Jeremías 49:8 - Q'eqchi Bible

⁸ Elelinqex chi junpaat, ex aj Dedán, sik'omaq eena'aj re teemuq eerib' chi us, xb'aan naq ok we chi xrahob'tesinkileb' li ralal xk'ajoleb' laj Esaú, xwulak xkutankil naq tinraqoq aatin sa' xb'eeneb'.

Li Santil hu

⁸ Elenkex chi junpa̱t ut mukumak chak e̱rib saꞌ eb li ochoch pec la̱ex li cuanquex Dedán xban nak la̱in tinqꞌue li raylal saꞌ xbe̱neb li ralal xcꞌajol laj Esaú nak tinqꞌueheb chixtojbal rix lix ma̱queb.

Jeremías 49:8 ပူးပေါင်းရင်းမြစ်များ

Jeremías 25:23

eb' li xteepalileb' laj Dedán, eb' laj Temá, eb' laj Bus ut chixjunileb' li neke'xjo li xjolomeb';

Jeremías 46:21

Jo'kaneb' ajwi' laj puub' tojb'ileb' xb'aan, chanchaneb' li ch'oolaninb'il wakax; eb' a'an ajwi' te'eleliq sa' aanil ut ink'a' te'xkuy sumenk chi yalok, xb'aan naq xwulak xkutankil li tojb'amaak, xtaw xq'ehil li xnimal rahilal.

Jeremías 49:30

Ex aj Jasor, seeb'aaq eerib' chi elelik, ayuqex chi najt b'arwi' ink'a' textawe'q -chan li Qaawa'-, xb'aan naq laj Nabukodonosor, li awab'ej re Babilonia, wank jun na'leb' cherix ut ak xk'uub'ahom eerahob'tesinkil.

Isaías 21:13

Resilal li rahilal tixk'ul Arabia: Laa'ex aj Dedán li nekenumsi li q'oqyink sa'atqeb' li junesal na'ajej re Arabia,

Apocalipsis 6:15

Toja' naq eb' li awab'ej re li ruuchich'och', li ninqeb' xwankil, eb' li xjolomileb' laj puub', eb' li b'ihom, eb' li kaweb' rib' ut chixjunileb' laj loq'b'il k'anjel ut li wankeb' chi ach'ab'anb'il, koxe'xmuqatq rib' sa'eb' li ochoch pek ut sa'atqeb' li saqoonak sa'eb' li tzuul;

Jeremías 50:27

Kamsihomaq chixjunileb' laj puub' ut sachomaq ruheb' jo'eb' li wakax. Rahilal xchalk sa' xb'eeneb' xb'aan naq xwulak xkutankil li xrahob'tesinkileb'.

Jeremías 49:32

Elq'ahomaq eb' li xkameey ut eechanihomaq chixjunil li xketomqeb'. Sa' xkaaxukuutil li ruuchich'och', tincha'cha'i chixjunileb' li neke'xjo li xjolomeb' ut yalaq b'ar tink'am chaq li rahilal sa' xb'eeneb' -chan li Qaawa'-.

Jeremías 48:44

Li ani taa'eleliq chiru laj yo, toxt'ane'q sa' li jul; ut li taa'elq chaq sa' li jul, toxt'ane'q sa' li ra'al, xb'aan naq tink'e Mohab sa' tojb'amaak naq taawulaq xkutankil li rahilal -chan li Qaawa'-.

Jeremías 48:28

Elenqex sa'eb' leetenamit, ex aj Mohab, ayuqex chi wank sa'eb' li saqoonak jo'eb' li mukuy li neke'sukub'k junqre li uul.

Jeremías 48:6

Elenqex, kolomaq eerib', jo'kaqex li k'iche'il b'uur sa' li chaqich'och'!

Jeremías 6:1

Ex ralal xk'ajol laj Benjamín, elenqex chaq sa' li tenamit Jerusalén! Yaab'asihomaq li pur aran Tékoha, taqsihomaq li eetalil aran Bet-Keren, xb'aan naq chalk chaq re jun nimla rahilal ut raaxiik' sa' xjayal releb'l li iq'.

Isaías 2:21

Eb' li poyanam te'xch'ik rib' sa'eb' li ochoch pek ut sa' xyanqeb' li saqoonak, re naq te'kole'q chiru li xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

1 Samuel 13:6

Naq eb' laj Israel ke'ril li ch'a'ajkilal wankeb' wi' ut li nimla rahilal yo chi chalk sa' xb'eeneb', koxe'xmuq rib' sa'eb' li ochoch pek, sa'atqeb' li xhopolal ut x'atz'alaleb' li saqoonak, rub'elatq ch'och' ut sa'eb' li kumb'-ha'.

Jueces 6:2

K'ajo' naq eb' laj Madián ke'xrahob'tesiheb' laj Israel! Jo'kan naq eb' a'in ke'xmuq chaq rib' sa' xyanqeb' li tzuul, sa'eb' li ochoch pek ut sa'eb' li xaqxookil b'ool, re xkolb'al rib'eb' chiruheb' laj Madián.

Isaías 34:5

Xb'aan naq linq'esnal ch'iich' sa' choxa yo royb'eninkil jo'q'e tolxrahob'tesi Edom, jo'q'e taakub'eeq sa' xb'een li tenamit li xinq'axtesi chi sache'k ru.

Ezequiel 25:13

Jo'kan naq laa'in, li Qaawa', ninye: Tintaqsi li wuq' chi xrahob'tesinkileb' laj Edom ut tinsacheb' li winq ut li xul sa' xyanqeb'. Joxk' tinkanab' li xch'och'eb' ut, chalen Temán toj Dedán, te'kamsiiq chi ch'iich' eb' li poyanam.

Malaquías 1:3

ut xik' kiwil laj Esaú. Ut li xch'och'el laj Esaú, li tzuul ru naq kiwank, kinkanab' chi junesal na'ajej, ut li xna'ajeb' li xxe'toonil yuwa' kinsutq'isi cho'q chaqich'och'”.

Malaquías 1:4

Wi ta eb' laj Esaú te'xye: “Yaal naq xoosache'k, ab'an tqawaklesi wi' chik li qatenamit”, cha'qeb', li Qaawa', li Nimajwal Yos, tixye: “Wi eb' a'an te'xwaklesi wi' chik li xtenamiteb', laa'in tinjuk'uq wi' chik re. Ut li na'ajej a'an tixk'ab'a'in: «Xtenamitul li maa'usilal», ut «Tenamit b'arwi' junelik wanq li xjosq'il li Qaawa'»”.