Jeremías 48:24 - Q'eqchi Bible

²⁴ Keryot, Bosrá, ut sa' xb'eeneb' chixjunil li tenamit wankeb' sa' xteepal Mohab, jo' li wankeb' chaq chi najt ut li wankeb' chi nach'.

Li Santil hu

²⁴ Ta̱rakekꞌ ajcuiꞌ a̱tin saꞌ xbe̱neb li cuanqueb Queriot, ut Bosra ut saꞌ xbe̱neb ajcuiꞌ chixjunileb li tenamit li cuanqueb saꞌ li naꞌajej Moab, chi najt joꞌ chi nachꞌ.

Jeremías 48:24 ပူးပေါင်းရင်းမြစ်များ

Amós 2:2

Jo'kan naq tink'e xxamlel chixjunil li xteepal Mohab ut te'k'ate'q eb' li xchaq'alil ru ochoch re Keryot. Sa' li nimla mululij ib' te'kamq eb' laj Mohab, naq yooq chi yaab'asiik li pur sa' xhonalil li yalok.

Jeremías 48:41

Xe'chapje'k eb' li tenamit ut xe'eechaniik eb' li kawub'resinb'il ochoch. Chiru li kutan a'an k'ajo' naq taamayoq xch'ooleb' laj puub' aj Mohab, siksootqeb' aj chik jo'kaqeb' li ixq ok re chi alank.

Josué 21:36

Ke'xk'ul ajwi', junpak'al li nima' Jordán, sa' xteepal Rubén, cho'q tenamit b'arwi' te'xkol rib' eb' laj kamsinel ras riitz'in, Béser sa' li chaqich'och', chiru taq'a, rochb'een xk'aleb'aaleb', jo'wi' Yahás rochb'een xk'aleb'aaleb',

Deuteronomio 4:43

A'aneb' a'in li tenamit: cho'q reheb' laj Rubén, kixxaqab' Béser, li wank sa' li chaqich'och' sa' xb'een li tzuul; cho'q reheb' laj Gad kixxaqab' Ramot re Galahad, ut cho'q reheb' laj Manasés: Golán re Basán.

Génesis 36:33

Naq kikamk laj Belá, a' chik laj Jobab, ralal laj Séraj, ki'awab'ejink sa' xna'aj, Bosrá li xtenamit.

Isaías 63:1

“Ani li kaqkaq raq', li yo chaq chi chalk Bosrá, sa' xteepal Edom? Q'axal ch'ina'us li xtiqib'ankil naq yo chaq chi chalk, rik'in xnimal xwankil”. “Laa'inin, li nin'aatinak rik'in tiikil ch'oolej ut q'axal nim inwankil chi kolok”.

Jeremías 49:13

Xb'aan naq xinye injurament naq li tenamit Bosrá taasache'q ru, tz'eqtaananb'ilaq ut majewanb'ilaq; ut nakirirnak te'kanaaq chixjunileb' li xtenamitul chi junwaakaj”.