Jeremías 5:15 - Q'eqchi Bible

¹⁵ “Ex aj Israel -chan li Qaawa'-, laa'in tintaqla chaq chi yalok eerik'in jun tenamit li jwal najt wan chaq; q'axal kaweb' rib' ut najter winqeb'. Laa'ex ink'a' nekenaw li raatinob'aaleb' chi moko neketaw ru li neke'xye.

Li Santil hu

¹⁵ Li Ka̱cuaꞌ quixye ajcuiꞌ reheb: —La̱in tintaklaheb li najtil tenamit chi pletic e̱riqꞌuin la̱ex li ralal xcꞌajol laj Israel. Aꞌaneb kꞌaxal cauheb rib chalen najter. La̱ex incꞌaꞌ nequenau li ra̱tinoba̱leb chi moco te̱tau ru li cꞌaꞌru teꞌxye.

Jeremías 5:15 ပူးပေါင်းရင်းမြစ်များ

Deuteronomio 28:49

Li Qaawa' tixwaklesi chaq sa' aab'een jun li tenamit chalenaq chi najt, toj sa' xmaril chaq li ruuchich'och', kama' naq nachalk li t'iw. Taachalq jun tenamit jalan chik raatinob'aaleb',

Jeremías 4:16

“Yehomaq reheb' li xninqal ru tenamit ut re Jerusalén naq eb' laj xik'il uuchinel ak wankeb' arin; toj najt xe'chalk chaq, japjookeb' chaq re chi chalk sa' xb'eeneb' li tenamit re Judá.

Isaías 33:19

Ink'a' chik taawileb' ru li q'etq'et aj tenamit, a'eb' li ch'ol winq li jalanil aatin neke'aatinak wi' ut ink'a' natawmank ru li neke'xye.

Isaías 28:11

Us b'i', wi ink'a' nikine'xpaab', te'aatinaaq xb'aan li Yos sa' jalanil aatin, sa' jun aatinob'aal li ink'a' te'xtaw ru.

Isaías 5:26

Rik'in eetalil xb'oq jun li tenamit wan chaq chi najt; rik'in jun xuxb' xb'oq chaq toj sa' xmaril li ruuchich'och': ilomaq arin chi junpaat, xseeb'ank chaq chi chalk.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Jeremías 1:15

Tikto tinb'oqeb' chaq chixjunileb' li tenamit li wankeb' chaq sa' xjayal releb'l iq' -chan li Qaawa'-. Ut eb' li x'awab'ejeb' tole'xk'ojob' li xk'ojarib'aal tz'aqal sa' rokeb'aal Jerusalén, ut chirixatq li suttz'ak sutsuukeb' wi' li tenamit sa' xteepal Judá.

1 Corintios 14:21

Tz'iib'anb'il sa' li Chaq'rab': “Twaatinaheb' li tenamit a'in sa' jalanil aatinob'aal ut chi xtz'uumal reheb' laj ab'l tenamit. Ab'an chi moko chi jo'kan tine'rab'i, chan li Qaawa'”.

Ezequiel 18:31

Kanab'omaq chixjunil li maa'usilal xineemajewa wi' ut ak'aq chik leech'ool, ak'aq chik leemusiq'. K'a'ut naq nekeraj kamk, ex aj Israel?

Jeremías 9:26

eb' laj Ejiipt, eb' laj Judá, eb' laj Edom, eb' laj Amón, eb' laj Mohab ut chixjunileb' laj Arabia li neke'xjo li xjolomeb' ut wankeb' sa' li chaqich'och'. Xb'aan naq chixjunileb' li tenamit a'in jo'wi' eb' laj Israel toj maak'a' li reetalil li Sumwank sa' li xch'ooleb'”.

Jeremías 6:22

Li Qaawa' kixye chi jo'ka'in: “Toj sa' xjayal releb'l iq' xkawresi chaq rib' jun tenamit q'axal kaw rib' chi yalok; jun xnimal tenamit xwakliik chaq sa' xmaril li ruuchich'och'.

Jeremías 5:11

Laj Israel ut laj Judá relik chi yaal naq xine'xtz'eqtaana”, chan li Qaawa'.

Jeremías 2:26

“Jo' naq laj elq' naxutaanak naq natawe'k chi elq'ak, jo'kaneb' ajwi' naq te'xutaanaq eb' laj Israel, eb' li poyanam, eb' li awab'ej, eb' li xjolomileb' li tenamit, eb' laj tij jo'wi' eb' li propeet:

Isaías 29:3

Tatink'e chi sute'k xb'aaneb' li xik' neke'ilok aawe, tinwaklesi eb' li kawub'resinb'il ochoch chasutam ut tintuub' li ch'och' re aaweechaninkil.

Isaías 5:7

Li xyaalal li b'ich, a'an a'in: li rawimq li Nimajwal Yos, a'an li tenamit Israel, ut eb' laj Judá, a'an li iyaj jwal raaro xb'aan. Li Qaawa' kiroyb'eni naq te'xb'aanu li us, ut maa'usilal chik kixtaw; kixyo'oni naq te'wanq sa' tiikilal, ut junes a' chik li rahob'tesink ib' kixtaw.

Daniel 7:7

“Moqon sa' moy u kiwil li xka li xul: a'an q'axal xiwajel, xiw xiw rilb'al ut jwal kaw rib'. Ch'iich'eb' li ruuch re chi k'ajo' xninqal; ut chiru a'an kixwa', kixt'upi ut kixputz'i li xtzekemq, toja' naq kixyeq'i sa' roq li ki'ela'ank. Jalan wi' na'ilok chiruheb' li junch'ol chik ut wank lajeeb' xxukub'.

Génesis 11:7

Tinkub'eeq b'i' ut toxinpo' li raatinob'aaleb', re naq ink'a' chik te'xtaw ru li te'xye chirib'ileb' rib'”.

Deuteronomio 28:33

Li ru rawimq laach'och' ut chixjunil li aatawasihom wi' aawib', te'xtzeka jun tenamit li ink'a' nakanaw ruheb'. Tawasinb'ilaqat ut taqlanb'ilaqat chi kaw chiru chixjunil laayu'am,

Salmos 81:5

Xb'aan naq a'an jun chaq'rab' cho'q reheb' laj Israel, a'an jun xtaqlahom li xYos laj Jakob;

Isaías 39:3

Toja' naq li propeet Isaías kiwulak rik'in laj Esekías, li awab'ej, ut kixpatz' re: “K'aru xe'xye aawe eb' li winq a'an ut b'ar xe'chalk chaq?”, chan. Kichaq'ok laj Esekías ut kixye: “Xe'chalk chaq sa' jun najtil tenamit, Babilonia xk'ab'a'”, chan.

Daniel 1:4

Eb' li ch'ajom a'an tento naq kawaqeb', chaab'ilaq rilb'aleb', seeb'aq xch'ooleb' ut wanqeb' xnawom, tzolb'ilaqeb' chi us ut kawal wanqeb' chi k'anjelak sa' rochoch li awab'ej, re naq te'xtzol li aatinak ut li tz'iib'ak sa' raatinob'aaleb' laj Kaldeha.

Amós 6:14

“Jo'kan naq, ex aj Israel, tinwaklesi chaq jun li tenamit chi numtaak sa' eeb'een chalen chaq Jamat ut toj chire li nima' Arabá”, chan li Qaawa', li Nimajwal Yos.

Habacuc 3:16

Naq xwab'i a'in, k'ajo' naq xxiwak xsa' linsa'; xb'aan li xyaab' aakux ink'a' chik ninruuk chi aatinak, ut x'ok jun raxkehob' sa' chixjunil linb'aqel: neke'parpotk eb' li woq sa' linb'eenik. Ab'an k'ojk'o linch'ool royb'eninkil li xkutankil li rahilal taachalq sa' xb'eeneb' li neke'rahob'tesink qe.