Jeremías 5:18 - Q'eqchi Bible

¹⁸ “Ab'an chiruheb' li kutan a'an -chan li Qaawa'- toj maji' texinsach chi junajwa.

Li Santil hu

¹⁸ Abanan saꞌ eb li cutan aꞌan la̱in incꞌaꞌ tinsach e̱ru chi junaj cua.

Jeremías 5:18 ပူးပေါင်းရင်းမြစ်များ

Jeremías 5:10

Okanqex sa' li tenamit ut sachomaq, ab'an moko teesach ta chi junajwa. Ka'ajwi' li ink'a' chaab'ileb' xch'ool teerisi, xb'aan naq moko weheb' ta.

Jeremías 4:27

Jo'ka'in kixye li Qaawa': “Chixjunil li ruuchich'och' taasachmanq, ab'an moko taa'oso'q ta chixjunil.

Ezequiel 11:13

Toj yookin ajwi' chi xyeeb'al li aatin a'in naq kikamk laj Pelatías, ralal laj Benaías. Kinwiq'laak, kinhupub' wib' chiru ch'och' ut kinjap we chi xyeeb'al: “At Qaawa', ma taachoy xsachb'al ru li rela' laj Israel?”.

Ezequiel 9:8

Naq yookeb' chi kamsink, laa'in kinkanaak injunes. Kinwiq'laak ut kinhupub' wib' chiru ch'och', ut kinjap we chi xyeeb'al xb'aan xrahil linch'ool: “At Qaawa', ma taawisi laajosq'il sa' xb'eeneb' laj Jerusalén toj reetal taasach ru li rela' laj Israel?”.

Jeremías 5:17

Eb' a'an te'xtzeka ru leerawimq ut te'xchoy leewa leeruk'a'; a'aneb' ajwi' te'sachoq reheb' leeralal eek'ajol. Te'xtzeka eb' li karneer ut eb' li wakax, eb' lee'uub' jo'wi' eb' lee'iig. Te'xjuk'i leekawub'resinb'il tenamit li jwal nekekawu wi' leech'ool”.

Jeremías 5:19

Ut naq te'xpatz' aawe: «K'a'ut naq li Qaawa' xb'aanu qe chixjunil a'in?», taaye reheb': «Jo' naq laa'ex xekanab' li Qaawa' re k'anjelak chiruheb' li jalanil yos sa' leena'aj, jo'kan ajwi' naq texk'anjelaq chiruheb' laj ab'l poyanam, sa' li na'ajej moko eere ta».

Jeremías 30:11

Laa'in, li Qaawa', ninye li waatin naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Ezequiel 20:17

Ab'an kiwil xtoq'ob'aal ruheb' ut ink'a' keb'inkamsi chi moko kinsach ruheb' sa' li chaqich'och'.

Habacuc 1:12

At Qaawa', ma ink'a' tab'i' ak wankat chalen chaq q'e kutan, at inSantil Yos li ink'a' kaamel? At Qaawa' ut aj k'aak'alehomat we, laa'at xatk'ehok xkawilaleb' laj Kaldeha chi raqok aatin sa' qab'een re naq tqatoj rix li qamaak.