Jeremías 49:31 - Q'eqchi Bible

³¹ Xaqlinqex ut ayuqex chi xchapb'al li tenamit wank sa' tuqtuukilal, li maak'a' naxk'oxla -chan li Qaawa'-; moko sutsu ta chi tz'akil chi moko wankeb' rokeb'aal, ut xjunes wank.

Li Santil hu

³¹ Ayukex chi pletic riqꞌuin li nimla tenamit li cꞌojcꞌo xchꞌo̱leb xban nak cuan chixjunil li cꞌaꞌru reheb. Li tenamit aꞌan moco sutsu ta saꞌ tzꞌac chi moco tzꞌaptzꞌo ta li oqueba̱l. Xjunes cuan li tenamit.

Jeremías 49:31 ပူးပေါင်းရင်းမြစ်များ

Ezequiel 38:11

Taaye: Tinxik chi yalok rik'in jun tenamit li maak'a' xkolb'aleb' rib', sa wankeb' ut k'ojk'o xch'ooleb'. Chixjunileb' li na'ajej wankeb' wi' moko sutsuukeb' ta chi tz'ak, maak'a' xtz'apb'al ut xnat'b'al eb' li rokeb'aaleb'.

Miqueas 7:14

At Qaawa', chawil taxaq laatenamit rik'in laawankil, chab'eresiheb' laakarneer sik'b'ileb' ru aab'aan, li wankeb' xjunes sa' li k'iche' ut sutsuukeb' sa' xq'emal li ch'och'. K'ameb' chi ichajib'k sa' xteepal Basán ut Galahad, jo' naq ke'wank chaq junxil.

Isaías 47:8

Ab'i ut anaqwan li aatin a'in, laa'at aj raholat re li sahil wank. Nakak'ojob' aawib' chi maak'a' nakak'oxla, ut nakaye sa' laach'ool: «Ka'ajin wi' ut maak'a' chik junaq. Maajoq'e tinxtaw xrahil li kanaak sa' junaatalil chi moko tinkanaaq chi maak'a'eb' chik li walal ink'ajol».

Deuteronomio 33:28

Laj Israel wanq chi k'ojk'o li xch'ool; eb' li ralal xk'ajol laj Jakob wanqeb' sa' tuqtuukilal. Q'axal naab'al li triiw ut li uub' sa' li xch'och'eb'; junelik wanq li k'ajob' nachalk chaq sa' choxa.

Números 23:9

Toj sa' xb'een li saqoonak neke'wil, toj sa' xb'eeneb' li b'ool nink'e reetal: a'an jun tenamit li wankeb' xjunes; ink'a' k'eeb'ileb' sa' ajl sa' xyanqeb' li poyanam.

Sofonías 2:15

Jo'ka'in te'kanaaq li q'axal sa sa' xch'ooleb' naq xe'wank, li tenamit kaw rib' naq naxk'oxla, li naxye sa' xch'ool: “Ka'ajin wi' ut maa'ani chik junaq!”. Ilomaq! Nakirirnak xkanaak, ut xna'ajeb' chik li josq' aj xul. Chixjunileb' li te'nume'q chi xk'atq te'xuxb'aq ut te'xb'anb'ani li xjolomeb'.

Nahum 1:12

Jo'kan naq li Qaawa' xye chi jo'ka'in: “Us ta jwal kaweb' rib' laj Asiria ut k'ajo' xk'ihaleb', ab'an te'oso'q ut te'sachq chi junajwa. Laa'in k'ajo' laarahob'tesinkil xinb'aanu, ab'an ink'a' chik tatinrahob'tesi.

Ezequiel 39:6

Tintaqla li xam sa' xb'een li xna'aj laj Magog ut sa' xb'eeneb' li tenamit wankeb' sa' tuqtuukilal, chire li palaw. Toja' naq taanawmanq naq laa'in li Qaawa'.

Ezequiel 30:9

“Sa' li kutan a'an tintaqlaheb' lintaql li te'xik sa' jukub', re xxib'enkileb' laj Etiopía li toj k'ojk'ookeb' xch'ool. K'ajo'aqeb' xxiw chi rab'inkil resil li xsachik Ejiipt: nach' chik wank li kutan a'an.

Jeremías 48:11

Mohab sa wank ut sa' tuqtuukilal chalen sa' li xsaajilal; maajun wa x'isiik sa' li xna'aj re ta xk'ame'k sa' jalanil tenamit. Chanchan li b'iin li ink'a' najalyaak li xna'aj, jo'kan naq ink'a' najalaak xsahil jo'wi' li xsununkil.

Isaías 32:11

Laa'ex li maak'a' nekek'oxla, okaq b'ayaq eexiw, t'urub'omaq eerib', isihomaq leeraq' cherix ut tiqib'omaq eerib' rik'in q'es ruhil t'ikr, reetalil li xrahil leech'ool;

Isaías 32:9

Ex ixq li maak'a' nekek'oxla, xaqlinqex ut ab'ihomaq li ok we chi xyeeb'al eere. Ex ixq li k'ojk'o eech'ool anaqwan, ab'ihomaq li waatin.

Salmos 123:4

K'ajo' naq xootitz'k chi hob'e'k xb'aaneb' li sa wankeb'; jwal nim li qatz'eqtaanankil xb'aaneb' li q'etq'eteb'.

Salmos 73:12

K'ehomaqeb' reetal: eb' li yib'ru xna'leb' junelik sa wankeb' ut k'ajo' naq neke'xtamresi xb'ihomaleb'.

Isaías 42:11

Chisaho'q sa' xch'ool li chaqich'och' ut eb' li xtenamitul, chixjunileb' li muheb'aal wankeb' wi' laj Kedar. Sahoqeb' chaq li wankeb' Petra ut xjapaqeb' re chi b'ichank toj sa' xb'eeneb' li tzuul.