Jeremías 48:36 - Q'eqchi Bible

³⁶ Jo'kan naq namayok linch'ool chirix Mohab; ninyaab'ak chirixeb' laj Kir-Jaréset jo' jun li xolb', xb'aan naq chixjunil li b'ihomal li xe'xtuub', x'oso'k.

Li Santil hu

³⁶ Nayotꞌeꞌ inchꞌo̱l chirixeb li cuanqueb Moab ut chirixeb li cuanqueb Kir-hares. Lix rahil inchꞌo̱l, aꞌan chanchan nak nachꞌeꞌman jun li bich saꞌ li xo̱lb re rahil chꞌo̱lejil xban nak ma̱cꞌaꞌ chic xbiomaleb laj Moab.

Jeremías 48:36 ပူးပေါင်းရင်းမြစ်များ

Isaías 15:7

Xe'xxok li k'a'aq re ru wank reheb', li xkanaak chiruheb', ut xe'xk'am chirixeb' toj junpak'al li xNima'il li Salche'.

Isaías 16:11

Jo'kan naq nachiq'lok xsa' linsa' xb'aan Mohab ut nayot'e'k li waanm chirix Kir-Jaréset.

Isaías 15:5

Naraho'k linch'ool chirix Mohab; eb' li wankeb' aran xkoheb' eelel toj Sohar, Eklat-Selisiyá. Naq yookeb' chi taqsink Luhit, k'ajo'eb' li xyaab', neke'ruk' wi' li xya'al ruheb' naq yookeb' chi xik Joronáhin.

Jeremías 17:11

Li ani nab'ihomo'k rik'in b'alaq'ik, a'an kama' li xik'anel xul li naxmetzo li mol maawa' re. Taasachq li xb'ihomal chiru, chi junpaat, ut taakanaaq jo' li maak'a' xna'leb'.

Jeremías 4:19

Jwal nayot'e'k linch'ool ut q'axal namayok li waanm, ka'aj chik maa na'elk linch'ool sa' li xna'aj. Ink'a' ninkanab' xjapb'al we chi aatinak xb'aan naq yookin chi rab'inkil xyaab'eb' li pur li yo chi b'oqok re xik chi yalok.

Isaías 63:15

At Qaawa', ilon chaq toj sa' choxa ut k'e reetal toj sa' chaq laasantil na'aj nakathilank wi'. B'ar xkoho li xnimal laarahom ut laakawilal? K'a'ut naq ink'a' namayok b'ayaq laawaanm? Ma x'oso'k tab'i' laawuxtaan cho'q qe?

Proverbios 18:11

Sa' xch'ool li b'ihom naq li k'aru wank re a'an chanchan jun tenamit suttz'akanb'il chi us.

Proverbios 13:22

Li winq chaab'il naxkanab' x'erens eb' li ralal xk'ajol; a'ut li xb'ihomal laj maak a' chik li tiik xch'ool taa'eechaninq re.

Proverbios 11:4

Li b'ihomal maak'a' na'ok wi' sa' xkutankil li raqok aatin; ka'ajwi' li tiikilal nakolok chiru li kamk.

2 Reyes 3:25

Chirix chik a'an ke'xjuk'iheb' li tenamit, chi xjunjunqaleb' ke'xkutuxi li pek chiruheb' li chaab'il ch'och' toj reetal kinujak; ke'xtz'apaxi eb' li yu'amha' ut ke'xyok'i eb' li che' neke'uuchink. Ka'aj chik li xsuttz'akil li tenamit Kir-Jaréset kikanaak. Ab'an eb' laj rant'in ke'xsut rix toj reetal ke'xjuk'.

Jeremías 48:31

Jo'kan naq tinyaab'aq ut tintz'uyinq chirixeb' laj Mohab, taamayoq linch'ool chirixeb' laj Kir-Jaréset.