Jeremías 5:10 - Q'eqchi Bible

¹⁰ Okanqex sa' li tenamit ut sachomaq, ab'an moko teesach ta chi junajwa. Ka'ajwi' li ink'a' chaab'ileb' xch'ool teerisi, xb'aan naq moko weheb' ta.

Li Santil hu

¹⁰ Cha̱lkeb li xicꞌ nequeꞌiloc re lin tenamit ut cheꞌxsachak ru lin tenamit li chanchan li acui̱mk uvas. Abanan incꞌaꞌ teꞌxsach ru chi junaj cua. Caꞌaj cuiꞌ li incꞌaꞌ useb xnaꞌleb teꞌrisiheb saꞌ xya̱nkeb xban nak eb aꞌan ma̱cuaꞌ cueheb.

Jeremías 5:10 ပူးပေါင်းရင်းမြစ်များ

Jeremías 4:27

Jo'ka'in kixye li Qaawa': “Chixjunil li ruuchich'och' taasachmanq, ab'an moko taa'oso'q ta chixjunil.

San Mateo 22:7

“K'ajo' naq kijosq'o'k li awab'ej, ut kixtaqlaheb' laj puub' chi xsachb'aleb' laj kamsinel a'an ut xk'atb'al li xtenamiteb'.

Oseas 1:9

Toja' naq li Qaawa' kixye re laj Oseas: “K'e cho'q xk'ab'a' «Maawa' intenamit», xb'aan naq maawa'ex chik lintenamit, chi moko laa'in chik leeYos”.

Jeremías 39:8

Eb' laj Kaldeha ke'xk'at li rochoch li awab'ej jo' ajwi' li rochocheb' li poyanam, ut ke'xjuk' li xsuttz'akil Jerusalén;

Amós 9:8

“Laa'in li Qaawa' junelik wank li wilob'aal sa' xb'een li awab'ejihom a'in. Jo'kan naq tinsacheb' ru laj maak a'in sa' ruuchich'och'; ab'an ink'a' tinsach chi junajwa eb' li ralal xk'ajol laj Jakob -chan li Qaawa' Yos-.

Ezequiel 14:17

“Ut wi tintaqla chaq li raaxiik' sa' li tenamit a'an ut tinye naq te'kamsiiq eb' li winq ut eb' li xul,

Ezequiel 12:16

Ab'an wanqeb' teb'inkol chiru li raaxiik', li we'ej ut li yajel, re naq, sa'eb' li tenamit te'wulaq wi', toxe'xseeraq'i chixjunil li xjo'maajo'il b'aanuhomeb', ut te'xnaw naq laa'in li Qaawa'»”.

Jeremías 46:28

At Jakob, aj k'anjelat chiwu, matxiwak -chan li Qaawa'-, xb'aan naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Jeremías 30:11

Laa'in, li Qaawa', ninye li waatin naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Jeremías 5:18

“Ab'an chiruheb' li kutan a'an -chan li Qaawa'- toj maji' texinsach chi junajwa.

2 Crónicas 36:17

Toja' naq li Qaawa' kixtaqla chaq li awab'ej re Kaldeha chi yalok rik'ineb' laj Judá. Ut a'an kixkamsiheb' chi ch'iich' eb' li kaweb' rib', sa' rochoch li Yos, ut ink'a' kiril xtoq'ob'aal ruheb' li saaj winq, eb' li tuq'ixq, eb' li cheekel winq chi moko eb' li saq aj chik rismal xjolomeb': chixjunileb' ke'q'axtesiik xb'aan li Qaawa' sa' ruq'eb' laj Kaldeha.

Jeremías 5:9

Ma ink'a' tab'i' tink'eheb' chi xtojb'al rix li maak a'an? Ma ink'a' tink'ajtesi ru li tenamit li jo'kan naxb'aanu? -chan li Qaawa'-.

Jeremías 5:11

Laj Israel ut laj Judá relik chi yaal naq xine'xtz'eqtaana”, chan li Qaawa'.

2 Crónicas 12:4

Kireechaniheb' li tenamit re Judá li kawub'resinb'ileb', ut kiwulak toj Jerusalén.

Jeremías 2:21

Laa'in katwaw jo' jun toon chi chaab'il che', li sik'b'il ru riyajil. Ab'anan chan put ru naq xajaltesi aawib' cho'q ruq' xtoonal li che' ink'a' na'uuchink?