Jeremías 49:13 - Q'eqchi Bible

¹³ Xb'aan naq xinye injurament naq li tenamit Bosrá taasache'q ru, tz'eqtaananb'ilaq ut majewanb'ilaq; ut nakirirnak te'kanaaq chixjunileb' li xtenamitul chi junwaakaj”.

Li Santil hu

¹³ Saꞌ incꞌabaꞌ la̱in xinba̱nu jun li juramento ut xinye nak li tenamit Bosra ta̱sachekꞌ ru ut xucuajel chic rilbal ta̱cana̱k. Tzꞌekta̱nanbilak ut majecuanbilak. Chixjunileb li tenamit li cuanqueb chi xjun sutam teꞌsachekꞌ ruheb chi junaj cua, chan li Dios.

Jeremías 49:13 ပူးပေါင်းရင်းမြစ်များ

Isaías 34:6

Oso'jenaq li xq'esnal ch'iich' li Qaawa' sa' kik' ut xeeb', kama' naq neke'kamsiik eb' li karneer ut li chib'aat sa' xhonalil li mayejak. Li Qaawa' taamayejaq aran Bosrá, ut taawanq nimla kamsink sa' xteepal Edom.

Génesis 36:33

Naq kikamk laj Belá, a' chik laj Jobab, ralal laj Séraj, ki'awab'ejink sa' xna'aj, Bosrá li xtenamit.

Génesis 22:16

ut kixye re: “Li Qaawa' xye chi jo'ka'in: «Xwil naq xab'aanu a'in ut ink'a' xaram chiwu laawalal li junaj chirib'il.

Amós 6:8

Li Qaawa' kixye li raatin; li Nimajwal Yos kixye chi jo'ka'in: “Xik' nawil li xq'etq'etileb' li ralal xk'ajol laj Jakob; nintz'eqtaanaheb' li xchaq'alil ru ochoch; ut tinq'axtesi chixjunil li tenamit sa' ruq'eb' li xik' neke'ilok reheb'”.

Amós 1:12

Jo'kan naq tink'e xxamlel li tenamit Temán ut te'k'ate'q eb' li xchaq'alil ru ochoch re Bosrá”.

Jeremías 49:22

K'ehomaq reetal, li xik' na'ilok re Bosrá yo chi chalk sa' xb'een jo' junaq t'iw li xhel li xxik' sa' xb'een li xtzak. Sa' li kutan a'an q'axal te'xiwaq eb' li kaweb' rib' aj Edom, chanchanaqeb' li ixq li ok re chi alank”.

Jeremías 44:26

Ab'anan ab'ihomaq li raatin li Qaawa', chejunilex laa'ex aj Judá li wankex Ejiipt: Laa'in, li Nimajwal Yos, ninye eere chi tz'aqal yaal naq maajun wa chik taapatz'manq link'ab'a' arin xb'aan junaq aj Judá; maajun chik tixye sa' xsutam Ejiipt: Sa' xk'ab'a' li Qaawa'!, cha'aq.

Isaías 63:1

“Ani li kaqkaq raq', li yo chaq chi chalk Bosrá, sa' xteepal Edom? Q'axal ch'ina'us li xtiqib'ankil naq yo chaq chi chalk, rik'in xnimal xwankil”. “Laa'inin, li nin'aatinak rik'in tiikil ch'oolej ut q'axal nim inwankil chi kolok”.

Isaías 45:23

Sa' xk'ab'a' linloq'al xinye injurament, sa' we x'elk li tz'aqal yaal, jun li aatin xaqxooq xwankil chi junelik: «Chixjunileb' te'xwiq'ib' rib' chiwu, chixjunileb' te'yehoq jurament

Abdías 1:18

Li xjunkab'al laj Jakob a'anaq li ru xam, li xjunkab'al laj José a'anaq li raq' xam, ut li xjunkab'al laj Esaú taak'atmanq chi junajwa jo' li k'im: maajun taakole'q sa' xyanqeb' li ralal xk'ajol laj Esaú”, chan li Qaawa'.

Joel 3:19

Ejiipt taasache'q chi junajwa ut Edom nakirnak taakanaaq jo' li chaqich'och', xb'aan li rahilal ke'xb'aanu reheb' laj Judá, naq ke'xkamsi li maak'a'eb' xmaak sa' li xtenamiteb'.

1 Crónicas 1:44

Naq kikamk laj Belá, a' chik laj Jobab, ralal laj Séraj, ki'awab'ejink sa' xna'aj, Bosrá li xtenamit.

Jeremías 18:16

Chi jo'kan xe'xsutq'isi li xna'ajeb' jo' li chaqich'och', re naq se'enb'ilaqeb' chi junwaakaj. Yalaq ani taanume'q aran tixb'anb'ani li xjolom chi sachsooq li xch'ool.

Jeremías 19:8

Joxk' ut xiwajel tinkanab' li tenamit a'in: chixjunileb' li te'nume'q arin te'sachq xna'leb' chi rilb'al a'an ut te'xse'e li xsachik li tenamit.

Jeremías 51:14

Li Nimajwal Yos xyehom xjurament sa' xk'ab'a' li xloq'al: “Tintaqlaheb' chaq k'iila aj puub' chi yalok aawik'in, jo'kaq xk'ihaleb' laj saak', ut eb' a'an k'ajo' naq te'b'ichanq naq te'xq'ax aawu”.

Jeremías 48:24

Keryot, Bosrá, ut sa' xb'eeneb' chixjunil li tenamit wankeb' sa' xteepal Mohab, jo' li wankeb' chaq chi najt ut li wankeb' chi nach'.