Jeremías 5:17 - Q'eqchi Bible

¹⁷ Eb' a'an te'xtzeka ru leerawimq ut te'xchoy leewa leeruk'a'; a'aneb' ajwi' te'sachoq reheb' leeralal eek'ajol. Te'xtzeka eb' li karneer ut eb' li wakax, eb' lee'uub' jo'wi' eb' lee'iig. Te'xjuk'i leekawub'resinb'il tenamit li jwal nekekawu wi' leech'ool”.

Li Santil hu

¹⁷ Aꞌaneb chic teꞌyalok xsahil ru le̱ racui̱mk. Ut aꞌaneb chic li teꞌtzaca̱nk re le̱ tzacae̱mk. Teꞌxcamsiheb le̱ ralal e̱cꞌajol. Ut teꞌxcamsi le̱ carner re teꞌxtiu joꞌ ajcuiꞌ le̱ cuacax. Ut teꞌxtzaca li ru le̱ uvas joꞌ ajcuiꞌ li ru le̱ higo. Teꞌsachekꞌ ruheb li tenamit li cauresinbil chi us re te̱col cuiꞌ e̱rib, li cꞌojcꞌo cuiꞌ e̱chꞌo̱l.

Jeremías 5:17 ပူးပေါင်းရင်းမြစ်များ

Deuteronomio 28:33

Li ru rawimq laach'och' ut chixjunil li aatawasihom wi' aawib', te'xtzeka jun tenamit li ink'a' nakanaw ruheb'. Tawasinb'ilaqat ut taqlanb'ilaqat chi kaw chiru chixjunil laayu'am,

Levítico 26:16

jo'kan ajwi' tinb'aanu eere laa'in: tintaqla chaq sa' eeb'een li xiwak, li raxkamk, li tiq, li xyajel sa' uhej ut xlub'ik leetib'el; maak'a' rajb'al naq tex'awq xb'aan naq a'eb' li xik' neke'ilok eere te'yaloq xsahil ru leerawimq.

Sofonías 3:6

Jo'ka'in xye li Qaawa': “Xinsach ruheb' li tenamit, xinjuk'eb' li najt xteramil ochoch; nakirirnak xinkanab'eb' li b'e, chi maajun chik nanume'k aran. Xsache'k chixjunil li na'ajej ut maak'a' chik yu'am aran.

Oseas 8:14

Eb' laj Israel xe'xyiib' naab'al li xninqal ru ochoch, ut xsachk sa' xch'ooleb' laj Yoob'tesihom reheb'. Eb' laj Judá xe'xsuttz'aki naab'aleb' li tenamit; a'ut laa'in tink'eheb' xxamlel, ut te'k'ate'q chixjunileb' li xchaq'alil ru ochoch”.

Ezequiel 36:4

Jo'kan naq, ex xtzuulul Israel, ab'ihomaq li naxye li Qaawa' reheb' li tzuultaq'a, eb' li b'ool ut eb' li roq nima', jo' ajwi' reheb' li po'lem ut eb' li tenamit xe'sache'k, li nakirirnak xe'kanaak ut xe'elq'aak li k'aru reheb', ut reheb' li xe'se'eek xb'aaneb' li tenamit wankeb' chi xjunsutam.

Lamentaciones 2:2

Li Qaawa' xjuk'i chixjunileb' li xmuheb'aal laj Jakob; ink'a' xril xtoq'ob'aal ruheb' li kawub'resinb'il tenamit wankeb' sa' xteepal Judá, ut xkuteb' chi ch'och'el. Xsach xwankil li awab'ej ut eb' li xninqal ru winq.

Jeremías 50:17

“Israel chanchan li karneer sachenaq, aanilasinb'il xb'aaneb' li kaqkoj. Xb'enwa xsache'k xb'aan li awab'ej re Asiria; chirix chik a'an, laj Nabukodonosor, li awab'ej re Babilonia, xchoyok re.

Jeremías 50:7

Yalaq ani xk'uluk reheb', xt'upiheb', ut eb' li xik' neke'ilok reheb' xe'xye: «Moko maak ta naq te'qasach ruheb', xb'aan naq xe'maakob'k chiru li Qaawa', a'an tz'aqal li xmuheb'aaleb'; xe'maakob'k chiru li royb'enihomeb' li xna' xyuwa'eb'».

Jeremías 8:16

Chalen chaq Dan neke'xeeyank chi chalk li xkawaayeb'; neke'tz'ejnak chi chalk, nachiq'lok li ch'och'. Chalkeb' re chi xsachb'al li tenamit jo'wi' chixjunil li xsahil eechej; te'xjuk'iheb' li na'ajej ut jo'k'ihaleb' li wankeb' chisa'”.

Jeremías 4:26

Kin'ilok wi' chik ut kiwil naq joxk' aj chik ru li chaab'il ch'och', juk'b'ileb' chik chixjunileb' li tenamit xb'aan li Qaawa', xb'aan xxamlel li xjosq'il.

Jeremías 4:7

Ak xwakliik chaq laj sachonel tenamit, jo' jun li kaqkoj x'elk chaq sa' li xsok; chalk re sa' aab'een re xsachb'al laana'aj: nakirirnak te'kanab'aaq eb' laatenamit chi maajunaq chik li poyanam chisa'.

Jeremías 1:15

Tikto tinb'oqeb' chaq chixjunileb' li tenamit li wankeb' chaq sa' xjayal releb'l iq' -chan li Qaawa'-. Ut eb' li x'awab'ejeb' tole'xk'ojob' li xk'ojarib'aal tz'aqal sa' rokeb'aal Jerusalén, ut chirixatq li suttz'ak sutsuukeb' wi' li tenamit sa' xteepal Judá.

Isaías 65:22

Moko te'kab'laq ta ut jalan ta chik taawanq chisa', chi moko te'awq ut jalan chik taayaloq xsahil li ru. Lintenamit taanajto'q roq li xyu'am, jo' jun toon chi che'; ut eb' li sik'b'ileb' ru inb'aan te'xyal xsahil li xk'anjeleb'.

Isaías 62:9

laa'ex b'an texq'oloq, texyaloq xsahil ut teenima inloq'al; teexok ru li uub' ut teeruk' li xya'al chiru li xneb'aalil linsantil ochoch”.

Isaías 62:8

Li Qaawa' kixye li xjurament sa' xk'ab'a' li xwankilal: “Maajoq'e chik tink'e laatriiw reheb' li xik' neke'ilok aawe, chi moko eb' li jalanil poyanam te'ruk' chik laab'iin li xatawasi wi' aawib',

Jeremías 5:18

“Ab'an chiruheb' li kutan a'an -chan li Qaawa'- toj maji' texinsach chi junajwa.

Jeremías 8:13

“Twaj raj xxokb'al lintenamit jo' na'uxk re li triiw -chan li Qaawa' Yos-; ab'an chanchaneb' li xtoonal li uub' ut li iig li ink'a' na'uuchink ut chaqi eb' li xxaq. Jo'kan naq tinq'axtesi lintenamit reheb' laj numel b'e”.

Jeremías 25:37

Li xchaq'alil ruheb' li pim xlaje'oso'k xb'aan xxamlel xjosq'il li Qaawa'.

Lamentaciones 2:12

Neke'xye eb' li kok'al reheb' li xna'eb': “Maak'a' chik qawa quk'a'”, chankeb'; ut neke't'anje'k sa' b'e chi neke'lub'ubnak, ut sa' ruq'eb' li xna'eb' na'elk xch'ooleb'.

Oseas 2:12

Tink'e chi sache'k chixjunileb' li rawimq li naxye wi': «A'aneb' a'in linq'ajkamunkil li xk'ehomeb' we li neke'rahink we». Tink'eheb' chi pimo'k ut tinkanab' cho'q xwaheb' li k'iche'il xul.

Malaquías 1:4

Wi ta eb' laj Esaú te'xye: “Yaal naq xoosache'k, ab'an tqawaklesi wi' chik li qatenamit”, cha'qeb', li Qaawa', li Nimajwal Yos, tixye: “Wi eb' a'an te'xwaklesi wi' chik li xtenamiteb', laa'in tinjuk'uq wi' chik re. Ut li na'ajej a'an tixk'ab'a'in: «Xtenamitul li maa'usilal», ut «Tenamit b'arwi' junelik wanq li xjosq'il li Qaawa'»”.

Joel 2:3

Chanchaneb' li xam li naxk'at chixjunil li k'aru wank chi uub'ej ut chi ixb'ej. Rub'elaj li xnumik jwal chaab'il li ch'och', ab'an naq ak xnume'k, junes joxk' ch'och' aj chik; tik maak'a' nakole'k chiru.