Jeremías 48:7 - Q'eqchi Bible

⁷ “At Mohab, laa'at xak'ojob' laach'ool rik'in laab'ihomal ut laab'aanuhom, ab'anan tat-eechaniiq ajwi' laa'at. Laj Kamós, laayos, taak'ame'q chi preexil rochb'eeneb' laj tij ut li xninqaleb' ru winq.

Li Santil hu

⁷ La̱ex texchapekꞌ ajcuiꞌ xban nak nequecꞌojob e̱chꞌo̱l saꞌ xbe̱n le̱ biomal. Ut laj Quemos le̱ dios ta̱chapekꞌ ut ta̱cꞌamekꞌ chi pre̱xil rochbeneb laj tij joꞌ eb ajcuiꞌ li cuanqueb xcuanquil.

Jeremías 48:7 ပူးပေါင်းရင်းမြစ်များ

Números 21:29

Toq'ob' aawu, a Mohab, xat-oso'k, at tenamit Kamós. Xakanab'eb' chi elelik laawalal, ut eb' laarab'in xe'k'ame'k chi preexil xb'aan laj Sijón, awab'ej re Amor.

Jeremías 49:3

“Yaab'anqex, ex aj Jesbón, xb'aan naq xsache'k li tenamit Ar. Japomaq eere chi yaab'ak, ex aj Rabá, k'ehomaq li q'es ruhil t'ikr cherix, tz'uyinqex ut ayuqex yalaq b'ar sa' xyanqeb' li tz'ak, xb'aan naq li yos Milkón taak'ame'q chi preexil rochb'eeneb' laj tij jo'wi' eb' li xninqal ru winq.

Jeremías 9:23

Jo'ka'in kixye li Qaawa': “Mixk'e xloq'al xjunes rib' li wank xna'leb' sa' xk'ab'a' naq wank xna'leb', chi moko chixnima rib' li wank xwankil, chi moko li b'ihom sa' xk'ab'a' li xb'ihomal.

Salmos 52:7

Jo'kan naq li Yos tatxpitz'i, tixsach aawu chi junajwa, tatrisi sa' laawochoch jo' ajwi' sa' xna'ajeb' li yo'yookeb'.

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

Oseas 10:13

A'ut laa'ex xek'anjela ru li maa'usilal, jo'kan naq xeq'ol li raaxiik' ut li ru li tik'ti' yookex chi xtzekankil. “Ex aj Israel, xekawub'resi leech'ool naq wankeb' chaq leeb'eleb'aal ch'iich' ut k'ajo' xk'ihaleb' laj puub' xe'wank eerik'in.

Jeremías 48:46

Ra chaalel sa' aab'een, a Mohab! Oso'jenaqat chik, at tenamit Kamós: xe'isiik eb' laawalal aak'ajol sa' li xna'ajeb' ut xe'k'ame'k chi preexil.

Jeremías 48:13

Toja' naq Mohab taaxutaanaq xb'aan laj Kemós, li xyos, jo' naq ke'xutaanak eb' laj Israel xb'aan Betel, li q'axal ke'xkawu wi' xch'ooleb'.

1 Reyes 11:33

Xb'aan naq laj Salomón xinxtz'eqtaana ut x'ok chi xloq'oninkil ru lix Astarté, xyoseb' laj Sidón, laj Kamós, xyoseb' laj Mohab, ut laj Milkón, xyoseb' laj Amón, ut ink'a' chik nab'eek sa' tiikilal chiwu, ink'a' chik naxpaab' li waatin ut linchaq'rab', jo' kixb'aanu laj David li xyuwa'.

Apocalipsis 18:7

Jo'nimal xnimob'resi wi' rib' ut xrataw li maa'usilal, jo'kan ajwi' k'ehomaq reeqaj rik'in rahilal ut yot'e'k. Xb'aan naq kixye sa' xch'ool: «K'ojk'ookin jo' xna' li tenamit, maawa'in xmalka'an ut maajoq'e twil li rahil ch'oolej», chan.

Jeremías 43:12

Tixk'ateb' li rochochil li xyoseb' laj Ejiipt; tixk'ateb' ajwi' eb' li yos malaj ut tixk'ameb' chirix. Tixch'iile li tenamit Ejiipt, jo' laj ilol ketomq naxch'iile ru li raq', ut chirix chik a'an taaxik jo' junaq li xq'axok u.

Jeremías 13:25

A'an laak'ulub', a Israel, a'an laaq'ajkamunkil li tink'e aawe -chan li Qaawa' Yos-. Xb'aan naq xinaatz'eq chirix aach'ool ut xkohat chirixeb' li yos li maak'a' neke'ok wi'.

Salmos 40:4

Xk'e chinb'icha jun li ak' b'ich re xnimankil ut xb'ichankil ru li qaYos. Naab'aleb' xe'ilok re ut xe'xkub'si xwankil, xe'xk'ojob' xch'ooleb' rik'in li Qaawa'.

1 Reyes 11:7

Chiruheb' li kutan a'an, laj Salomón kixk'e chi yiib'aak x'artalil laj Kamós, xtz'eqb'eetalil yos eb' laj Mohab, aran sa' xb'een li tzuul li wank chi xk'atq Jerusalén. Kixk'e ajwi' chi yiib'aak x'artalil laj Milkón, xtz'eqb'eetalil yos eb' laj Amón.

Jueces 11:24

Ma ink'a' tab'i' ak wank aawe chixjunil li ch'och' li kixsi aawe laj Kamós laayos? Jo'kan ajwi' laa'o. Chixjunil li kixsi qe li Qaawa' li qaYos chi qeechani, a'an qe laa'o.

2 Samuel 5:21

Aran eb' laj Filistea ke'xkanab'eb' li xyoseb', ut laj David ut eb' li wankeb' rochb'een ke'xk'ameb'.

Jeremías 49:4

K'a'ut naq nakanima aawankil rik'in laachaab'il ch'och', at q'etq'etil tenamit? K'a'ut naq nakakawu aach'ool chirix laab'ihomal, ut nakaye: “Ani taaruuq chi yalok wik'in?”, chankat.