Jeremías 5:3 - Q'eqchi Bible

³ At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Li Santil hu

³ At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.

Jeremías 5:3 ပူးပေါင်းရင်းမြစ်များ

Jeremías 7:28

Ye reheb' chi jo'ka'in: «A'an a'in li tenamit li ink'a' xraj xpaab'ankil raatin li Qaawa' li xYos, chi moko xraj q'use'k. Maak'a' chik li tiikilal ut li yaal rik'ineb'; x'oso'k chi junwaakaj»”.

Jeremías 2:30

Maak'a' rajb'al naq xeb'inq'us chi kaw leeralal eek'ajol, xb'aan naq ink'a' xe'xtaw ru. Laa'ex xekamsi chi ch'iich' eb' li propeet jo' naq li kaqkoj naxt'upi li xtzak.

Sofonías 3:7

Sa' inch'ool laa'in naq tinxxiwa Jerusalén ut tixk'ulub'an naq tintij; xink'oxla naq ink'a' tixtz'eq chirix li xch'ool chixjunil li xrahob'tesinkil inb'aan. Ab'an xe'xseeb'a chik rib' chi xb'aanunkil li k'iila maa'usilal.

Isaías 9:13

Eb' li tenamit ink'a' xe'sutq'iik rik'in li Yos li yo chi rahob'tesink reheb', chi moko xe'xsik' li Nimajwal Yos.

2 Crónicas 16:9

Xb'aan naq li Qaawa' naxb'eeni chixjunil li ruuchich'och' re xkawub'resinkil xch'ooleb' li yo'ooneb' rik'in. Aamemil xab'aanu wi' a'in. Jo'kan naq chalen anaqwan junelik wanqat sa' raaxiik'”.

Isaías 42:25

Jo'kan naq li Qaawa' k'ajo' naq xjosq'o'k rik'ineb' ut xrahob'tesiheb' rik'in li raaxiik'. Yalaq b'ar xlochmank xxamlel, ab'an ink'a' xe'xk'e reetal; xe'k'atmank, ab'an ink'a' xe'xtaw xyaalal.

Hebreos 12:9

Jun chik. Eb' li qana' qayuwa' ke'wank chaq cho'q aj tijol qe sa' ruuchich'och', ut laa'o kiqoxloq'iheb' chaq. Ma toja' ta chik ink'a' tqapaab' li qachoxahil Yuwa', re naq yo'yooqo?

Romanos 2:2

Ch'olch'o chiqu naq li Yos taaraqoq aatin sa' tiikilal sa' xb'eeneb' li neke'b'aanunk re li k'a'aq re ru a'an.

Ezequiel 24:13

«At Jerusalén, laa'in xwaj aach'ajob'resinkil rik'in laatz'i'b'eetalil b'aanuhom, a'ut laa'at ink'a' xakanab' aawib' chi ch'ajob'resiik. Tatsaqo'q ka'ajwi' naq twisi linjosq'il sa' aab'een.

Jeremías 32:19

Sachb'ach'oolej rilb'al laak'anjel ut q'axal nim laawankil chi xb'aanunkil. Kutan saqenk chawu chixjunil li xb'aanuhomeb' li poyanam, re xq'ajkamunkil li junjunq jo' chanru xk'ulub' li xyehom ut xb'aanuhom.

Jeremías 19:15

“Li Nimajwal Yos, li xYos laj Israel, xye chi jo'ka'in: «Tintaqla chaq chixjunil li rahilal xinye resil, sa' xb'een li tenamit a'in ut sa' xb'een chixjunileb' li wankeb' chi xsutam, xb'aan naq xe'xjipi rib' ut ink'a' xe'xpaab' li waatin», chan li Qaawa'”.

Jeremías 7:26

A'ut laa'ex ink'a' xineepaab' chi moko xeraj wab'inkil, xejipi chik eerib' ut q'axal yib' wi' chik ru leena'leb' chiru leena' leeyuwa'.

Isaías 48:4

Laa'in ninnaw naq kaw laajolom, kama'at li ch'iich', ut ink'a' naq'unaak laach'ool jo' li pek.

Proverbios 27:22

Li maak'a' xna'leb' moko tixkanab' ta li xmemil, us ta taaputz'iiq chiru li ke'leb'.

Proverbios 23:35

Ut taaye: “Xine'xsak' ut ink'a' xweek'a; xine'xrap chi tz'uum chi ink'a' xinnaw. Ab'an naq taa'ajq wu, tinxik wi' chik chi kalaak”, cha'qat.

Proverbios 22:12

Li Qaawa' naxk'aak'ale ut naxkol li chaab'il xna'leb', ut naxk'ut xxutaan laj tik'ti'.

Proverbios 21:29

Li ink'a' us xna'leb', naxb'aanu rib' naq kaw xch'ool; a'ut ka'ajwi' li nawank sa' li tiikilal k'ojk'o xch'ool xb'aan naq maak'a' xmaak.

Salmos 51:6

Xinmaakob'k chawu, ka'ajwi' chawu xinmaakob'k; xinb'aanu li ink'a' nawulak chawu. Jo'kan naq tz'aqal yaal li aatin xaraq sa' inb'een, tiik aach'ool chi xyeeb'al naq wank inmaak.

2 Crónicas 28:22

Ut us ta sutsu li xtenamit xb'aaneb' laj Asiria, laj Ajás ink'a' kixkanab' xq'etq'etinkil rib' chiru li Qaawa'.

Levítico 26:23

“Ut wi toj teeq'etq'eti eerib' chiwu ut maji' neketaw ru, us ta eek'ulum chixjunil li rahilal a'in,

2 Reyes 1:13

Li awab'ej kixtaqla wi' chik sa' rox sut jun chik xjolomileb' laj puub', rochb'een lajeeb' roxk'aaleb' chi winq. Koho chi tzuul laj jolominel, ab'an naq kiwulak, kixwiq'ib' rib' chiru laj Elías ut kixtz'aama chiru: “At xtaql li Yos, chakuy inmaak. Nintz'aama chawu naq chakol linyu'am ut li xyu'ameb' li lajeeb' roxk'aaleb' chi winq a'in aj k'anjeleb' chawu.

Jeremías 8:5

Ut k'a'ut naq li tenamit Jerusalén toj naxjipi rib' ut naxq'etq'eti rib' chi junajwa? Jwal kaw xch'ooleb' chirix li b'alaq'il na'leb' ut ink'a' neke'raj sutq'iik chaq wik'in.

Jeremías 35:13

“Jo'ka'in xye li Nimajwal Yos, li xYos laj Israel: Ayu ut aatinaheb' laj Judá ut eb' laj Jerusalén chi jo'ka'in: «Ma ink'a' teetzol eerib' chi xpaab'ankil eb' li waatin? -chan li Qaawa'-.

Ezequiel 2:4

Kaw ajwi' li xjolomeb' li ralal xk'ajol ut xjipo'k li xch'ooleb'. Sa' xyanqeb' a'an tatintaqla chi xyeeb'al reheb': «Jo'ka'in xye li Qaawa'», cha'qat.

Daniel 9:13

Chixjunil li rahilal a'in xchalk sa' qab'een jo' tz'aqal tz'iib'anb'il sa' li xChaq'rab' laj Moisés; ab'an laa'o ink'a' xqayal xtuulanob'resinkil li Qaawa' li qaYos: ink'a' xqakanab' xb'aanunkil li maa'usilal chi moko naqaj xpaab'ankil li yaal.

Amós 4:6

“Laa'in xintaqla chaq li we'ej sa' chixjunil leetenamit, ut xink'e chi lajk li tzekemq sa'eb' leek'aleb'aal, ab'anan laa'ex ink'a' xexsutq'iik chaq wik'in”, chan li Qaawa'.

Génesis 19:34

Sa' li kutan jun chik, li chaq'na'b'ej kixye re li riitz'in: “Ab'i, ewer chi q'eq laa'in xinwark rik'in linyuwa'. Qakaltesihaq ajwi' chiru li q'oqyink a'in, ut laa'at chik tatwarq rik'in: chi jo'kan taawanq ralal aawik'in”, chan.

1 Reyes 13:33

Ab'anan us ta kik'ulmank chixjunil a'an, laj Jerobohán ink'a' kixkanab' xb'aanunkil li yib' aj b'aanuhom, ki'ok b'an wi' chik chi xxaqab'ankileb' aj tij re te'k'anjelaq sa'atqeb' li tijob'aal sa' xjolomeb' li tzuul: yalaq ani sa' xyanqeb' li poyanam nawulak chiru ok cho'q aj tij, naxaqab'aak cho'q aj tij.

Salmos 51:8

Laa'at nakatsik'ok li yaal sa' li ch'oolej, ut xak'e we li choxahil na'leb' sa' xchamal li waanm.

Salmos 55:20

Li Yos taarab'i li waatin ut tixsacheb' xwankil; a'an na'awab'ejink chalen chaq ut junelik. Xb'aan naq ink'a' te'xkanab' li maa'usilal, tik ink'a' neke'xxiwa ru li Yos.

Isaías 26:11

At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.

Jeremías 3:3

Aab'aan laa'at naq ink'a' chik naxk'e li hab' sa' xq'ehil; kama'at tz'aqal junaq aj yumb'eet, tik ink'a' nakatxutaanak b'ayaq.

Jeremías 15:7

Xinchiileheb' laawalal aak'ajol rik'in li rahilal naq xwisiheb' sa' li xna'ajeb'; maajun chik li ralal xk'ajol lintenamit xinkanab' sa' li xmuheb'aal: xinsacheb' ru xb'aan naq ink'a' xe'xkanab' li ink'a' usil b'e.

Jeremías 17:23

A'ut eb' a'an ink'a' kine'xpaab' chi moko ke'raj wab'inkil, ke'xjipi b'an chik rib' re naq ink'a' kine'xpaab' chi moko ke'raj q'use'k.

Jeremías 44:10

Ab'anan, chalen toj anaqwan, toj maji' nayot'e'k eech'ool chi moko nekexxiwak b'ayaq; tik ink'a' nekeb'aanu jo' naxye li waatin chi moko linchaq'rab' ink'ehom eere laa'ex ut reheb' leena' leeyuwa'.

Amós 4:8

Eb' li poyanam xkoheb' chi xsik'b'al xha' yalaq b'ar sa'eb' li tenamit, ut ink'a' xkotz li xchaqi'eeleb'. Ab'anan laa'ex ink'a' xexsutq'iik chaq wik'in”, chan li Qaawa'.

Amós 4:9

“Xexinrahob'tesi rik'in tiqwal iq' ut motzo'; xchaqik leerawimq ut lee'uub', ut eb' laj saak' xe'xchoy lee'oliiw ut lee'iig. Ab'anan laa'ex ink'a' xexsutq'iik chaq wik'in”, chan li Qaawa'.

Amós 4:10

“Xintaqla li raxkamk sa' eeb'een jo' li kintaqla sa' xb'eeneb' laj Ejiipt; xeb'ink'e chi kamk leeralal eek'ajol sa' li yalok ut a' chik li xik' neke'ilok eere xe'eechanink reheb' leekawaay. Xink'e ajwi' chi rutz'b'al li xchuhal eb' li kamenaq, ab'anan laa'ex ink'a' xexsutq'iik chaq wik'in”, chan li Qaawa'.

Amós 4:11

“Xexinsach rik'in nimla rahilal jo' kinb'aanu reheb' laj Sodoom ut eb' laj Gomoor, ut chanchanex aj chik li ru'uj si' na'elk sa' li xam naq xexkanaak. Ab'anan laa'ex ink'a' xexsutq'iik chaq wik'in”, chan li Qaawa'.