Jeremías 5:1 - Q'eqchi Bible

¹ “B'eenihomaq eb' li b'e re Jerusalén -chan li Qaawa'-, ilomaq chi us ut k'ehomaq reetal. Sik'omaq sa'atqeb' li ruq' b'e re rilb'al ma teetaw junaq winq li nab'aanunk li tiikilal ut naxsik' li yaal; ut tinkuy raj xmaak Jerusalén.

Li Santil hu

¹ Li Ka̱cuaꞌ quixye: —La̱ex aj Jerusalén, sicꞌomak saꞌ eb li be ut saꞌ eb li cꞌayil. Qꞌuehomak retal chanru lix naꞌlebeb li tenamit. Cui cuan junak li ta̱raj cua̱nc saꞌ xya̱lal ut saꞌ ti̱quilal, la̱in tincuy xma̱queb li tenamit aꞌin.

Jeremías 5:1 ပူးပေါင်းရင်းမြစ်များ

Ezequiel 22:30

Laa'in xinsik' junaq winq sa' xyanqeb' re raj tixwaklesi wi' chik li xtz'akul li tenamit ut taa'okenq raj chi aatinak wik'in re naq ink'a' tinsach li xna'ajeb', ab'anan maajun xintaw.

2 Crónicas 16:9

Xb'aan naq li Qaawa' naxb'eeni chixjunil li ruuchich'och' re xkawub'resinkil xch'ooleb' li yo'ooneb' rik'in. Aamemil xab'aanu wi' a'in. Jo'kan naq chalen anaqwan junelik wanqat sa' raaxiik'”.

Isaías 59:4

Maajun napatz'ok li tiikilal sa' li raqleb'aal aatin, chi moko wank li naraqok aatin rik'in sa' xyaalal; kaw b'an xch'ooleb' li poyanam chirix li moko yaal ta ut junelik yo'oon wankeb' chi xyeeb'al li tik'ti'. Maa'usilal nasiyaak sa' xch'ooleb', ut nayo'laak chaq li raaxiik'.

Salmos 14:3

Ab'an sachenaqeb' sa' b'e chixjunileb', junxikikeb' sa' li maa'usilal. Maak'a' junaq nab'aanunk li us, yal jun taxaq.

Proverbios 20:6

Naab'aleb' neke'xye naq chaab'ileb'; ab'an ink'a' natawmank junaq tiik xch'ool.

Salmos 12:1

Re li xjolomileb' laj b'ichanel. Rik'ineb' li wajb' waqxaqitq li ru. Xsaalm laj David.

2 Ts 2:10

taachalq ajwi' rik'in chixjunil li maa'usilal re naq tixq'unb'esi xch'ooleb' li tento te'sachq xb'aan naq ink'a' ke'xk'ulub'a ut ink'a' ke'xra li yaal li kikolok raj reheb'.

San Lucas 14:21

“Kisutq'iik chaq li moosej ut kolxye resil a'in re laj eechal re. Toja' naq laj eechal kab'l kichalk xjosq'il ut kixye re li xmoos: «Ayu chi junpaat sa'eb' li k'ayiil ut sa'eb' li b'e sa' tenamit, ut oksiheb' chaq arin eb' li neb'a', li toqol, li mutz' ut li yeq».

Zacarías 2:4

ut kixye re: “Ayu sa' aanil chi aatinak rik'in li winq a'an ut ye re: «Jerusalén taatenamito'q wi' chik; ut xb'aan xk'ihaleb' li poyanam ut ketomq li te'tamq aran, maak'a'aq chik li xsuttz'ak.

Amós 8:12

Toja' naq eb' li poyanam te'xb'eeni rib' chi xsik'b'al li raatin li Qaawa' chalen chire li palaw jun toj chire li jun chik; te'elq sa' xjayal releb'l iq' toj sa' li na'elk wi' chaq li saq'e, ab'an ink'a' te'ruhanq chi xtawb'al.

Joel 2:9

Xe'xkut rib' sa' xb'een li tenamit, xe'taqje'k sa' xb'eeneb' li suttz'ak ut xe'okje'k sa'eb' li b'entaan jo'keb' aj elq', re te'wulaq toj sa'atqeb' li ochoch.

Daniel 12:4

Ab'anan laa'at, a Daniel, maa'ani taaye wi' eb' li aatin a'in; k'uula chi tz'aptz'o li hu a'in toj sa' roso'jikeb' li kutan. Naab'aleb' te'xb'eeni rib' chi xsik'b'al li raatin li Qaawa' ut te'xtaw xtz'aqob' li xna'leb'eb'».

Cantares 3:2

Jo'kan naq tinwakliiq ut tinb'eeni li tenamit: sa'eb' li b'e ut li k'ayiil tinsik'i li xrahom li waanm. Xinsik', ab'an ink'a' xintaw.

Proverbios 23:23

Sik' li yaal, ut maak'ayi; tamresi li chaab'il na'leb', li tzolok ut li seeb'al k'a'uxl.

Proverbios 8:3

na'ab'imanje'k sa' rokeb'aaleb' li tenamit, ut sa'atqeb' li jalb'e japjo re chi xyeeb'al:

1 Reyes 19:10

“K'ajo' naq naxamnak linch'ool xb'aan aaraab'al, at Qaawa', xb'aan naq eb' laj Israel xe'xtz'eqtaana laasumwank, xe'xjuk'i eb' laa'artal ut xe'xkamsiheb' laapropeet! Ka'ajin aj chik xinkanaak, ut te'raj ajwi' inkamsinkil”, chan laj Elías.

Jeremías 2:29

K'a'ut naq nekewech' wix, wi xineetz'eqtaana chejunilex? -chan li Qaawa'-.

Jeremías 44:15

Toja' naq jo'k'ihaleb' li neke'xnaw naq li rixaqileb' neke'k'atok k'ajpom chiruheb' li jalanil yos, chixjunileb' li ixq ch'utch'uukeb' aran jo'wi' chixjunileb' li wankatqeb' chaq Patros, sa' xteepal Ejiipt, ke'xye re laj Jeremías:

Salmos 14:2

Li Qaawa' toj sa' choxa narileb' chaq li poyanam: ma wank tana junjunqaq li wank xna'leb', junaq taxaq li nasik'ok re li Yos.

Salmos 94:16

Ani taakoloq we sa' ruq'eb' li ink'a' useb' xna'leb'? Ani taa'okenq chiwix chiruheb' laj b'aanuhom maa'usilal?

Jeremías 8:6

Xe'wab'i chi us: maajun reheb' nayehok li yaal; maajun naraho'k xch'ool chirix li xmaa'usilal ut naxye ta: K'aru xinb'aanu? Chixjunileb' xe'xjal xb'eheb' ut neke'xb'aanu li k'aru neke'raj; xe'kaano'k ruheb', kama'eb' chik li kawaay li neke'kaano'k ru chi yalok.

Jeremías 9:2

Ani taxaq xk'ehok junaq wochochnaal sa' li chaqich'och' b'arwi' tinhilanq jo' aj numel b'e, re raj tinkanab' lintenamit! Xb'aan naq aj muxuleb' rib' chixjunileb', tik jun tuub'eb' chi aj b'alaq';

Jeremías 9:7

Jo'kan naq li Qaawa', li Nimajwal Yos, kixye chi jo'ka'in: “Tinrahob'tesi lintenamit re xch'ajob'resinkileb', xb'aan naq k'a' ta chik ru tinb'aanu reheb' re te'usaaq?

Ezequiel 9:9

Li Qaawa' kichaq'ok ut kixye we: “Q'axal numtajenaq li xmaakeb' laj Israel ut eb' laj Judá. Nujenaq chi kamenaq chixjunil li tenamit; maak'a' chik tiikilal aran Jerusalén. Sa' xch'ooleb' a'an naq xinkanab' xjunes li tenamit ut ink'a' nawil li k'aru yookeb' chi xb'aanunkil.