Jeremías 49:1 - Q'eqchi Bible

¹ Jo'ka'in kixye li Qaawa' chirixeb' laj Amón: “Ma maak'a'eb' tab'i' ralal xk'ajoleb' laj Israel? Ma maajun taa'eechaninq re li xna'ajeb'? K'a' put naq li yos Mikón chik x'eechanink re Gad ut eb' laj Amón xe'kanaak sa'eb' li xtenamiteb'?

Li Santil hu

¹ Joꞌcaꞌin quixye li Ka̱cuaꞌ li nimajcual Dios chirixeb laj Amón: —¿Ma ma̱cꞌaꞌ ta biꞌ ralal xcꞌajoleb laj Israel? ¿Ma ma̱cꞌaꞌeb ta biꞌ ralal xcꞌajoleb teꞌe̱chani̱nk re lix naꞌajeb? ¿Cꞌaꞌut nak eb laj Amón li nequeꞌlokꞌonin li yi̱banbil dios Milcom queꞌxchap li naꞌajej Gat? ¿Cꞌaꞌut nak xeꞌcana chi cua̱nc saꞌ eb li tenamit aꞌan?

Jeremías 49:1 ပူးပေါင်းရင်းမြစ်များ

Deuteronomio 23:3

“Eb' laj Amón ut eb' laj Mohab ink'a' k'ulb'ilaqeb' sa' li xkomonil li Qaawa', chi moko sa' li xlaje xteepal riyajil. Maajun wa te'k'ule'q sa' li xkomonil li Qaawa',

Jeremías 49:7

Jo'ka'in kixye li Nimajwal Yos chirixeb' laj Edom: “Ma maak'a' chik li chaab'il na'leb' aran Temán? Ma x'oso'k li seeb'al k'a'uxl rik'ineb' li wankeb' xna'leb'? Ma xsachk tab'i' li chaab'il na'leb'?

Jeremías 25:21

eb' laj Edom, eb' laj Mohab ut eb' li ralal xk'ajol laj Amón;

2 Crónicas 20:1

Moqon chik eb' laj Mohab, eb' laj Amón, rochb'eeneb' laj Mahón, koheb' chi yalok rik'in laj Josafat.

Jeremías 49:28

Jo'ka'in kixye li Qaawa' chirixeb' laj Kedar ut eb' li awab'ej re Jasor, li ke'q'axe'k ru xb'aan laj Nabukodonosor, li awab'ej re Babilonia: “Xaqlinqex ut ayuqex chi yalok rik'in Kedar, sachomaqeb' ru li poyanam wankeb' sa' xjayal releb'l saq'e.

Jeremías 49:23

Jo'ka'in kixye li Qaawa' chirixeb' laj Damaask: “Yo xk'a'uxeb' laj Jamat ut eb' laj Arpad, xb'aan naq xe'rab'i resil li rahilal chalk re; nachiq'chotk li xch'ooleb' jo' li palaw naheetank ru, ut ink'a' chik wankeb' sa' tuqtuukilal.

Jeremías 48:1

Jo'ka'in kixye li Nimajwal Yos, li xYos laj Israel, chirixeb' laj Mohab: “Toq'ob' xaq ru li tenamit Nebo naq juk'ulk aj chik. Xsache'k xwankil ut x'eechaniik Kiriatáhin. Xutaanal xkanaak li kawub'resinb'il tenamit naq xjuk'e'k.

Jeremías 27:3

Chirix chik a'an taqla li esil a'in rik'ineb' li awab'ej re Edom, re Mohab, re Amón, jo' ajwi' re Tiro ut Sidón. Taqla xyeeb'al reheb' chirixeb' li taql li xe'k'ulunk Jerusalén chi rula'aninkil laj Sedesías, li awab'ej re Judá,

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Salmos 83:7

eb' li ralal xk'ajol aj Edom ut eb' laj Ismael, eb' laj Mohab ut eb' laj Hagar,

Salmos 9:6

Xaq'useb' li tenamit ut xasach ru li ink'a' useb' xch'ool; xasacheb' xk'ab'a' chi junajwa.

Nehemías 4:7

Naq laj Sanbalat, laj Tobías, eb' laj Arabia, eb' laj Amón ut eb' laj Asdod ke'rab'i resil naq kaw yookeb' chi xwaklesinkil wi' chik li xsuttz'akil Jerusalén jo'wi' xtz'apb'al eb' li hopox, q'axal ke'chalk xjosq'il

Nehemías 2:19

Naq laj Sanbalat aj Jorón, laj Tobías aj Amón, ut laj Kesen aj Arabia ke'rab'i resil a'in, ke'xtikib' qase'enkil ut qatz'eqtaanankil; ke'xye: “K'aru ok eere chi xb'aanunkil? Ma teeraj xq'etq'etinkil eerib' chiru li awab'ej?”, chankeb'.

2 Crónicas 20:23

Eb' laj Amón ut eb' laj Mohab ke'ok chi yalok rik'ineb' li ke'chalk sa' li tzuul Seír, ut ke'xsach ruheb'. Ut naq ke'xchoy xkamsinkileb', ke'ok ajwi' chi xkamsinkileb' rib' chirib'ileb' rib'.

2 Reyes 24:2

Ab'anan li Qaawa' kixtaqlaheb' aj Kaldeha, aj Aram, aj Mohab ut aj Amón; kixtaqlaheb' chi yalok rik'in laj Johakín, rik'ineb' laj Judá re xsachb'al ruheb', jo' yeeb'il xb'aan li Qaawa' chi xtz'uumal reheb' li xpropeet.

2 Reyes 10:33

chalen chaq chire li nima' Jordán toj sa' xjayal releb'l saq'e, sa' chixjunil xteepal Galahad, Gad, Rubén ut Manasés, ut chalen chaq Aroher, chire li nima' Arnón, toj sa' xteepal Galahad ut Basán.

Deuteronomio 2:19

ut taataweb' li ralal xk'ajol laj Amón. Maachiq' xjosq'ileb' chi moko taatikib' yalok rik'ineb', xb'aan naq maak'a' re li xtenamiteb' li ralal xk'ajol laj Amón tink'e ta aawe: ink'ehom chik cho'q reechanihomeb' li ralal xk'ajol laj Lot», chan.

Génesis 19:38

Jo'kan ajwi' li iitz'inb'ej kiwank jun xk'uula'al, ut aj Ben-Amí kixk'e cho'q xk'ab'a': a'an xyuwa'ileb' laj Amón chalen toj anaqwan.

Números 1:24

Li xkomonileb' li ralal xk'ajol laj Gad, chi teep ut chi junqkab'alil, naq ke'tz'iib'aak xk'ab'a'eb' chi junqaleb' chixjunileb' li winq chalen aj junqmay chihab' li yo'ooneb' chi yalok,

Deuteronomio 23:4

xb'aan naq ink'a' ke'chalk chek'ulb'al rik'in wa ut ha' chiru b'e, naq laa'ex kex'elk chaq Ejiipt; ke'xtoj ajwi' laj Balaham re eemajewankil, a' li ralal laj Pehor, li kichalk chaq Petor, Aram-Naharáhin.

Jeremías 12:14

Jo'ka'in kixye li Qaawa': “Chixjunileb' li rechkab'al laj Israel ink'a' useb' xna'leb'. A'aneb' li xe'sachok re li na'ajej ink'ehom re li tenamit Israel; jo'kan naq laa'in twisiheb' sa' li xna'ajeb', ut twisiheb' chaq laj Judá sa' xyanqeb'.

Sofonías 1:5

Tinsach ruheb' li neke'taqe'k sa' xb'een li kab'l chi xloq'oninkileb' ru li chahim, eb' li neke'xwiq'ib' rib' chiwu laa'in ut neke'xpatz' ajwi' xk'ab'a' laj Milkón li xyoseb';

Ezequiel 21:25

Ut laa'at, at reemaaru aj awab'ej re Israel, xwulak xkutankil li tojb'amaak; ak xraqe'k chixjunil.

Ezequiel 25:1

Li Qaawa' kinraatina ut kixye we chi jo'ka'in: