Jeremías 49:12 - Q'eqchi Bible

¹² Jo'ka'in kixye li Qaawa': “Wi eb' li ink'a' xk'ulub'eb' xk'ulb'al li rahilal, xe'rahob'tesiik, ma toja' ta chik laa'at tatkanaaq chi ink'a' taatoj rix laamaak? Relik chi yaal naq tento tatrahob'tesiiq re xtojb'al rix laamaak.

Li Santil hu

¹² Li Ka̱cuaꞌ quixye chi joꞌcaꞌin: —Cui eb li ma̱cꞌaꞌeb xma̱c queꞌqꞌueheꞌ chixcꞌulbal li raylal, ¿ma tojaꞌ ta chic la̱ex incꞌaꞌ texqꞌuehekꞌ chixtojbal rix le̱ ma̱c? Tento nak la̱ex te̱toj rix le̱ ma̱c.

Jeremías 49:12 ပူးပေါင်းရင်းမြစ်များ

Abdías 1:16

“Jo' naq xereek'a laa'ex xk'ahil li rahob'tesiik sa' linloq'laj tzuul, jo'kan ajwi' eb' li jalanil tenamit te'ruk' xsa' li xsek'ul linjosq'il chi kok'aq xsa' toj reetal te'oso'q chi junajwa.

Jeremías 46:27

“Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol; tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.

Jeremías 30:11

Laa'in, li Qaawa', ninye li waatin naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Jeremías 25:15

Li Qaawa', li xYos laj Israel, kixye we: “K'ul li sek' a'in, nujenaq chi b'iin, reetalil linjosq'il, ut k'e chi ruk'eb' chixjunileb' li tenamit b'arwi' tatintaqla.

Proverbios 17:5

Li naxse'e li neb'a' naxhob' li Yos; li nasaho'k xch'ool rik'in li xrahilal, taaraqmanq aatin sa' xb'een.

San Mateo 20:22

Ab'an li Jesus kixye: —Ink'a' nekenaw k'aru yookex chi xtz'aamankil. Ma truuq teeruk' xsa' li sek' tinwuk' laa'in?