Jeremías 49:4 - Q'eqchi Bible

⁴ K'a'ut naq nakanima aawankil rik'in laachaab'il ch'och', at q'etq'etil tenamit? K'a'ut naq nakakawu aach'ool chirix laab'ihomal, ut nakaye: “Ani taaruuq chi yalok wik'in?”, chankat.

Li Santil hu

⁴ ¿Cꞌaꞌut nak nequenimobresi e̱rib xban li ru takꞌa li na-el cuiꞌ chi us li acui̱mk? La̱ex li incꞌaꞌ us e̱naꞌleb, ¿ma incꞌaꞌ nequeqꞌue retal nak ta̱sachekꞌ ru li ru takꞌa? ¿Cꞌaꞌut nak nequecꞌojob e̱chꞌo̱l saꞌ xbe̱n le̱ biomal? Ut nequeye “¿Ani ta cuiꞌ ta̱ru̱k chi cha̱lc chi pletic kiqꞌuin?” chanquex.

Jeremías 49:4 ပူးပေါင်းရင်းမြစ်များ

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

Jeremías 21:13

Laa'in, li Qaawa', yo tz'aqal injosq'il sa' eeb'een li nim eewankil chiru taq'a, jo'kex li saqoonak chiru li helhookil ru ch'och'. Laa'ex nekeye: Ani taachalq chi yalok qik'in? Ani toltawoq qe sa' li qakawub'resinb'il tenamit? chankex.

Jeremías 9:23

Jo'ka'in kixye li Qaawa': “Mixk'e xloq'al xjunes rib' li wank xna'leb' sa' xk'ab'a' naq wank xna'leb', chi moko chixnima rib' li wank xwankil, chi moko li b'ihom sa' xk'ab'a' li xb'ihomal.

Jeremías 48:7

“At Mohab, laa'at xak'ojob' laach'ool rik'in laab'ihomal ut laab'aanuhom, ab'anan tat-eechaniiq ajwi' laa'at. Laj Kamós, laayos, taak'ame'q chi preexil rochb'eeneb' laj tij ut li xninqaleb' ru winq.

Jeremías 3:14

Li Qaawa' kixye chi jo'ka'in: “Chalqex wi' chik wik'in, ex walal ink'ajol aj q'etolex aatin, xb'aan naq laa'in li Qaawa' laj eechal eere. Junjunq eere tinsik' ru sa' li junjunq chi tenamit ut ka'kab' sa' li xjunq kab'al li ralal xk'ajol laj Israel, re teb'ink'am chaq sa' li tenamit Sión.

Salmos 62:10

Jun apunk ajwi' li xyu'ameb' li poyanam, eb' li b'ihom jo' ajwi' eb' li neb'a'. Wi ta te'b'ise'q chixjunileb' sa' xb'een li peex, moko aaleb' ta raj chiru li sib'.

Salmos 52:7

Jo'kan naq li Yos tatxpitz'i, tixsach aawu chi junajwa, tatrisi sa' laawochoch jo' ajwi' sa' xna'ajeb' li yo'yookeb'.

Salmos 49:6

K'a'ut naq tinxiwaq sa' xq'ehil li rahilal, naq sutsuuqin xb'aaneb' li ink'a' useb' xna'leb',

Apocalipsis 18:7

Jo'nimal xnimob'resi wi' rib' ut xrataw li maa'usilal, jo'kan ajwi' k'ehomaq reeqaj rik'in rahilal ut yot'e'k. Xb'aan naq kixye sa' xch'ool: «K'ojk'ookin jo' xna' li tenamit, maawa'in xmalka'an ut maajoq'e twil li rahil ch'oolej», chan.

Oseas 4:16

Laj Israel xq'etq'eti rib' chiru li Qaawa' jo' junaq wakax kaan ru: chan tawi' ru naq taach'oolaniiq xb'aan li Qaawa' jo' junaq ch'ina karneer sa' li chaab'il pach'aya'?

Jeremías 49:16

Xatxb'alaq'i laaq'etq'etil, xb'aan naq xiwajel aawu naq xatwank. Laa'at wankat sa' xyanqeb' li saqoonak ut kaw aach'ool rik'ineb' li najt xteramil tzuul. Us ta taayiib' laamuheb'aal chi jwal najt xteram jo' li t'iw, toj aran ajwi' tatinkub'si chaq -chan li Qaawa'-.

Jeremías 7:24

Ab'anan ink'a' kine'xpaab' chi moko ke'raj wab'inkil, ke'xjipi chik rib' ut ke'xb'aanu li k'aru ke'raj xb'aanunkil. Ruuchil li chalk wik'in, intz'eqtaanankil chik ke'xb'aanu.

Proverbios 10:15

Li b'ihom naru tixkol rib' rik'in li xb'ihomal; a'ut li neb'a' maak'a' tixkol wi' rib'.

Jeremías 31:22

Jo'q'e taakanab' xb'eeninkil aawib' jo' junaq q'etq'et aj tuq'ixq? Xb'aan naq li Qaawa' xyoob'tesi ak' na'leb' sa' ruuchich'och': a' chik li ixq nasik'ok re li winq”.