꞌru reheb ut sa saꞌ e̱chꞌo̱l. Chanchanex li cuacax li napiscꞌoc saꞌ pachꞌayaꞌ, malaj ut chanchanex li cacua̱y li naxjap re xban xsahil xchꞌo̱l.

Jeremías 50:11 ပူးပေါင်းရင်းမြစ်များ

Isaías 47:6

K'ajo' naq xinjosq'o'k rik'in lintenamit, xink'e chi muxe'k li weechanihom ut xinq'axtesiheb' sa' laawuq', a Babilonia. A'ut laa'at ink'a' xawil xtoq'ob'aal ruheb' ut xateneb' li kawil k'anjel sa' xb'eeneb' li cheekel winq.

Zacarías 14:12

Ut a'an a'in li raxkamk te'rahob'tesiiq wi' chixjunileb' li tenamit li ke'yalok rik'in Jerusalén: te'q'aaq li xtib'eleb' naq toj yo'yooqeb', ut te'q'aaq li xsa' ruheb' jo'wi' li ru'uj raq'eb' sa'eb' li re.

Abdías 1:12

Ink'a' raj xsaho'k laach'ool chirix li xrahilal laawiitz'in. Ink'a' ajwi' xsaho'k raj laawaanm chirix li roso'jik laj Judá, chi moko xase'e raj sa' xkutankil li raaxiik'.

Amós 4:1

Ab'ihomaq li aatin a'in, ex rixqilal Samaria, chanchanex li ninqi wakax li wankeb' Basán. Laa'ex nekerahob'tesi eb' li neb'a', neketawasiheb' li toq'ob'aal ruheb' ut nekepatz' eeb'iin reheb' leeb'eelom re texkalaaq.

Oseas 10:11

“Laj Efraín chanchan li ral wakax li nawulak chiru k'anjelak re xke'b'al rix li triiw. Ut anaqwan tinb'ak' li b'itche' chirix li xkux ut tink'e chi k'anjelak chi kaw; eb' laj Judá te'xpikle li ch'och' ut eb' laj Jakob te'xk'aji li ch'och'.

Lamentaciones 1:21

Chinaawab'i ta chi yaab'ak: maa'ani nak'ojob'ank li waanm. Eb' li xik' neke'ilok we xe'rab'i resil li rahilal xak'e sa' inb'een, ut neke'saho'k xch'ool rik'in li yookin chi xk'ulb'al. Chichalq ta li Kutan yeeb'il aab'aan, re naq te'xk'ul ajwi' eb' a'an li yookin chi xk'ulb'al laa'in.

Jeremías 50:27

Kamsihomaq chixjunileb' laj puub' ut sachomaq ruheb' jo'eb' li wakax. Rahilal xchalk sa' xb'eeneb' xb'aan naq xwulak xkutankil li xrahob'tesinkileb'.

Jeremías 50:17

“Israel chanchan li karneer sachenaq, aanilasinb'il xb'aaneb' li kaqkoj. Xb'enwa xsache'k xb'aan li awab'ej re Asiria; chirix chik a'an, laj Nabukodonosor, li awab'ej re Babilonia, xchoyok re.

Jeremías 46:21

Jo'kaneb' ajwi' laj puub' tojb'ileb' xb'aan, chanchaneb' li ch'oolaninb'il wakax; eb' a'an ajwi' te'eleliq sa' aanil ut ink'a' te'xkuy sumenk chi yalok, xb'aan naq xwulak xkutankil li tojb'amaak, xtaw xq'ehil li xnimal rahilal.

Jeremías 5:28

ninqeb' li xtib'eleb' ut kaweb' rib'. K'ajo' naq xe'numtaak chi b'aanunk maa'usilal: ink'a' neke'xkol rix li neb'a'yox sa' li raqb'a aatin chi moko neke'xk'e li xk'ulub' li neb'a'.

Jeremías 5:8

Chanchaneb' laj k'ol kawaay ninqeb' xtib'el: li junjunq nakaano'k ru re xchapb'al li rixaqil li ras riitz'in.

Proverbios 17:5

Li naxse'e li neb'a' naxhob' li Yos; li nasaho'k xch'ool rik'in li xrahilal, taaraqmanq aatin sa' xb'een.

Salmos 22:12

At Qaawa', matkanaak chaq chi najt, xb'aan naq li rahilal ak nach' chik wank ut maajun natenq'ank we.

Deuteronomio 32:15

“Ke'tzekank chi us eb' laj Israel; ke'nimank xtib'el laj Yesurún ut ke'xq'etq'eti rib'; ke'nimank li xsa'eb', ke'xb'olob' rib' ut ke'xkanab' li Yos, a' laj Yoob'tesinel reheb'. Ke'xtz'eqtaana li Saqoonak, laj Kolol reheb'.

Isaías 47:8

Ab'i ut anaqwan li aatin a'in, laa'at aj raholat re li sahil wank. Nakak'ojob' aawib' chi maak'a' nakak'oxla, ut nakaye sa' laach'ool: «Ka'ajin wi' ut maak'a' chik junaq. Maajoq'e tinxtaw xrahil li kanaak sa' junaatalil chi moko tinkanaaq chi maak'a'eb' chik li walal ink'ajol».

Jeremías 12:14

Jo'ka'in kixye li Qaawa': “Chixjunileb' li rechkab'al laj Israel ink'a' useb' xna'leb'. A'aneb' li xe'sachok re li na'ajej ink'ehom re li tenamit Israel; jo'kan naq laa'in twisiheb' sa' li xna'ajeb', ut twisiheb' chaq laj Judá sa' xyanqeb'.

Jeremías 46:20

Q'axal xchaq'al ru naq xwank Ejiipt, chanchan jun ch'ina ixqi wakax; ab'an xchalk chaq jun li kas sa' xjayal releb'l iq' ut xolhilanq sa' xb'een.

Ezequiel 35:15

Jo' naq xsaho'k laach'ool naq xsache'k ru li na'ajej reechanihom laj Israel, jo'kan ajwi' tinb'aanu aawe: joxk' ch'och' tatinkanab', at tzuul Seír, at xteepal Edom. Toja' naq taanawmanq naq laa'in li Qaawa'».

Ezequiel 36:5

Jo'ka'in xye li Qaawa': Sa' xxamlel injosq'il twaatinaheb' li tenamit junch'ol, ut q'axal wi' chik rik'ineb' laj Edom, xb'aan naq chi k'ajo' xsahilaleb' xch'ool xe'reechani linna'aj ut xe'relq'a chixjunil li k'a'aq re ru wank chisa'».

Habacuc 1:15

Eb' laj Kaldeha neke'xchap laatenamit jo' tawi' li kar sa' ruq'eb' laj kar: neke'xnat' sa' li xyooyeb'; ut naq neke'ril a'an, k'ajo' naq nasaho'k sa' xch'ooleb'.