Jeremías 5:8 - Q'eqchi Bible

⁸ Chanchaneb' laj k'ol kawaay ninqeb' xtib'el: li junjunq nakaano'k ru re xchapb'al li rixaqil li ras riitz'in.

Li Santil hu

⁸ Chanchaneb li cacua̱y li yo̱queb ru ut yo̱queb chixjapbal reheb. Teꞌraj ru xic chixchapbal rixakileb li ras ri̱tzꞌin.

Jeremías 5:8 ပူးပေါင်းရင်းမြစ်များ

Jeremías 13:27

Xwil chixjunil laamaa'usilal ut li xutaanalil yumb'eetak xab'aanu, xink'e reetal li xsahil aach'ool chi maakob'k; xwileb' laatz'i'b'eetalil yos sa' xb'eeneb' li tzuultaq'a. Toq'ob' aawu, a Jerusalén! Rahilal taachalq sa' aab'een, xb'aan naq ink'a' nakawaj xch'ajob'resinkil aawib'. Jo' najtil chik tatkanaaq chi jo'kan?”.

Ezequiel 22:11

Wankeb' neke'xmux li rixaqil li ras riitz'in, wankeb' neke'xmux li ralib'eb' ut wankeb' chik neke'xmaakoni li ranab'eb', a' li xrab'in li xyuwa'eb'.

Jeremías 29:23

Xb'aan naq q'axal xutaanal li ke'xb'aanu sa' xteepal Israel: ke'xmuxatq li xsumlajikeb' rik'ineb' li rixaqil eb' li ras riitz'ineb' ut b'alaq'il aatin ke'xye sa' ink'ab'a' li ink'a' inyehom reheb'. Ut a'an ch'olch'o tz'aqal chiwu», chan li Qaawa'”.

Li xHu LAJ JOB 31:9

Wi xkoho linch'ool chirix junaq ixq malaj xinrahi ru rixaqil li was wiitz'in,

Deuteronomio 5:21

Maarahi ru li rixaqil laawas aawiitz'in, chi moko chara ru li rochoch, li xch'och', li winq ut li ixq neke'k'anjelak chiru, li xb'ooyx malaj li xb'uur, chi moko li k'a'aq re ru wank re», chan li Qaawa'.

Deuteronomio 5:18

Matmuxuk sumlaak.

Éxodo 20:17

“Maarahi ru li rochoch laawas aawiitz'in. Maarahi ru li rixaqil, li winq ut li ixq li neke'k'anjelak chiru, chi moko li xb'ooyx, li xb'uur; tik maak'a' ab'i e taarahi”.

Éxodo 20:14

“Matmuxuk sumlaak.

Génesis 39:9

Maajun nim xwankil chiwu sa' li kab'l a'in. Laj eechal we maak'a' k'a' re ru ink'a' ta xk'e we, ka'aj chik laa'at, xb'aan naq rixaqilat. Chan put ru naq tinb'aanu li nimla maa'usilal a'in ut tinmaakob'q chiru li Yos?”.

Jeremías 9:2

Ani taxaq xk'ehok junaq wochochnaal sa' li chaqich'och' b'arwi' tinhilanq jo' aj numel b'e, re raj tinkanab' lintenamit! Xb'aan naq aj muxuleb' rib' chixjunileb', tik jun tuub'eb' chi aj b'alaq';

Jeremías 50:11

“Ex aj Kaldeha li xechoyatq xsa' lintenamit, jwal xsaho'k leech'ool ut xexninq'ehik. Xexpisk'ok jo'eb' li saaj wakax sa' li pach'aya', ut chanchanex li kawaay naq xejap eere.

Proverbios 6:29

Jo'kan ajwi' naxk'ul li naxch'ik rib' rik'in rixaqil li ras riitz'in: chixjunil li nach'e'ok re li ixq a'an, ink'a' taakuymanq li xmaak.

Jeremías 23:10

Nujenaq li tenamit chi aj muxuleb' sumlaak; junes maa'usilal naxik wi' xch'ooleb' li poyanam, ut neke'roksi li xwankileb' chi xb'aanunkil li ink'a' us. Jo'kan naq majewanb'il li ruuchich'och' xb'aan li Qaawa'; xe'chaqik li ha' ut xk'ate'k li pim sa' li chaqich'och'.