Jeremías 48:37 - Q'eqchi Bible

³⁷ Chixjunileb' xe'xjo li xjolomeb' ut li xmacheb'; xe'xsetatq xsa' li ruq'eb' ut xe'xk'e q'es ruhil t'ikr chirixeb'.

Li Santil hu

³⁷ Chixjunileb queꞌxbes li rismal xjolomeb ut queꞌrisi lix macheb. Chixjunileb queꞌxset li rukꞌeb ut queꞌrocsi li tꞌicr li kꞌes ru retalil li rahil chꞌo̱lej li cuanqueb cuiꞌ.

Jeremías 48:37 ပူးပေါင်းရင်းမြစ်များ

Jeremías 47:5

Eb' laj Gasa te'xjo xjolomeb' xb'aan li rahilal ut mem te'kanaaq eb' laj Askalón. Ut laa'ex li rela' eb' li winq ninqeb' xteram, toj jo'q'e teekanab' xlet'exinkil ru leetib'el?

Jeremías 41:5

ke'wulak kaak'aal chi winq aj Sikem, aj Siló ut aj Samaria. Job'il chaq li xmacheb', q'ichilkeb' li raq' ut k'ajo' xtiq'ilaleb'. Ke'xk'am chaq li ru eb' li awimq ut li k'ajpom re xyeechi'inkil sa' rochoch li Yos.

Génesis 37:34

Toja' naq laj Jakob kixq'ich li raq', kixtiqib' rib' rik'in q'es ruhil t'ikr, ut chiru naab'al kutan kikanaak sa' rahil ch'oolejil xb'aan li ralal.

Jeremías 16:6

Sa' li tenamit a'in te'kamq eb' li kok' ut ninqi poyanam, ut maajun reheb' taamuqe'q. Ink'a' taawanq rahil ch'oolejil; maajun taayaab'aq chirixeb' chi moko te'xjo li xjolomeb'.

Isaías 20:2

Toja' naq li Qaawa' ki'aatinak chi xtz'uumal re laj Isaías, ralal laj Amós, ut kixye re chi jo'ka'in: “Isi li q'es ruhil t'ikr li wank chawix ut isi ajwi' laaxaab'”, chan. Laj Isaías kixb'aanu chi jo'kan, ut kiwank chi maak'a' raq' ut chi maak'a' xxaab'.

Apocalipsis 11:3

Ut laa'in tinb'aanu naq eb' linwiib' chi testiiw tiqtooqeb' rik'in saak, te'aatinaq jo' propeet chiru oxk'aal xka o'q'ob' (1,260) kutan”.

San Marcos 5:5

Ut rajlal, chi q'eq ut chi kutan, nawank chaq sa'atqeb' li muqleb'aal kamenaq ut chiruheb' li tzuul, naxjap chaq re ut naxtiq'ihatq rib' chiru pek.

Miqueas 1:16

At tenamit Jerusalén, b'es laawismal xb'aan li rahilal sa' xk'ab'a'eb' laawalal aak'ajol li nakaraheb'. Jo laajolom, kama' li xjolom li t'iw taakanaaq, xb'aan naq eb' laawalal aak'ajol te'k'ame'q sa' ab'l tenamit chi najt aawik'in”.

Amós 8:10

Tink'e naq leeninq'e taakanaaq cho'q rahil ch'oolej ut chixjunil leeb'ich cho'q tz'uyink. Tink'e naq chejunilex teeb'at eerib' sa' q'es ruhil t'ikr ut teejo leejolom xb'aan xrahil eech'ool. Texyaab'aq jo' tawi' xkamk leeralal jun chirib'il, ut chixjunil junes rahilal toxraqe'q wi'.

Ezequiel 27:31

Te'xjo li xjolomeb' sa' aak'ab'a', te'xtiqib' rib' rik'in q'eqit'ikr ut tz'uynaqeb' chi yaab'ak chi k'ajo'aq xmayeb' li raanm.

Ezequiel 7:18

Te'xk'e q'es ruhil t'ikr chirixeb' chi k'ajo'aqeb' xxiw; numtajenaqaq xxutaan ut joob'ilaq chik li xjolomeb'.

Isaías 37:1

Naq laj Esekías li awab'ej kirab'i eb' li aatin a'in, kixq'ich li raq', kixtiqib' rib' rik'in q'es ruhil t'ikr ut koho sa' rochoch li Qaawa'.

Isaías 3:24

Sa' li kutan a'an cho'q reeqaj li sununkil b'an taawanq li chu; cho'q reeqaj li k'aamal sa', a' chik li k'aam taak'eemanq; cho'q reeqaj li te'ok ismal, job'il jolomej chik taawanq; cho'q reeqaj li chaab'il b'aatal, a' chik li q'es ruhil t'ikr taawanq; ut li ch'ina'usal taasutq'iiq cho'q xutaan.

2 Reyes 6:30

Naq li awab'ej kirab'i li kixye li ixq, kixq'ich li raq'. Ut naq yo chi nume'k sa' xb'een li suttz'ak, eb' li tenamit ke'ril naq, chisa' li raq', lanlo rik'in q'es ruhil t'ikr.

1 Reyes 21:27

Naq laj Ajab kirab'i a'in, kixq'ich li raq', kixlan rib' sa' saak ut ink'a' chik kiwa'ak. Nawark chi wank li saak chirix ut naxulnak aj chik nab'eek.

1 Reyes 18:28

Eb' a'an q'axal kaw wi' chik ke'xjap re chi xpatz'b'al li xk'ab'a'; ke'xjisihatq li xtib'eleb' chi ch'iich' ut chi jutz' che' jo' k'aynaqeb' xb'aanunkil, toj reetal ke'nujak chi kik'.

Levítico 19:28

“Meelet'exi leetib'el sa' xk'ab'a' junaq kamenaq chi moko chek'e junaq eetalil chiru leetib'el. Laa'in li Qaawa'.

Génesis 37:29

Naq kisutq'iik chaq laj Rubén ut kiril naq maa'ani chik laj José sa' li kumb', kixq'ich li raq'

Jeremías 49:3

“Yaab'anqex, ex aj Jesbón, xb'aan naq xsache'k li tenamit Ar. Japomaq eere chi yaab'ak, ex aj Rabá, k'ehomaq li q'es ruhil t'ikr cherix, tz'uyinqex ut ayuqex yalaq b'ar sa' xyanqeb' li tz'ak, xb'aan naq li yos Milkón taak'ame'q chi preexil rochb'eeneb' laj tij jo'wi' eb' li xninqal ru winq.

Ezequiel 29:18

“At kaamel winq, laj Nabukodonosor, li awab'ej re Babilonia, rochb'eeneb' laj puub', xe'xk'uub' xninqal rahilal sa' xb'een Tiro. Chixjunileb' xe'joomaak li xjolom ut xe'mich'je'k li xyi rixeb' xb'aan li kawil k'anjel xe'xb'aanu. Ab'anan chi moko li awab'ej chi moko eb' laj puub' us xe'elk naq xe'yalok rik'ineb' laj Tiro.

1 Crónicas 19:4

Jo'kan naq laj Janún kixchapeb' laj k'anjel chiru laj David, kixjo li xmacheb', kixq'ich li raq'eb' toj chi xko riteb' ut kixchaq'rab'iheb' chaq.