Jeremías 48:45 - Q'eqchi Bible

⁴⁵ “Eb' laj eelel te'xik chi tawajenaqeb' chi xkolb'al rib' sa' xmu Jesbón; ab'an x'elk chaq jun xam aran Jesbón, sa' rochoch laj Sijón, li awab'ej, ut xk'ateb' li xtzuulul Mohab, a'an jun tenamit q'etq'et ut aj po'ol ch'oolej.

Li Santil hu

⁴⁵ Cuanqueb li teꞌxic chixcolbal ribeb aran Hesbón. Abanan ma̱cꞌaꞌ naru teꞌxba̱nu. Quicꞌateꞌ li tenamit Hesbón, lix tenamit li rey Sehón. Quicꞌateꞌ li tzu̱l ut eb lix nuba̱l li tenamit aꞌin li incꞌaꞌ nequeꞌcuan saꞌ xya̱lal.

Jeremías 48:45 ပူးပေါင်းရင်းမြစ်များ

Números 24:17

Wank k'aru nawil, us ta maji' ch'olch'o chi us anaqwan; nink'e reetal chi maji' nanach'ok chi us: jun chahim xwakliik chaq rik'in laj Jakob, xaqxo xwankil jun li awab'ej sa' xyanqeb' laj Israel. A'an tixsach ruheb' laj Mohab ut tixputz'i xjolomeb' li ralal xk'ajol laj Set.

Números 21:28

Xb'aan naq xlochk xxamlel Jesbón, yo chi k'atk li xtenamit laj Sijón: x'oso'k li tenamit Ar sa' xteepal Mohab, xchoqlenk li tzuul chire li nima' Arnón.

San Mateo 21:42

Kixye li Jesus reheb': —Ma maajun wa eerilom sa' li Santil Hu: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l. A' li Qaawa' kib'aanunk re a'in, ut a'an sachb'ach'oolej chiqu»?

Zacarías 10:4

Sa' xyanqeb' a'an te'elq laj jolominel, laj k'amol b'e ut li ninqeb' xwankil; sa' xyanqeb' a'an te'elq ajwi' chixjunileb' laj k'amol b'e.

Amós 2:2

Jo'kan naq tink'e xxamlel chixjunil li xteepal Mohab ut te'k'ate'q eb' li xchaq'alil ru ochoch re Keryot. Sa' li nimla mululij ib' te'kamq eb' laj Mohab, naq yooq chi yaab'asiik li pur sa' xhonalil li yalok.

Números 21:26

Xb'aan naq Jesbón a'an li tenamit wan wi' laj Sijón, awab'ej re Amor. Laj Sijón kiyalok junxil rik'in li xb'een awab'ej re Mohab ut kireechani chixjunil li xch'och' toj wan wi' li nima' Arnón.

Números 21:21

Eb' laj Israel ke'xtaqla aj esil rik'in laj Sijón, awab'ej re Amor:

Números 21:29

Toq'ob' aawu, a Mohab, xat-oso'k, at tenamit Kamós. Xakanab'eb' chi elelik laawalal, ut eb' laarab'in xe'k'ame'k chi preexil xb'aan laj Sijón, awab'ej re Amor.

Salmos 78:63

Li xam kichoyok reheb' li saaj al ut ink'a' chik kiwank sahil ch'oolejil chirixeb' li tuq'ixq.

Salmos 135:11

laj Sijón, awab'ej re Amor, laj Og, awab'ej re Basán, ut chixjunileb' li awab'ej re Kanahán.

Jeremías 2:16

A'atqeb' laj Menfis ut eb' laj Tafnes xe'sachok re leewankil.

Jeremías 48:2

Maak'a' chik xloq'al Mohab. Aran Jesbón xe'xk'uub' xsachb'al ru li tenamit Mohab: «Kimqex ut qasachaq ru sa' ruuchich'och'», chankeb'. Jo'kan ajwi' naq tat-oso'q laa'at, a Madmén, ut li raaxiik' junelik yooq chasutb'al.