Jeremías 49:16 - Q'eqchi Bible

¹⁶ Xatxb'alaq'i laaq'etq'etil, xb'aan naq xiwajel aawu naq xatwank. Laa'at wankat sa' xyanqeb' li saqoonak ut kaw aach'ool rik'ineb' li najt xteramil tzuul. Us ta taayiib' laamuheb'aal chi jwal najt xteram jo' li t'iw, toj aran ajwi' tatinkub'si chaq -chan li Qaawa'-.

Li Santil hu

¹⁶ Xeꞌxbalakꞌi ribeb nak xeꞌxqꞌue xxiuheb li tenamit. Xeꞌxbalakꞌi ribeb nak xeꞌxnimobresi ribeb. Eb aꞌan xeꞌxyi̱b lix naꞌajeb saꞌ xya̱nkeb li sako̱nac saꞌ eb li ni̱nki tzu̱l joꞌ naxba̱nu li tꞌiu. Abanan usta najt xteram teꞌxyi̱b chak lix naꞌajeb, la̱in tebincubsi chak toj aran.

Jeremías 49:16 ပူးပေါင်းရင်းမြစ်များ

Amós 9:2

Us ta toxe'xmuq rib' sa' xna'ajeb' li kamenaq, toj aran ajwi' twisiheb' chaq; wi ta te'taqe'q toj sa' xb'een li choxa, tinkub'siheb' ajwi' chaq aran.

Isaías 49:25

Li Qaawa' naxye naq naruuk: “Eb' li wankeb' chi preexil te'maq'e'q chiru li kaw rib', ut li reechanihom li josq' aj winq taa'eleliq chiru. Laa'in tinyaloq rik'ineb' li te'raj yalok aawik'in, ut tinkoleb' laawalal aak'ajol.

Li xHu LAJ JOB 39:27

Ma laa'at nakattaqlank re li t'iw chi xyiib'ankil li xsuk chi najt xteram?

Proverbios 29:23

Li q'etq'et aj winq taakub'siiq xwankil; a'ut li kub'enaq xwankil, taak'ehe'q xloq'al.

Proverbios 16:18

Li naxk'e xwankil xjunes rib', taa'oso'q; li naxq'etq'eti rib', taat'ane'q.

Isaías 2:21

Eb' li poyanam te'xch'ik rib' sa'eb' li ochoch pek ut sa' xyanqeb' li saqoonak, re naq te'kole'q chiru li xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

Cantares 2:14

“At inmukuy, li nakamuq aawib' sa'eb' li saqoonak, sa'eb' li na'ajej ch'a'aj xtawb'al, k'ut chiwu laawilob'aal, kanab'in rab'inkil xyaab' laakux, xb'aan naq jwal sa rab'inkil xyaab' laakux ut k'ajo' xch'ina'usal laawu.

Proverbios 18:21

Li kamk ut li yu'am, a'an yaal re li junjunq chanru na'aatinak. Eb' li k'ajo' neke'xye, te'xk'ul li rahilal.

2 Reyes 14:7

Laj Amasías kixkamsi lajeeb' mil chi winq aj Edom, sa' xTaq'ahil li Atz'am, ut kireechani li tenamit Selá naq kiyalok: Yoktehel chik kixk'e cho'q xk'ab'a', ut a'an naxk'ab'a'in chalen toj anaqwan.

Isaías 10:14

Xinxok li xb'ihomaleb' li tenamit, xinchap chixjunil li xch'och'eb', jo' naxoke'k junaq kanab'anb'il mol sa' xsuk li xik'anel xul, ut maajun x'eek'ank chi moko xjap re chinxib'esinkil”.

Jeremías 49:15

Relik chi yaal naq jwal kach'inaqat chiruheb' li tenamit ut tz'eqtaananb'ilaqat xb'aaneb' li poyanam.

Jeremías 50:29

“Ch'utub'omaq chixjunileb' li neke'kutuk rik'in simaj re xik chi yalok rik'in Babilonia. Sutumaq rix li tenamit re naq maajun taa'eleliq. Eeqajuuq re jo' chanru xk'ulub' ut b'aanuhomaq re jo' chanru xb'aanu a'an, xb'aan naq xq'etq'eti rib' chiwu laa'in li Qaawa', li xsant laj Israel.

Jeremías 51:53

Us ta Babilonia tixnima chi us li xwankil ut taawulaq taraj toj sa' choxa li xsuttz'akil, laa'in tintaqlaheb' li te'juk'uq re”, chan li Qaawa'.

Habacuc 2:9

Ra chaalel sa' aab'een li xanujob'resi laawochoch rik'in li xawelq'a re raj xkolb'al aawib' chiru chixjunileb' li raaxiik'!

Malaquías 1:3

ut xik' kiwil laj Esaú. Ut li xch'och'el laj Esaú, li tzuul ru naq kiwank, kinkanab' chi junesal na'ajej, ut li xna'ajeb' li xxe'toonil yuwa' kinsutq'isi cho'q chaqich'och'”.

Jeremías 48:14

“K'a'ut naq nekeye laa'ex aj Mohab: «Kaw qib' ut k'ajo' xnimal li qametz'ew chi yalok»?